حين اخذك الى عالمي
هذه المره انتي بخيال حقيقي لي
......
بقلمي
زينب
......
تفاعلكم حبيباتي وتصويتكم
بشائر ...
لزمت ايد شمس بتوتر على خوف واني اسمع بيبي ترحب ب الي اجو وصوت جدو ب الديوانيه يرحب بغيث
كالت شمس وهيه تصب جاي
_هاج اخذي مابيه حيل
_على بختج شمس باعي شلون ارجف غير يطيح من ايدي واتفشل
_شبيج خيه عليمن هل خوف عيشي اللحظه
_مادري شموسه
_بذمتج شنو احساسج
_روحي منا
انوب اني العفتها ب المطبخ ورحت للطرمه
طلع عباس من الديوانيه صار بوجهي
_واكفه هنا
_ماكو شي
_صبي جاي
_شمس صبت
_انها انلاصت ورب الكعبه
نهبطت من سمعت كلامه
_شبيك عباس
_اضن شيماء والوالد يريد يرجعون
_كول والله
_مادري تميم جان يسولف وانوب اجه غيث ماكمل سالفته
كالت شمس وهيه تطلع بيدها صينيه الجاي وتنطيها اله
_ولك كافي فاضح تميم وجدو ماكو حجايه ماتطلعها
_انتن شبيجن علي حسره على حجيت حجايه عطتو بوجهي انتي واخيج والله مدري شلونكم جا بس سديم الي تسويلي واهس اسولف
_مثلك سديم تحب ترطن
هز ايده واخذ الجاي
_شبيج شمس لو مخليته يسولف
_اهووو بشائر عباس ماتضل سالفه مايكولها ومن نريد نعرف منه شي يذلنه يلا يكول
دخلت من باب الكراج نرجس وهيه تشمر الكتب ب الكاع وتكعد فحطانه تاخذ نفس
_جيبولي ماي
_ولج كومي مو هنا تكعدين
_راح اموت والله شنو هل اسأله الزفت مامجاوبه
_عادي متعودين عليج تكولين مامجاوبه وتجي فول مارك
_دستقري ام فول مارك
شمس_بنات اصواتكم منا دخلو هسه
نرجس_اجه السمعد غيث
_نرررجس
_بعدج ماتزوجتي وماترضين علي لو تتزوجين شلون
_نرجس لحد يسمعج
_اني اريد ابطل تعبت مو حالة هاي امتحن خامس وراي سادس يارب شوكت نموت ونخلص
شمس_نرجوسه مو حجي هذا
_ترا والله مليت من الدنيا والبيها روحي طلع
مبين عليها شكد ضايجه شالت كتبها ودخلت بدون ماتسمع كلامنه استغربت من حالتها ليش هيج تتذمر مامسويتها قبل نرجس
_اكلج شمس منو جاي ويه غيث
_مادري منو وياه داخل بس الي يم بيبي مره ماعرف تطلع بكد امي هيج
_يعني مو امه
_لا مو امه
_زين ادخل يمهم
_اصلا بيبي كلتلي صيحيلها
_استحي
_اهوو بشائر عوفي هاي سوالف المستحه على صفحه لان انتي تعرفين غيث من قبل يعني مو شي جديد بعد على شنو تستحين
أنت تقرأ
قلوب بليده
Любовные романыانا عينيك الثالثه انا نفسك الثاني انا قلبك الذي لا يتوقف فكرك الذي لا يهدأ انا حرب لاتنتهي انا عصف حياتك انا كل عثراتك
