Hotel California(Complete)

Part10

အစည်းအ​​ဝေးလုပ်​နေစဉ် ဖုန်းမှန်ပြင် လင်းလာတာ​ကြောင့် ကြည့်မိ​တော့ မင်း​ခေတ်ဆီက ပုံပို့လိုက်တာဖြစ်​ကြောင်း သိရသည်။
မင်း​ခေတ်ဆီကမို့  ဖုန်းပြန်ပိတ်ဖို့ လုပ်​နေစဉ်ပဲ 'မင်း​ကောင်က​တော့ စံပဲ​နော်'ဆိုတဲ့ စာကို ထပ်မံမြင်လိုက်ရတာမို့ လက်တို့က အလိုအ​လျောက် ဖုန်းကိုဖွင့်လိုက်မိလျက်သား ဖြစ်သွားရသည်။
ဒါ​သေချာ​ပေါက် ကိုယ့်အဆိုးအ​ပေ​လေးနဲ့ သက်ဆိုင်​နေတဲ့ အ​ကြောင်းပဲ မဟုတ်လား။

မင်း​ခေတ်ပို့ထားသည့် ဓါတ်ပုံကိုမြင်သည့်​နောက်တွင်​တော့ သ​ဘောတကျပြုံးချင်စိတ်ကို အတင်းကာ​ရော ​အောင့်အည်းလိုက်ရသလို အနှီ​အ​ကောင်ငယ်​လေးရဲ့ စိတ်က​လေးကို ချစ်တဲ့စိတ်တို့ကလည်း ပိုလို့၊ပိုလို့ တိုးလာရသည်သာဖြစ်သည်။
ပုံကတခြား​တော့မဟုတ်၊မီးပွိုင့်က ပန်း​ရောင်းတဲ့က​လေး​တွေနားမှာ ဂစ်တာအိတ်ကြီးချပြီး ပန်း​တွေကူသီ​ပေး​နေသည့် ဆံပင်စုတ်ဖွား​​တွေကို မ​သေမသပ်စီး​နှောင်ထားသည့် ​ကောင်​လေးပုံပင်ဖြစ်သည်။
တစ်ပုံမှာ​တော့ က​လေး​​လေးတစ်​ယောက်နဲ့အတူ နှစ်နှစ်ခြိုက်ခြိုက်ရယ်​နေသည့် ​အ​ကောင်​​ပေါက်​လေးက ညာဖက်ပါးက အပ်​ပေါက်ရာ​သေး​သေး​လေးပင် ​ထင်ထင်ရှားရှား ဖြစ်လို့​နေ​သည်။

ဒီ​ကောင်​လေး က​လေး​တွေကို​တော့ သိပ်ချစ်တတ်တာဖြစ်သည်။လွန်ခဲ့တဲ့နှစ်ရက်က သူ့တီးဝိုင်းအဖွဲ့သား​တွေနဲ့ သီချင်းတိုက်ရာ​နေရာကို သွား​ကြိုပြီး ပြန်လာ​တော့ မီးပွိုင့်မှာ ထိုက​လေးအုပ်စုနဲ့​တွေ့ပြီး ပန်းတချို့ဝယ်​သေးသည်။
က​လေး​တွေကလည်း သူမှန်းသိတာနဲ့ အူယားဖားယား​ပြေးလာကြပြီး ပန်းကုံးအပို​တွေပါ ​ပေးကြ​ပြီး အဲဒီအဖွဲ့ထဲက အငယ်ဆုံးက​လေးမ​လေးက 'အစ်ကိုကြီး သမီးတို့ဆီမလာတာကြာပြီ​နော်၊သမီးတို့ကို ​မေ့သွားပြီထင်​နေတာ'ဟု​ပြော​တော့ လင်းရိပ်ညိုတစ်​ယောက် '​နောက်ရက် ဆက်ဆက်လာခဲ့မည်'ဟု ထိုက​လေးမ​​လေးကို ကတိ​ပေးလိုက်တာကို သူသိလိုက်သည်။အခု​တော့ သူ့ကတိအတိုင်း ထိုက​လေးအုပ်ရှိရာကို ​​ရောက်သွားပုံရသည်။ပုံထဲမှာ ရယ်​မော​နေတဲ့​ကောင်​လေးကို ကြည့်ရင်း​ သူပါအလိုလိုပြုံး​နေမိသည်အထိ ထို​ကောင်​လေး၏အပြုံး​တွေက ဟန်​​ဆောင်မှုကင်းပြီး လှ​ပနေ​လေသည်။
•••••