တံခါးဘောင်ကို မှီရပ်ရင်း မနက်စာပြင်နေသူ၏ ကျောပြင်ကြီးအား အကြောင်းမဲ့ ငေးကြည့်ရင်း အတွေးတွေနက်နေမိသည်။
သူကတော့ အလုပ်ရှုပ်နေတာမို့ သူ့ကိုမမြင်ပါ။ဒါကြောင့်ဘဲ သူငေးနေမိတာဖြစ်သည်။
တီရှပ်တစ်ထည်နှင့် ဘောင်းဘီခပ်ပွပွ အား ရိုးရှင်းစွာ၀တ်ထားသည့် ဦးဂျောင်ဂုပုံစံသည် တည်ငြိမ်သန့်ရှင်းမှုတွေနှင့် ဘယ်အချိန်ထကြည့်ကြည့်
ငေးလောက်ချင်စရာဖြစ်နေသည်က သူ၏ ဆုတောင်းကောင်းခဲ့ခြင်းတွေလား။
ပုံမသွင်းထားသည့်ဆံပင်တွေသည်လည်း နဖူးပြေပြေထက် ဝဲကျနေကြသည်က ကြည့်ကောင်းနေပြန်သေးသည်။
ဘေးတိုက်မြင်နေရသည့် ထိုအနေအထားသည်ပင်လျှင် အတော်လေးကိုကြည့်ကောင်းနေတာဖြစ်သည်။ မိန်းကလေးတွေလိုချင်သည့် ဘဲကြီးType ပင်။
သူသက်ပြင်းချလိုက်မိကာ မနေ့ညကအကြောင်းတွေသည်ခေါင်းထဲပြန်တိုး၀င်လာကြသည်။
"ကလေး လာလေ "
အသံကြောင့် ဆက်ခနဲဖြစ်သွားရသည်။
ထို့နောက် လည်ပင်းကိုလက်နှင့် ပွတ်လိုက်ရင်း သူ့အနားကိုလျှောက်သွားလိုက်မိသည်။
"မနေ့ညကကောင်းကောင်းအိပ်ပျော်ရဲ့လား "
ထိုစကားကြောင့် မျက်လုံးလှန်ကြည့်လိုက်မိပြီးမှ မျက်လွှာပြန်ချလိုက်ကာ
"အင်း"
ဂျီမင်း သူဘာများဆက်ပြောမလဲဆိုတာအား မသိမသာ နားစွင့်နေမိသည်။သို့သော် စကားသံတို့ ထွက်မလာပေ။
"Morning ကလေး"
ပြောရင်း သူ့ရှေ့ကိုချပေးလာသည်က စားချင်စဖွယ်အတိဆိုသော်လည်း စားချင်စိတ်တွေမရှိနေတာဘာကြောင့်လဲမသိ။
စိတ်ထဲမေးချင်နေမိသည့်မေးခွန်းတွေသည် နှုတ်ဖျားကနေထွက်မလာပေ။
"မကောင်းလို့လား ကလေး "
"မဟုတ်ပါဘူး ဒီတိုင်း"
သူ စိတ်ပူစွာနှင့် သေချာငုံ့ကြည့်လာရင်း နဖူးထက်သို့လက်ဖဝါးတစ်ဖက်က ချက်ချင်းဆိုသလိုရောက်လာ၏။
YOU ARE READING
နှလုံးသားရဲ့ ပဲ့ကိုင်ရှင်
Fanfictionသိပ်ကိုတော်ပြီး တိကျလွန်းတဲ့ ဒိတ်ဒိတ်ကျဲ စီးပွားရေးလုပ်ငန်းရှင်ကြီးသည် မနူးမနပ်ချာတိတ်ပေါက်စလေးအား စွဲစွဲလမ်းလမ်း ချစ်မိသွားသောအခါ...?? သိပ္ကိုေတာ္ၿပီး တိက်လြန္းတဲ့ ဒိတ္ဒိတ္က်ဲ စီးပြားေရးလုပ္ငန္း႐ွင္ႀကီးသည္ မႏူးမနပ္ခ်ာတိတ္ေပါက္စေလးအား စဲြစဲြလမ္းလမ္း...
