بين وعود السنين
بين جفاء القلوب
وعود العيون
تعود لترهق قلبي مره اخرى
عدت بماضي ب الكاد اتناسيه
فقط عشت متناسيه وليسه بناسية
هل انت عقبة حياتي
ام انت ابتلاء في حياتي
......
الوجع الي يعيشونه مو هين ابد
ابنهم الي توفه واخذ حيل اهله وياه
ب الاحرى استشهد وهمه مايدرون بي يجاهد
خواته الي طول الوقت يبجن ومو متقبلات الصار
الظهر
مديت سجادات صلاة للنسوان علمود يصلن
جريت نفس بتعب واني اجاوب المره التسأل
_ماتدرين يمته يرجعون من الدفن
_لا خالة مادري
عفتهن ورحت لشمس
لكيتها مثل نومتها
هزيتها اكعد بيها
كعدت وهيه مبتسمه عصرت كلبي بسمتها
_يلا شموسة كومي اكلي شي
_ماريد تعبانه من الامتحانات اريد انام
_تامنين بالله انتي راح تتقبلين كلشي بمرور الوقت
_حلمت حلم مزعج حيل ب الحلم حسين استشهد
لزمت ايدها اضغط عليها واشيل شعرها من وجهها
_حسين راح لمكان احسن من المكان العايشين بي احنه راح وهوا يحبكم وراضي عنكم هذا مو حلم هذا واقع
ضلت تضحك على كلامي وكامت كدام الميز تمشط بشعرها وحطت عطر وهيه مبتسمه
_سديم اليوم شبيج وبعدين شعجب ماكعدتوني من الصبح مو عوايد امي تعوفني نايمه شهل هوسة بالبيت
فركت وجهي بتوتر شلون اقنعها تصرفها مو طبيعي كانو صدك الشافته حلم شككتني بروحي
_شمس اخوج استشهد شوفي وضع البيت شوفي امج وابوج شوفي اخوج شلون منهار امج الراح كل حيلها لو بيبي الي بس تنعي لا تزوديها عليهم ترا مو بوقت يتحملون حجيج
ادري قسيت وياها ب الكلام بس ماكو منفذ او طريقه غير هاي
شمرت العطر من الميز بس مانكسر حجت وصوتها يرجف
_كلكم جذابين شكد استغلالين تردين اصدك حجيج علمود اسند اهلي انتي جذابه هسه يجي حسين اله اكله عليكم ضلت تصيح باسم تميم وطلعت من غرفتها متجهه لغرفته دخلت مالكته
_تميم ب الدوام مو
_تميم ب النجف
_وخري مني وخري جذابه يمةةة وينج
نزلت وهيه تصيح باسم امها بصوت عالي وكفت متفاجاه ع الدرج وهيه تشوف كل كرايبهم موجودين والاطفال يلعبون برا وهوسة والنسوان يطبخن وناس تبجي وناس تصلي
كعدت على الدرج وايدها فوك راسها
_امي وين اريدها سديم صيحلي امي شنو هاي
عيونها مدمعه وتبلع بريكها ماتريد تبجي
بس حضنتها
اطلقت عنان دموعها
مجلبه بيه حيل وتبجي ابجي وياها وبيبي من بعيد حاطه شيلتها على وجهها وتبجي
البنات كوموها وهيه منهاره تحجي بكلمات مامفهومه وتصيح باسم اخوها
راحت يم خواتها ريم المتمدده وصافنه وجمانه حاطه راسها بين رجليها وتبجي
كعدت يمهن وهيه تهز براسها وتصرخ
مكابلتهن وصافنه عليهن
مثل اليوم التوفت بي امي
هيج حالتنه
الظاهر علاقتهم حيل حلوة ويه اخوهن لهل درجه يحبنه
جمانه الي فقدت وانغمه عليها من شدت الخبر
هسه كاعده جسد بلا روح رفعت راسها البشائر الكاعده يمها
_الاشياء الحلو الي ماتنتزع من الذاكره اولها حسين
كالت بصوت مبحوح
_شلون يبرد كلبي واعيش طبيعي هم يجي يوم واباوع الغيره هم يجي يوم واسمع باسمه ومايلجم كلبي هم يجي يوم ومافز نص الليل ومافكر بي يجي يوم هاي الجمره البكلبي تبرد
يجي يوم واكول بسهولة مات بدون مايوجعني كلبي
كوة تمالكت نفسي من حجيهن طلعت من الغرفه ودموعي تنزل بغزارة
بداخلي اردد لا مراح يجي هل يوم راح يطول ابجي على نفسي لو عليهن لو على امي
بشائر ...
دخلت كوثر
صح تمشي بس محاسه بشي من الواقع
دخلت هل مره بدون ابنها الي اخذته تدفنه
مرت ايام الفاتحه اصعب من المر
الملا تقرا الى ان ينهد حيل كوثر وخواته وبيبي وكرايبهم
شفت اشياء مامتعودة اعيش اجوائها
ماعشت اجواء فاتحت امي لان ماحضرنه
يبقى هل شي غصه بداخلي
بقت الناس تجي تعزيهم وتروح
كاعده يم جمانه الصافنه على الفراغ جنت اراسل صديقتي
اجت حنين وبيدها مرتضى ابن ابوي
حنين_بشائر تكول شيماء سبحي ابنها عيني الخانو نايمه نامت عليها طوفه
اخذت مرتضى من ايدها
_حنينن مو كدام الطفل خطيه لا تحجين عليها كدامه
_شو وخري بشائر انتي هم مدري شلونج انا مرت ابوي نايمه وانا اكربلها واغسللها جهالها
_حبيبي مرتضى روح الماما تغسلك مافارغه
راح جريت حسرة مامتعودة اعامل احد هيج بس ماريدهم يتعودين عليه بمرور الوقت
حنين اكثر وحده بخواتها شفتها صبوره عن كلشي صار طول هاي الايام هيه تسوي كلشي الامها وابوها
عكس شمس الي عزلت نفسها عنه وريم الي بس تبجي
ماعندي اخ ولا مجربه شعور اخ افقده او اخ الي سند بهل دنيا
التفت حنين على جمان وهيه تامرها
_جمانه يلا كومي غسلي ملابس عباس جا هوا اخوي لو اخوج جايني يريد انظفله غرفته واغسل ملابس
هزت راسها باي وكامت
كل الي ب البيت فقدو ضحكتهم
رجعت وجهت كلامها اليه
_عيني بشورة مرت ابوج حامل
فتحت حلكي مصدومه هاي عندها ثنين اطفال بعد شتسوي بيهم انوب هيه تشوف وضع ابوي كدام عينها ومستمره
_منو كلج عزااا حامل
_ضلي ام عزا حلكج فاهي
_شضل شتقصدين بس نصدمت والله
رحت ركض السديم الكاعده يم بيبي ومتفاركها كتلهم السمعته وبيبي ضلت تطك ايد بايد
سديم...
فرحت بداخلي ماعرف ليش
يصير طفل جديد ع الدنيا
شخص مات وشخص حيولد شكد غريب الجاي يصير
زين يجي يوم واعتبرهم صدك اخواني
مع انو اشوف شيماء دائما تطفر من تمشي او تركض يعني وضعها مو وضع حامل
كمت من يم بيبي واني ملتزمه الصمت
اتجهت لغرفتها ادري بهذا الوقت ابوي مو ب البيت
جانت قافله الباب وابنها يدك ب الباب ويصيح عليها تفتحه
استغربت ليش ابنها هنا
دكيت الباب حيل بلكي تحس على نفسها
_شيماااااء طلعي
دكيت اكثر من مره حسيت البيت راح يلتم على اصواتنه
دموع مرتضى الي مردن كلبي
دنكت لمستوا واني اكله
_ليش تبجي من يجي بابا كله على امك شيماء خوش
هز راسه بلا حسيت وضع الطفل مو طبيعي
دكيت الباب بكل قوتي واصيح عليها
_طلعي الابنج لا الم البيت على راسج
طلعت من الغرفه مرتبكه وتباوع الابنها ماتباوع بوجهي ومليانه ملي ريحه عطر حسيتها حاطه العطر كله
ضليت صافنه على وضعها هاي شبيها قبل لتسد الباب دفعت الباب ودخلت الغرفتها مابيها شي طبيعيه الغرفه
_على الخير شوشو يكولون اكو مولود بالطريق
هزت راسها وهيه تطردني
_يلا برا شهرتيني شهيره بصوتج
_هين شوشو ولو مامرتاحه الوضعج واضل ادور وراج وراج لحد ماعرف شبيج
دفعتني برا الغرفه طلعت واني اغلي منها
حسيت اولادها بوضوع مو طبيعي
بداخلي اكول هيج
بس ارجع اكول هيه امهم قابل شسويلهم
اختنكت حيل من الافكار التجيني كعدت يم غرفتها فوك وايدي على راسي مدنكه
كوة اتنفس
غرغرت عيوني ب الدموع واني اتخيل تاذي اطفالها
رجعت دكيت الباب بس هل مره ماقفلته
من حركتي جريتها من شعرها وشمرتها ب الكاع
جريت مرتضى منها وطلعت للسطح وقفلت الباب وهيه تصرخ وراي وابنها يبجي ضليت ابجي واحاجي
_مرتضى ماما شيماء شسوي يعني من يطلع بابا شسوي هم تضربكم زين تطردكم عفيه احجي
دنكت المستوا اتوسل بي ينطق حرف وهيه بس تصرخ راح تقتلين ابني
اباوع بعيونه وامسح دموعه
_باع حبيبي اني اختك اني بنت بابا احجيلي شنو يصير وياك
تقرب عليه وشاورني باذني كل جسمي ارتجف من كلامه باوعتله مصدومه طفل ومامفتهم شي وهيج يحجي لعد لو ناضج شلون
_ماما تكل البابا زوج سديم واخذ هواي فلوس اني اعرفج انتي سديم حيل احبج لو حتى ماتحبيني لان انتي ماتضربني مثل ماما
كلت بصوت يرتجف
_شنو يزوجوني المن
_مرات ماما تضربنه وتكول لا تحجون شنو نحجي اني وابوكم اخاف منها هسه من تكليلها راح ترجع تضربني
_احجيلي بعد شيصير والله ماكول الاحد بس انا وياك ندري
التفت للباب الي حسيته راح يتسكر من الدك وصوت الصريخ حتى بيبي صوتها اسمعه وصوت تميم وهوا يهدد بيه اعوفه عبالها راح اذي اخوي مو لهل درجه اني متوحشه
حضنته لكلبي حيل واني احاجي
_ماحجي شي والله ماحجي كلهم سديم ضربتني خوش لاتكلهم حجيت شي
عفت الطفل الي عمره سبع سنوات بين ادين هيج ناس نزلته من حضني ابجي واتجهت على الباب فتحته دخلت شيماء ملهوفه وتصرخ وتحضن بي
يباوعولي باندهاش وماعندي كلمه اكولها
تميم وهوا يحجي بس بالي يم حجي مرتضى
_شسويتله ليش اخذتي احجي
عفتهم واتجهت لغرفتي ابوي يبيعني ابوي مو انسان غريب
اهز براسي بلا واني مافاهمه شي من الاسمعه والسمعته ماكو فكره براسي غير ابوي راح يبيعني ومايريد احد يعرف
بشائر تحاول تحجي وياي واني بس صافنه بوجهها
يصدكوني لا اكيد ميصدكوني اذا حجيت
زين اني شلون صدكت طفل
لا اكيد اصدكه لان حاسه بهيج شي اني
والا ماضغط ابوي عليه ع الزواج
اني عايشه وسط اجرام مستحيل اب يسوي هيج يبيع بنته مقابل فلوس
افكر بكلشي وداخلي يحترك اجت شيماء تصيح علي عبالها ضربت ابنها وتدعي عليه
بدقايق البيت نكلب هوسه
اني بس اصفن بوجهم
شكد حاولو وياي احجي ليش سويت هيج والي يحجي عليه شنو هل حقد شنو هل غل الي بكلبج هذا اخوج هذا طفل شلون تضربينه
اختنكت حيل من الكلام الاسمعه ضليت لازمه صدري اريد اتنفس ماكدر بيبي تفرك بظهري وتريدني اخذ نفس بهدوء باوعتلها ورجفن شفايفي واني احجي
_طردي ابوي
باوعتلي متفاجاه من طلبي اكيد تتفاجا
بس الخوف الي نزرع بداخلي بهاي اللحظه يفوق كلشي
_اذا اطرده ياخذكم وياه ويبهذلكم صاحت باسم تميم بصوت عالي تريده يجي
رفعت راسي اشوفه يمشي بهدوء
متغير كل ملامحه من فقد اخو
كعد يم بيبي منزل راسه وشابك ايد بايد
جلبت بملابس بيبي حيل واني اشاورها
_لاتعوفيني بيبي ضلي على طول الوقت يمي هيج اخاف
تميم_احجيلي كلشي سديم لاتخافين بيبي يمج منين هيج خايفه مامتعودين على حالتج هيج
ادري بتميم يريد يسحبني بالكلام
ادري بي مو هاي طريقه كلامه يريد يسحب خوفي علمود احجي عن ابوي بس جنت واثقه محد يصدكني لان هذا طفل وراح يذبون اللوم عليه الوجع الاحس بي والحيره
التزمت الصمت واني عيني تنتقل بعيونهم
حجيت بصوت متحجر
_ماكو شي تميم اخوي واضربه عادي قابل يسوي غلط واسكتله
_ومن يمته نعالج الغلط بغلط تكعدين تحجين وياه مو تضربيه
دمعت عيوني واني محتاره شنو احجي
نطقت بكلمات احاول افهمهم
_ماكو شي سدو الموضوع
_لا اكو شي واله تحجين باعي رجفتج شلون وجهج نكلب اصفر وتكولين ماكو شي
مسحت وجهي بتوتر اخذت نفس وطرحته
باوعت البيبي ومتررده احجي
اذا حجيت البيبي بدون تردد راح تروح تعارك ابوي وتصير مشكله ثانيه
بداخلي اكول اني احل الموضوع بنفسي ماريد ينفضح الموضوع علمود لا شيماء وابوي ياخذون حذرهم
ومن جهه اكول اذا كلت التميم معقولة يتفهم ويفكر مثلي
رجعت حطيت عيني بعين تميم مركزه بكلامي واني اشرله بعيوني على بيبي بتوتر
_ماكو شي تعاركت ويه شيماء وطلعت حركتي بابنها
رجع تميم راسه للحايط وغمض عيونه كانو فهم شنو اريد احجي
خديجه_هوا هل طفل شطلعين حركتج بي اشو انتي مخبلة مو صاحيه
تميم حط راسه على رجليها وجهه صار على بطنها
_خديو ترا سديم دوختنه دلكيلي راسي تعبان
دنكت باسته من راسه واصابعها تتخلل بشعره وتحجي بالم
_بيه التعب ولا بيك من عمري على عمرك وليدي
_خديو تعرفين شكد اشتاقيت لحسين ومداهرنه وضحكنه وطلعاتنه حياتي بهتت حيل
يحجي بغصه ممزوجه بحنيه
بيبي مجرد ماسمعت كلامه بجت وهيه تنعي
كام من يمها حاني ظهره ويمشي لمحته ب الباب وهوا يمسح دمعه نزلت من عيونه الكحليه
نعصر كلبي عليهم
السواد طغى على حياتهم بين ليلة ويوم
صوته قريب على الغرفه وهوا يكول
_بيبي كلي السديم شمس تريدها فوك
طلعت اركض لغرفه شمس لكيته بيها
كاعد على الكرسي مال الميز وفاتح الحاسبه مالت شمس
كعدت على سرير شمس واني احاجي
_تميم اعرف كلشي جاي يصير مو وقته اعرف شكد تعبانين انتم اسفه هواي
رفع عينه من الحاسبه وهوا يسدها
_وانا اعرف انتي اعقل من انو تضربين اخوج علمود تحركين كلب شيماء احجيلي شبيها شيماء
ترددت احجيله عن مرتضى اكتفيت ب السكوت
_سديم اعتبرج مثل شمس وريم وجمان مهما يصير ومهما يكون ابوج سيء
الغصه ملت صوتي واني اكله
_شيماء وراها سالفه تهدد باطفالها مايحجون شي ويتسخدم اسلوب العنف والضرب ابد مامرتاحتلها قبل شوي عايفه مرتضى ب الباب يبجي كسرت الباب ب الدك يلا فتحته الي
جر نفس وهوا يكول
_ولا اني مرتاح لابوج الصراحه جاي يوكف بطريقي بهواي شغلات مامرتاح ابد
_ابوي يريد يزوجني او ب الاحرى يبعيني بهواي فلوس حسب كلام مرتضى وحتى مره سمعته يكل الشيماء ازوجها لو حتى ماتدري بيبي
باوعلي بجمود يقتل ماعرف اذا جاي يصدكني او لا ابتسم بطرف شفته وهوا يكول
_اي عادي تزوجي
أنت تقرأ
قلوب بليده
Romanceانا عينيك الثالثه انا نفسك الثاني انا قلبك الذي لا يتوقف فكرك الذي لا يهدأ انا حرب لاتنتهي انا عصف حياتك انا كل عثراتك
