هذه ليست المره الاولى التي اعود بها خاسرا
انتظر يوم الخيبه لاني متعاد عليها
.......
تصويت +تعليق بين الفقرات
حسابي ع الانستقرام
_lzall__
غسق...
بين ازدحامات الشوارع
ليل مغطي الشوارع مثل مامغطي روحي
بين خطوات امشيهن بتردد
التعب الماخذ نص روحي
وكفت على حافه الرصيف اريد اعبر الشارع
لحظات واني صافنه ع السيارات الي تمر
اخذت نفس بهدوء
كل ضجيج الشارع يجي نقطه بحر يم ضجيج روحي المقسومه نصين
مشيت هواي دخلت لمنطقتنه صوت نباح الكلاب
امشي على الارضيه المتعرجه
عبرت البيوت وصلت البيتنه
طلع هيثم ابن جيرانه يضحك
فتحت قفل الباب واني اردد بصوت باسم امي
نزعت حذائي ودخلت البيتنه التعبان
ماعين المطبخ كلها متكسرة
ماكدر امشي على عليها
جريت نفس بصبر
عبرت الكزاز ورحت الغرفتها مقفولة
دكيت الباب اكثر من مره فتحت الباب عيونها مورمه
شالها الاسود المغطي ملامحها
حضنتني بقوة وهيه تكول
_ليش تاخرتي
_هم رجع عفس البيت وطلع
_خيولي يمه اهم شي ما اذاج
انطيتها علاكه العلاج بدون مانطي اي ردت فعل
باوعتلها بجمود ودرت وجهي لغرفتي نزعت ملابسي ولبست دشداشه
رفعت رداناتي واني الملم ب الكزاز
صوت قوي يطرق الباب عفت كلشي بيدي وفتحت الباب
قبل لا اشوف منو اجتي ايده بشعري وهو يعت بي
لفحني نفسه الحار على وجهي وهو يحجي بفحيح
_وين جنتي تجيني تالي ليل عند يا ملهى تشتغلين
غمضت عيوني بوجع بدون ماحجي شي وياه
عاف شعري حيل
كتمت صرخت وجعي بداخلي علمود لا تسمع امي
_طلعه منا ماكو مفهوم
_شلون نعيش
_اني رجل كرسي هنا نمو انطيكم مصرف
سكتت عنه درت وجهي للمطبخ وهو يصيح وراي
عفته ودخلت
دخل للمطبخ وراي وهو يصيح باسم امي
وكفت كدام وجهه
_عوف امي تعبانه
_هو الخراب كله من ورا هاي ال...
غلط عليها واني مجبورة اسكت طلع من البيت وهو يتوعد النه
رحتلها واني الوم بيها
_تعبت يوم خلينه نرجع
نرعبت من كلامي وهيه فازه
_ياخذوج مني يوم والله ياخذوج مني منو الي بعدج
_ماعوفج والله ادري ابوي شكد يحبني هسه شوفتي اله حسره عنده
_مسجون مايشوفج
_اكيد خلص محكوميته
_ياخذوج مني بنتهم كبرت مايخلون الغريبه تربيها
_بس انتي امي ربيتيني مو غريبه
_غريبه عن الكل عفت اهلي وكرايبي وشردت بيج علمود محد ياخذج مني ولج يمه فهميني كلبي راح يموت من وراج ماضلي ب الدنيا غيرج اموت وروحيلهم
_اسم الله عليج
أنت تقرأ
قلوب بليده
Romanceانا عينيك الثالثه انا نفسك الثاني انا قلبك الذي لا يتوقف فكرك الذي لا يهدأ انا حرب لاتنتهي انا عصف حياتك انا كل عثراتك
