Hotel California(Complete)

Part9

"​ကဲ ကိုလင်းရိပ် ခြင်းထဲလည်းပြန်ကြည့်ဦး၊
ဘီယာဆိုင်ပြန်ဖွင့်ဖို့များ စိတ်ကူး​နေတာလား"

"ခင်ဗျားပဲ ကြိုက်တာ​ရွေး၊ဝယ်​ပေးချင်လို့'လို့​ပြောတာ​လေ
ကျုပ်ကြိုက်တာကျုပ်​ရွေး​တာကို ဘာဖြစ်​နေတာလဲ"

သံဘူး​တွေတစ်ဘူးပြီးတစ်ဘူး တွန်းလှည်းခြင်းထဲဝင်လာတာကြည့်ရင်း တည်ကြည်နန္ဒတစ်​ယောက် ကိုယ်​ပြောခဲ့တဲ့စကားကို ​​ကိုယ်ပြန်နောင်တရချင်သွားသည်။
အခန်းထဲတင် ဂစ်တာတီးလိုက်၊စာဖတ်လိုက်၊​​​သောက်လိုက်၊​မှောက်လိုက်လုပ်​နေသူကို ကြိုက်တာ​ရွေး၊ဝယ်​ပေးမယ်​ဆိုပြီး အပြင်​ခေါ်ထုတ်လာခြင်းတွင် သူရည်ရွယ်သည့် ကြိုက်တာ​​ရွေးသည် နာမည်ကြီးဘရန်းအမျိုးမျိုး၏ ​​ဘောင်းဘီ၊အင်္ကျီ၊ဖိနပ်၊ဦးထုပ်များကို ရည်ရွယ်ခြင်းဖြစ်ပြီး matket placeထဲက ဘီယာဘူးများကို ရည်ရွယ်ခဲ့ခြင်းမဟုတ်။
အခု​တော့ shopping mallထဲ​ရောက်တာနဲ့ market placeဆီတန်းသွားပြီး ဘီယာဘူးနဲ့အမြည်း​တွေဝယ်​နေသူ​ကြောင့် ကိုယ်​ပြောခဲ့သည့်စကားကို ပြန်ပြင်ချင်လာရသည်။
ကြိုက်တာယူ၊ဘီယာနဲ့စီးကရက်မပါဟူ၍ပင်။

"ဟိတ်လူ မျက်နှာကြီးစူပုပ်မ​နေနဲ့၊မဝယ်​ပေးချင်လည်းရတယ် ဘယ်သူမှအတင်းမဝယ်ခိုင်းဘူး
ကိုယ့်ဘာသာရှင်းမယ်"

"ကျစ် လင်းရိပ်ညို၊စကားကို ဘယ်လို​တွေ​ပြော​နေတာလဲ
မင်းနဲ့ပတ်သက်ပြီး ဘယ်ဟာကိုများ တွန့်တိုတာ၊ငြိုငြင်တာရှိဖူးလို့လဲ
ဘာလို့ တစ်ချိန်လုံး ကိုယ့်​စေတနာ​တွေကို ​​မြောင်းထဲလွှင့်ပစ်​နေရတာလဲ"

အက်ကွဲ​ကြောင်း​တွေပါ​နေတဲ့ ​လေသံခပ်မာမာ​ကြောင့် လင်းရိပ်ညို တစ်ချက်​တော့ အားနာစိတ်ဝင်သလိုဖြစ်သွားရသည်။သူ့အကျင့်အတိုင်း စကားနဲ့အနိုင်ယူ​နေကျမို့ ​မဆင်မခြင်​တွေ ​ပြောလိုက်မိ​တာ တစ်ဖက်လူရဲ့ ​စေတနာကို ​စော်ကားသလို​တော့ နဲနဲဖြစ်သွားသလားမသိ။ဒီတစ်လဆိုတဲ့ အချိန်အတွင်းမှာ မ​တောင်းဘဲရ​​နေတဲ့ ဒီဘဲကြီးရဲ့ ​စေတနာ၊အကြင်နာ​တွေက ပိုတဲ့အပြင်လျှံ​​တောင်ကျ​နေ​ခဲ့သည်ပဲ​လေ။ကိုယ်ဘယ်​လောက် မိုက်ရိုင်း​နေပါ​​စေ အပြုံးမပျက်ဘဲ အမြဲသ​ဘောကျ​နေတတ်တာ​တွေ၊​ကိုယ့်အ​ပေါ်ဆို ​စေတနာ​တွေ ပိုသည့်အပြင်လျှံကျ​နေတာ​​တွေက ​​​နေ့တဓူဝ ​တွေ့မြင်​၊ခံစားနေရတာ​တွေပါပဲ။
အခု​တော့ ဒီဘဲကြီး နဲနဲစိတ်မ​ကောင်းဖြစ်သွားပုံရသည်။မျက်နှာကြီးပါ မီးပျက်ထားသလို ​​မှောင်မိုက်​နေ​လေပြီ။
ဒီတစ်ခါ​တော့ ကိုယ့်အမှားလည်းပါတာမို့ အားနာပါးနာနဲ့ပဲ ​လေသံနဲ့မျက်နှာအ​နေအထားကို​လျှော့ပြီး