The Assassin Servant (Under Immac Printing Publishing House)

Kabanata 14

Nakaaligid lang sa 'min si Venezio. Ayaw kong mapalapit sya sa 'min dahil titig na titig sa kanya si Levi.

Tatlo lang kami dito dahil na sa kabila si Raven at Baize.

"Bagay ba sa 'kin ang ganitong klaseng damit?" hinarap nya sa 'kin ang Halter strap na hawak nya.

Hubadera naman si Levi kaya bagay sa kanya ang ganyan damit.

"Bagay naman sa 'yo," ani ko at pinagpatuloy ang pamimili.

Wala pa akong napipili kahit isa, marami pa akong damit sa bahay. Mas madami yata ang hindi ko pa nagagamit, kung pwede lang talagang hindi sumama hindi na talaga ako sumama.

"He's hot, Aurora," rinig kong bulong ni Levi paglapit ni Aurora sa kanya.

Binalingan ko ng tingin si Venezio. Hindi mawala ang dalawang mata nila sa kanya.

Nakaupo sya habang ang tingin na sa 'kin. Mabilis akong umiwas ng tingin.

Ramdam ko ang malalalim nyang titig sa 'king. Uminit ang pisngi ko.

"May napili ka na ba, Blare?" tanong ni Aurora.

"Wala pa, magbayad na kayo if tapos na kayong mamili naghihintay na sila Baize sa labas," ani ko.

Tumango si Aurora.

Lumapit ako kay Venezio kaya mabilis syang tumayo.

"Ang hirap makipagplastikan," bulong ko.

Sumunod sya sa 'kin palabas.

Sinalubong agad ako ni Baize at Raven. Nagtaka ako ng makitang kay Venezio ang tingin ng dalawa.

"May problema ba?" tanong ko sa dalawa.

Ngumiti si Baize at bigla akong inakbayan nagpagulat sa 'kin

"May something ba sa inyo ng lalaking 'yan?" bulong nya sa 'kin.

Agad ko syang tinulak dahil sa tanong nya.

"Pinagsasabi mo? wala kaming something," bulong ko lang dahil baka marinig ni Venezio.

"Mabuti naman, baka magalit na naman si Lola," ani nya.

He's worried. Ayaw lang nila mangyari ang nangyari noon kay dad at Mom.

Wala naman akong pake alam kung magalit sila sa 'kin dahil susuwain ko ang gusto nila. Ako ang magmamahal at hindi sila. Ako rin ang mabubuntis hindi sila, at bakit ko naman pipiliin ang lalaking hindi ko naman mahal?

Sumunod lumabas si Levi at Aurora. Nagtaka ako kung bakit bumabagal ang lakad ni Levi.

Liningon ko ang dalawa.

Magkasabay na silang naglalakad ni Venezio. Nagsasalita si Levi pero hindi ko marinig.

Pumasok kami sa isang restaurant umupo ako sa tabi ni Baize sa kanan bahagi ko naman si Raven, sa harap namin si Aurora.

May dalawang space pa, pagpasok ni Levi agad syang tumabi kay Aurora.

Salubong ang kilay ko ng makitang nakatayo lang si Venezio.

Magsasalita sana ako ng bigla akong unahin ni Levi.

"Umupo ka na, Venezio. Hindi ka naman nalalayo sa 'min dahil parang kapatid mo na rin si Blare." Nginitian nya ako.

Wala akong pinakitang reaction, kapatid? Ang kapal ng mukha nya.

Umupo si Venezio sa tabi ni Levi dahil sa kanya lang naman ang may space.

Lumapit sa 'min ang waitress at isa isa kaming binigyan ng menu.

Dalawa lang ang order ko dahil hindi ko naman mauubos.