Hotel California(Complete)

Part21

'လူကြီးမင်း​ခေါ်ဆို​သောဖုန်းနံပါတ်မှာ တပ်ဆင်ထားခြင်းမရှိပါသဖြင့် ​ခေါ်ဆို၍မရနိုင်ပါရှင်'

​​ပြောင်းလဲသွား​​သောဖုန်းထဲက အမျိုးသမီးအသံ​ကြောင့် သူ့ရဲ့ယိုင်နဲ့နဲ့ ​မျှော်လင့်ချက်​လေးမှာ ပြိုလဲလုလုဖြစ်သွားရသည်။
သူစ​ခေါ်ချိန်မှာ ဝင်​နေ​သေးတဲ့ဖုန်း​ခေါ်ဆိုမှုဟာ ၃ခါ​မြောက်မှာ တပ်ဆင်ထားခြင်းမရှိပါလို့ ​ပြောလာတာဟာ သူ့​ရဲ့ ခပ်ပါး​ပါး​မျှော်လင့်ချက်​တွေကို အရှိန်ပြင်းပြင်းနဲ့ နင်း​ခြေသွားတာနဲ့ အတူတူသာဖြစ်သည်။

​ဘေဘီဟာ ကိုယ့်ကိုတကယ်ပဲ စိတ်နာသွားပြီလား၊လက်ခံစကားမ​ပြောချင်​လောက်​အောင် မုန်းသွားပြီလားဆိုတဲ့ အ​တွေးဟာ သူ့အတွက်​​တော့ ရှင်လျက်နဲ့​သေ​စေတဲ့ အိပ်မက်ဆိုးပါပဲ။
သူဟာ ခွင့်လွှတ်မှုနဲ့ မထိုက်တန်တဲ့သူဆိုရင်​တောင် သူကြိုးစားချင်​သေးသည်၊​ဘေဘီ့ဆီက ခွင့်လွှတ်မှုကို မျက်နှာ​ပြောင်​ပြောင်နဲ့ပဲ သူပြန်လိုချင်​သေးသည်။အတ္တကြီးတယ်ဆိုလည်း ကြီးလက်စနဲ့ ဆက်ကြီးရမှာပဲဖြစ်သည်၊​​အထင်ကြီးတယ်ပြောလည်း လက်ခံရုံပဲရှိသည်၊ဘေဘီဟာ သူ့ကိုစိတ်ဆိုးရုံကလွဲရင် မုန်းတဲ့အဆင့်ထိမ​ရောက်​သေးဘဲ အရင်လိုချစ်မြဲချစ်ဆဲလို့​တော့ သူထင်​နေ​သေးတာပဲဖြစ်သည်။

တပ်ဆင်ထားခြင်းမရှိပါဆို​သောဖုန်းကို အကြိမ်ကြိမ်​ခေါ်ဆို​နေမိရင်းပဲ ဒီတိုင်းမ​နေနိုင်​တော့သည့်စိတ်တို့နဲ့အတူ သူ့​​ခြေလှမ်း​တွေက ​​တံခါးအပြင်ကို ​ရောက်​နေ​လေပြီ။
ဘယ်မှာရှိ​နေမယ်မှန်းမ​သေချာ​ပေမဲ့ ၈မိုင်ကအိမ်ကိုသာ သူလိုက်သွားဖို့ ဆုံးဖြတ်လိုက်သည်။
●●●●

"လင်းရိပ်​လေး ​ဒေါ်​လေးတင် ဘာလုပ်​ပေးရဦးမလဲ၊ဘာစားချင်လဲ သား​လေး"

"ရတယ် ​ဒေါ်​လေးတင်၊ကျွန်​တော် ဒါ​တွေနဲ့တင်အဆင်​ပြေပါတယ်၊​​ဒေါ်​လေး သွားနားချည်ပါ ရတယ်"

"​​ဟုတ်ပါပြီကွယ်၊သား ​ဒေါ်​လေးထည့်​ပေးထားတဲ့ ထမင်း​လေး​တော့ ကုန်​အောင်စား​နော်
သား ဒီရက်ထဲ ဘာမှလည်းသိပ်မစား​တော့ ​အရမ်းပိန်​​နေပြီ၊​နေမကာင်း​တွေဘာ​တွေ ဖြစ်မှာစိုးလို့ပါ သားရယ်"