"ဘေဘီ ည ပွဲပြီးရင် မူးအောင်မသောက်နဲ့နော်
ဒီကိုပဲပြန်လာခဲ့နော်""မှာနေတာ အခါ၁၀၀လောက်ရှိပြီ"
"အဲ့အခါ၁၀၀မှာ ဟုတ်ကဲ့လို့ ကောင်းကောင်းမွန်မွန်ပြန်ဖြေတာက ၁ခါတောင်မရှိသေးတာလည်း ပြန်စဉ်းစားဦး"
"ဟာ ခင်ဗျားတအားစွာတာနော်၊ကတ်တီးကတ်ဖဲ့တွေ အရမ်းပြန်ပြောတယ်၊အကြီးဖြစ်ပြီး အငယ်ကို အလျှော့ပေးမယ်စိတ်မကူးဘူး"
"အင်း ဒီ့ထက်အလျှော့ပေးရရင်လည်း ဘေဘီ့ရှေ့ကို ကိုယ့်ခေါင်းထိုးပေးပြီး ခေါင်းမွေးတွေပြောင်အောင်နှုတ်ခိုင်းဖို့ပဲရှိတော့မယ်"
လက်က ကွန်ပြူတာကီးဘုတ်ပေါ် တဂျောင်းဂျောင်းပြေးနေသလို၊ပါးစပ်ကလည်း တစ်ခွန်းမကျန်ပြန်ချေပနေသူကို သူအမြင်ကတ်စွာပဲ စောင်းငဲ့ကြည့်မိသည်။
ရင်းနှီးမြှုပ်နှံမှုအတွက် ရှယ်ယာရှင်အသစ်ဖြစ်လာမဲ့သူနဲ့ ညစာစားဖို့ရှိတာမို့ ဒီညအဖို့ သီချင်းဆိုမယ့်ဘားရှိရာကို သူမလိုက်နိုင်
ဒါကိုပဲ အတောမသတ်နိုင်အောင် မှာမဆုံးဖြစ်နေတာက လူကို သူ့ရုံးခန်းထဲခေါ်လာ၊ထိုင်ခိုင်းထားပြီးမှာနေတဲ့အထိ။"လူကို အသည်းယားအောင် လာကြည့်မနေနဲ့နော်၊မအားသေးလို့ ငြိမ်နေတာ
ဆက်ကြည့်နေရင် အလုပ်တွေပစ်ပြီး လာနမ်းတော့မှာ"ရုံးခန်းထဲက ဆိုဖာခုံပေါ်ထိုင်ပြီး လူကိုဂြိုလ်ကြည့် ကြည့်နေတဲ့ကောင်လေးကို အကြည့်တစ်ချက်ပို့ရင်း ပြောတော့ ပြန်ရလိုက်တာက ပေစောင်းစောင်းအကြည့်နဲ့အတူ လက်ခလယ်ထောင်ပြခြင်း။
သူ့မှာ ခေါင်းတရမ်းရမ်းနဲ့သာ ပြုံးနေရသည်။
ဒီအရိုင်းတုံးလေးဆီက အဆဲအဆိုမခံရရင်တောင် သူ့မှာအိပ်မပျော်စားမဝင်ဖြစ်နေရတာပဲကိုး။"အပေါ်ဆုံးမှာ အလုပ်သမားတွေအများကြီးပဲ၊အဲဒါ ဘာလုပ်မှာလဲ"
"ဪ အဲဒါလား၊ဟုတ်သားပဲ ဘေဘီ့ကိုမပြောပြဖြစ်သေးဘူးပဲ
အဲဒါ barလုပ်မှာလေ၊ခင်ဗျား နောက်ဆို ဆိုင်တကာပတ်ပြီး မူးမနေအောင်လို့၊ဒီမှာတင်အကြိုက်သောက်လို့ရအောင်လို့ ဘားလုပ်မှာ"
ESTÁS LEYENDO
Hotel California(Complete)
RomanceAge gap story ရေးနေကျ slow romanceမျိုး မဟုတ်ဘဲ ကြမ်းတဲ့အသုံးအနှုန်းတချို့အတွက် rating16plusပေးချင်ပါတယ်