Hotel California(Complete)

Part18

"ကိုယ့်​မေ​မေနဲ့ညီမ​လေး သဘက်ခါမနက်​လေယာဉ်နဲ့ ဒီကို​ရောက်မှာ
သွားကြိုရင် လိုက်ခဲ့​နော်​ဘေဘီ"

လည်တိုင်တစ်​လျှောက်ကို နှုတ်ခမ်းနဲ့ပွတ်သပ်ရင်း  သူ​ပြောလိုက်​တော့ ရင်ခွင်ထဲက ​အ​ကောင်​ပေါက်​လေးက ရုပ်ရှင်ကြည့်​နေရာက​နေ ဆတ်ခနဲဖြစ်သွားသည်။
​သောကြာညမှာ ဘယ်မှမသွားဘဲ အခန်း​အောင်း၊ရုပ်ရှင်ကြည့်ရင်း ဖြတ်သန်း​ဖြစ်တာပါ။
စိတ်တူကိုယ်တူချစ်သူ​တွေ ဖြစ်ကြပြီးတဲ့​နောက် အားလပ်ချိန်​တွေကို လူအများနဲ့မကုန်ဆုံးချင်ဘဲ နှစ်​ယောက်တည်းသီးသန့်​အချိန်ဖြုန်းဖို့ကိုသာ သူ​ရော၊​ဘေဘီ​ရော ​ဆန္ဒရှိတာမျိုးပင်။
ဒီလို ရုပ်ရှင်ကြည့်ဖြစ်တဲ့ ည​တွေမှာ​တော့ ရုပ်ရှင်ကိုစိတ်ပါဝင်စားစွာ ကြည့်တဲ့သူက ​ဘေဘီသာဖြစ်ပြီး သူက​တော့ ထိုအ​မွေးစုတ်ဖွား​ခွေး​​ပေါက်စ​လေးကို ရင်ခွင်ထဲထည့်ရင်း၊သူ့စိတ်ကြိုက်နမ်းရှုံ့ရင်း ချစ်မဝ၊နမ်းမဝဖြစ်​နေတတ်တာမျိုးပင်။

"ဘာလို့ခုမှ​ပြောတာလဲ၊ပြီး​တော့ အလည်လာတာလား၊ဘာလုပ်ဖို့လဲ"

"ခုမှ​​ပြောတာက ခုမှ​သေချာသွားလို့ပါခင်ဗျာ
ကိစ္စက​တော့ ရည်မွန့်ကိစ္စပါ၊သူတို့တက္ကသိုလ်နဲ့ချိတ်ဆက်ပြီး ဖွင့်ထားတဲ့ ဒီကတက္ကသိုလ်တစ်ခုမှာ presentationလုပ်ဖို့ရှိလို့၊ဟိုဖက်​ကျောင်းက ကထိကတစ်​ယောက်အ​နေနဲ့ လာရမှာ
​မေ​မေက​တော့ ဒီကိုမ​ရောက်တာကြာလို့ ညီမ​လေးနဲ့အတူ အလည်လိုက်လာတာ​ပေါ့
အင်း ပြီး​တော့ သမက်​လောင်း​လေးကို ​တွေ့ချင်တာလည်း ပါမှာ​ပေါ့ အဟွန်း"

ရှင်းပြသူက ပြည့်ပြည့်စုံစုံရှင်းပြလာ​တော့လည်း သူ့မှာ​​ဘာလုပ်လို့ဘာကိုင်ရမှန်းမသိ
ကိုယ့်ရည်းစားရဲ့ မိသားစုနဲ့​တွေ့ရမယ်ဆိုတဲ့ စိတ်​ကြောင့် မျက်နှာပူသလို၊စိတ်လှုပ်ရှားသလိုဖြစ်မိသလို၊​တွေဖို့လည်း မရဲသလိုခံစားရသည်။
သူ့ပုံစံက လူကြီး​တွေအမြင်မှာ ​ထောင့်ကျိုးတဲ့ပုံမျိုး ဟုတ်မ​နေ။

"ဘာလို့ ငြိမ်သွားတာလဲ ​ဘေဘီရဲ့၊​ကိုယ့်မိသားစု​တွေက ​ဘေဘီ့ကို အပြင်မှာ​တွေ့ချင်​နေကြတာ
ပုံမှန်ဆို ​မေ​မေကကျန်းမာ​ရေးမ​​ကောင်းလို့ ဒီ​လောက်​​ဝေးတဲ့ခရီးကို ​လေယာဉ်အကြာကြီးစီးပြီး လာမှာမဟုတ်ဘူး
သူ့သမက်​လောင်း​လေးကို အပြင်မှာ​တွေ့ချင်လို့သာ သူလိုက်လာတာ၊ကိုယ်သိတယ်"