My man is the Final Boss

Arc 5.1(မက််သယူး အလက်စန္ဒား VI)

<Unicode>

"စတုတ္ထ ဝိညာဉ်အစိတ်အပိုင်းကို သိမ်းဆည်းပြီးသွားပါပြီ host"

85၏ သတိပေးစကားကြောင့် မော့ကျန်းက မျက်လုံးများကိုဖွင့်လိုက််သည်။

တိုး‌ေဝ့လှုပ်ရှားနေတဲ့ အခြေအနေတစ်ခုနှင့်အတူ သူ့အနားမှာ ဝိုင်းအုံနေကြတဲ့ လူအုပ်ကြီးကိုတွေ့လိုက်ရသလို ကင်မရာမီးအရောင်များကလည်း မျက်လုံးတောင်ဖွင့်ရန်ခက်ခဲလှသည်။

ထို့ချိန်မှာပဲ သူ့ဘေးပတ်လည်က တူညီဝတ်စုံများဖြင့် လူများက သူ့ကိုကာကွယ်ကာ အရှေ့မှာရပ်ထားသော ကားဆီကို လမ်းညွှန်နေလေသည်။

မော့ကျန်းက လောလောဆယ် ဇာတ်ကြောင်းလည်း မဖတ်ရသေးတာမို့ ဘာမှမပြောပဲ ထိုကားထဲကိုဝင်လိုက််တော့လေသည်။

ပြောင်လက််ကာ နက်စေွးနေသည့်ကား၏ မည်းနက််သော မှန်များက ကင်မရာမီးရောင်များကို ကာကွယ်ပေးထားလေသည်။

ထိုချိန်မှာပဲ မော့ကျန်း အရှေ့ခြမ်းမှ လူတစ်ယောက်က အနောက်သို့လှည့်လာကာ စိုးရိမ်တကြီး မေးလာလေသည်။

"အရှင့်သား အဆင်ပြေရဲ့လား"

မော့ကျန်းက ထိုလူမျက်နှာကို တစ်ချက်သာကြည့်လိုက််ပြီး ထိုင်ခုံနောက််မှီကိုမှီကာ မျက်လုံးများမှိတ်ရင်းပြောလိုက််တော့သည်။

"အင်း အဆင်ပြေတယ်"

လက်ထောက်ကိုယ်ရေးအရာရှိက ငြိမ်သက်သွားသော အိမ်ရှေ့စံကြောင့် လက်ထပ်ပွဲကိစ္စကို စိတ်ရှုပ်နေသည်ဟု တွေးမိ၍ တိတ်ဆိတ်စွာနှင့်ပဲ အရှေ့သို့ ပြန်လှည့်သွားလေသည်။်

ထိုချိန် မော့ကျန်းကတော့ 85ထည့်သွင်းပေးလာသော မှတ်ညဏ်များကို သေချာဖတ်ရှုနေလေသည်။

မော့ကျန်းယခု ရောက်ရှိနေသော ကမ္ဘာသည် ABO ဆိုသည့် omegaverse ကမ္ဘာဖြစ်လေသည်။

ဤကမ္ဘာမှာ Alpha,Omega, Betaဟုသော လူမျိုးစု သုံးရပ်ရှိလေသည်။

Alphaတွေက တော်ဝင်မိသားစု သို့မဟုတ် ရာထူးမြင့်သားသမီးများမှ အဖြစ်များကြသည်။