My man is the Final Boss

Arc 4.7

<Unicode>

Warning:This part contains sexual content
Don't read under 18

ခြေလှမ်းတို့က နီးကပ်လာသည်နှင့် တစ်ပြိုင်နက် အတားအဆီးက ပျက်ပြယ်သွားကာ တည်ငြိမ်သော နတ်ဆိုးများအရှင်က သေရည်ကြောင့် ရီဝေနေလေသည့် အသွင်ကို ကူးပြောင်းသွားသည်။

အပြောင်းအလဲများကို သတိထားမိသော ရှီးလျန်က သေချာစူးစမ်းနေစဥ် ရုတ်တရက်ဆိုသလို သူ၏ရင်ခွင်တွင်းမှ ချန်ကျွင်းက ရုန်းထွက်ကာ နတ်ဆိုးများအရှင်၏ ဝတ်ရုံစကို ဆွဲ၍ တွန်းထိုးနေလေသည်။

"အကျင့်မကောင်းတဲ့လူ ခမ်ဗျားကြောင့် ဆရာက ကျွန်တော့်ကိုအော်တာ!!!"

~ဝုန်း~

တံခါးတွန်းဖွင့်သံနှင့်အတူ လန်ပိုင်ဟွားက အခန်းထဲကို ပြေးဝင်လာလေသည်။

သေချာပေါက် လီဖုန်းက သူ့ကို အတားအဆီးရှိတယ်ဟု ပြောလိုက်တာကြောင့် သေချာပြင်ဆင်ထားပေမဲ့လည်း သူ မထင်မိတာက အတားအဆီးက ပြေလျော့နေပုံပင်။

သို့သော် မထင်ထားမိတာက သူဝင်လာလာခြင်း နတ်ဆိုးများအရှင်ကို ဖက်တွယ်ရန် ကြိုးပမ်းနေသည့် လူတစ်ယောက်ကို တွေ့လိုက်ရလေသည်။

ထိုအခါ သူနားထဲ၌ နတ်ဆိုးများအရှင်နှင့် နတ်မင်းရှီးလျန်တို့က ရင်းနှီးတာထက်ပိုသည်ဟူသော စကားများကို ပြန်သတိရမိသည့်အခါ နှုတ်ခမ်းကိုနာနာဖိကိုက်ရင်း နတ်ဆိုးများအရှင်အနားက လူကို ဖယ်ထုတ်ရန် ‌ေတွး‌ေတာမိသည်။

ကလေးဆန်မှန်းသိပေမဲ့ နတ်ဆိုးများအရှင်ကို နတ်မင်းရှီးလျန်က ထိတွေ့မည်ကို တကယ်သဘောမကျပေ။

လန်ပိုင်ဟွားဟာ ငယ်ရွယ်သေးသော မြေခွေးပေါက်လေးသာရှိသေးသည်မို့ သူဟာ နတ်မင်းရှီးလျန်ဟုသည့် နတ်မင်းကိုလည်း မမြင်ဖူးသလို ကောင်းကင်ဘုံ၏ အိမ်ရှေ့စံဖြစ်သော ချန်ကျွင်းကိုလည်း မတွေ့ဖူးချေ။

သူက ကစားမက််တဲ့ကလေးဖြစ်တာမို့ သူအဖေခေါ်သော ကောင်းကင်နန်းတော်ရှိ ပွဲတော်များကိုလည်း မသွားဖူးပေ။

ယင်းအတွက် သူဟာ နတ်ဆိုးများအရှင်၏ အနားမှာကပ်နေသော လူကို နတ်မင်းရှီးလျန်ဟု ကောက်ချက်ချမိလိုက်သည်။