تصويت
تعليق بين الفقرات.
......
غسق...
غمضت عيوني وبلعت ريكي بخوف
_صفاء مو وكت سوالفك
_انتي ابتلاء نزل علي من سنين
_روح منا شتريد مني شتريد من امي
نزل سلاحه والرجفه مبينه بيده
_اخيرج وختاري
قبل كلشي اجه بالي يخيرني يقتل امي لو يقتلني نجنيت من تفكيري قبل لا اسمع كلامه
_اطلع برا لا الم الدنيا عليك
رجعت للهول ادور على تلفوني وهو وراي
رفعت تلفوني اريد اخابر ابوي وسحبه مني بقوة وهو موجه
سلاحه علي
_رجعلي التلفون
_هسه تمشين وياي مثل العاقله
تقرب علي وحط السلاح جوا ذاني
رجف كل جسمي والدموع تجمعت بعيني واني احس فوهة السلاح جوا ذاني
_شتريد مني
_راح ترجعين وياي مثل الحبابه وانتي الممنونه تسددين كل فلس صرفته عليج
_مو صار هواي اشتغل بعد شنو تريد مني مو اني اصرف على نفسي وعلى امي
_هههه تغشمين بنفسج انتي
اردد ادعيه بكلبي واقرا ايات قرانيه شكو ايه حافظتها قريتها
ابوي مو كال اني ب المحل هسه اجي وينه
_بس وخر سلاحك عني
شكد زارع الرعب بيه بس هسه اخاف اضعاف منه
بعدت عنه وسلاحه بي عيوني باوعت ليوراه اريد الفت انتباهه للورا ويشوفني شنو جاي اشوف
رغم مجاي اشوف شي بس اريد اريد يلتفت عني ركز ب المكان الي اباوع بي وهو يلتفت
عفته وركضت بكل قوتي طلعت من الباب
صوت صياحه وصوت طلقه وهيه تخترق مسامعي وتهد كل حيلي طلعت من باب البرا واني اركض ب الشارع مثل المخبله
من رفع سلاحه علي رجلي يرجفن ونهد حيلي هسه رجع كل حيلي واني اركض ب الشارع واتعثر حافيه
التفت وراي ومالكيته ورا ماركضت مسافه نزلن دموعي بخوف وصوت الطلقه يتردد باذني معقولة حاول يقتلني بس ماجت بيه الطلقه
طلعت ع الشارع العام ودموعي تنزل وشعري نازل على وجهي رفعت شعري ومسحت دموعي اريد اخذ تكسي واشرد منا طبكت يمي سياره فزيت مرعوبه عبالي صفاء
صوت ابوي وهيأته وهو يردد
لزمني من اكتافي وهو مرعوب من حالتي
_شبيج بابا منو مسوي بيج هيج
سكتت ارجف ودموعي تفسر كلشي صار
صعدني ب السيارة وهو عاصر ايدي بين ايديه وخايف مثل خوفتي
_سولفيلي منو وياج احد متعرضلج بنيتي راح يوكف كلبي من الخوف
كلت بين شهكاتي وصوتي المتقطع
_بابا صفاء اجه للبيت حاول يقتلني وهو يرفع سلاحه بوجهي يريد يرجعني وياه عفته وشردت سمعت صوت طلق واني اطلع من البيت وهو ماموجود اقصد مالحكني
فتح عيونه مصدوم وهو يحضني بقوة ويرفع شعري من وجهي
_اشش بنيتي كافي هسه نرجع ونشوف شيريد
لزمت ايديه حيل اتوسل بي
أنت تقرأ
قلوب بليده
Storie d'amoreانا عينيك الثالثه انا نفسك الثاني انا قلبك الذي لا يتوقف فكرك الذي لا يهدأ انا حرب لاتنتهي انا عصف حياتك انا كل عثراتك
