Unicode
နေခြည်နွေးနွေးေလေးများ
ဖြန့်ကျက်ထားသော အဝါရောင်ပန်းခင်းကြီးထဲတွင် ပန်းကလေးတွေသည် သူ့ထက်ငါအပြိုင်အဆိုင် ပွင့်ဖူးနေကြသည်..။
ပန်းပင်လေးတွေကြား ရောင်စုံလိပ်ပြာလေးတွေသည်လည်း သူ့အဖော်များနှင့် ပန်းပွင့်လေးတွေထဲရှိ ဝတ်မှုန်လေးတွေကို ဝတ်ရည်စုပ်ရင်း ပျံရင်း၊သန်းရင်းဖြင့် ပျော်မြူးနေကြသည်မှာ အဝါရောင်ပန်းခင်းကြီးအား ပို၍လှပအောင်စွမ်းဆောင်နေသကဲ့သို့။
ထိုအဝါရောင်ပန်းခင်းကြီးထဲတွင် နုနုထွေးထွေး ကလေးငယ်လေးသဖွယ် ဖြူစင်လွန်းသည့်ကောင်ငယ်လေးတစ်ယောက်ရှိနေကာ..
ထိုကောင်လေးက လိပ်ပြာလေးတွေနှင့်အဝါရောင်ပန်းကလေးတွေအား
အသာအယာတို့ထိကြည့်ရင်း.. မျက်လုံးလေးတွေမှိတ်သည်အထိ သဘောကျစွာရယ်မောနေသည်က ပတ်ဝန်းကျင်ကိုတောင်
မေ့မေ့လျော့လျော့..။
Jeon သည် ထိုကောင်လေးအနား
တစ်ဖြည်းဖြည်း တိုးကပ်သွားရင်း ပန်းကလေးတွေအပေါ်
ဖွဖွလေးထိကြည့်နေသော ကောင်လေး၏ နူးညံ့အိထွေးနေကာဖောင်းဖောင်းလေး ဖြစ်နေသည့် လက်ကလေးတစ်ဖက်အား အသည်းယားစွာ ဆုပ်ကိုင်လိုက်တော့ ပန်းကလေးတွေ ွလိပ်ပြာလေးတွေကိုသဘောကျစွာ ကြည့်နေသော မျက်ဝန်းအိမ်လှလှလေးတွေဖြင့် သူ့ကိုဖျတ်ခနဲမော့ကြည့်လာပုံသည် တကယ့်ကိုလှပလွန်းသည့် အနုပညာတစ်ခုလို..။
Jeon နှုတ်ခတ်ပါးလေးတွေပြုံးသွားရကာ ထိုကောင်လေးကို ငေးစိုက်ကြည့်နေတော့ ထိုကောင်လေးသည်လည်း သူ့ကိုကြည့်နေ၏။
ထို့နောက် မျက်လုံးလေးတွေမှိတ်သည်အထိ
ပြုံးပြရင်း ဟိုဘက်ပြန်လှည့်သွားတော့ Jeon
မချင့်မရဲဖြင့်မေးဖျားလေးကနေ တစ်ဖန်ပြန်ဆွဲယူကာ ကြည့်လို့မဝနိုင်ဖြစ်နေသည့် မျက်နှာလေးကို တစ်စိမ့်စိမ့်ကြည့်နေမိပြန်သည်။
လှရက်လွန်းသူလေးရယ်လို့လည်း
စိတ်ထဲတွေးမိရင်း ထိုမျက်နှာလေးနား တစ်ဖြည်းဖြည်းတိုးကပ်သွားမိသည်။
မျက်နှာနှစ်ခုနီးကပ်လုနီးပါး အခြေအနေရောက်သောအခါ ခေါင်းလုံးလုံးလေးကိုဟိုဘက်လှည့်ကာ ရှောင်လိုက်သောကောင်လေးသည် တစ်ခစ်ခစ်ရယ်သံလေးများနှင့်။
YOU ARE READING
နှလုံးသားရဲ့ ပဲ့ကိုင်ရှင်
Fanfictionသိပ်ကိုတော်ပြီး တိကျလွန်းတဲ့ ဒိတ်ဒိတ်ကျဲ စီးပွားရေးလုပ်ငန်းရှင်ကြီးသည် မနူးမနပ်ချာတိတ်ပေါက်စလေးအား စွဲစွဲလမ်းလမ်း ချစ်မိသွားသောအခါ...?? သိပ္ကိုေတာ္ၿပီး တိက်လြန္းတဲ့ ဒိတ္ဒိတ္က်ဲ စီးပြားေရးလုပ္ငန္း႐ွင္ႀကီးသည္ မႏူးမနပ္ခ်ာတိတ္ေပါက္စေလးအား စဲြစဲြလမ္းလမ္း...
