"ဘေဘီ အန်ကယ်နဲ့တွေ့ပြီးရင် လိုအပ်တဲ့အသုံးအဆောင်တွေ တစ်ခါထဲယူခဲ့တော့နော်"
ရန်ကုန်မြို့ထဲ ကားဝင်ချိန်က ညနေ၄နာရီလောက်ရှိပြီဖြစ်ပြီး တစ်လမ်းလုံးအိပ်လာတဲ့ လင်းရိပ်ညိုလည်း နိုးလာပြီဖြစ်သည်။အိပ်မှုန်စုံဝါးနဲ့ ရေသောက်နေစဉ် တစ်ဖက်လူရဲ့ပြောစကားကြောင့် သူကြောင်တောင်တောင်ဖြစ်သွားရသည်။သူက ဘယ်လိုအပ်တဲ့ပစ္စည်းကို ဘယ်ကိုယူခဲ့ရမှာလဲ မစဉ်းစားတတ်တော့တာမို့
"ဘာကို ယူခဲ့ရမှာလဲ၊နားမလည်ဘူး"
"ဟာ ဘေဘီ့ကို ကိုယ်ကခိုးပြေးထားပြီးသားလေ၊ဘေဘီက ကိုယ်နဲ့ပဲလိုက်နေရတော့မှာပေါ့
အိမ်မှာနေခဲ့လို့ မရတော့ဘူးလေ"
"ဟာ ပေါက်ကရတွေဗျာ၊အဲ့အစဉ်အလာတွေ လုပ်ရအောင် ကျုပ်ကမိန်းကလေးလား
ဒီတိုင်းလည်း ခင်ဗျားဆီမှာ အနေများမှာပဲဟာကို အတွေးတွေမချော်စမ်းပါနဲ့ ဦးတည်ကြည်နန္ဒရယ်
ဒီတိုင်း နှစ်ယောက်ခရီးထွက်တဲ့သဘောပဲကို"
"ဟမ် ဘေဘီကလည်း ကိုယ်အစကတည်းက ဘေဘီ့ကို ကိုယ်ပဲပိုင်ရမယ်ဆိုပြီး ခိုးပြေးလာတာကို၊ဘယ်လိုလုပ် ခရီးထွက်တယ်ဖြစ်ရမှာလဲ
မရဘူးနော် ဘေဘီ့ကို ကိုယ်ခိုးပြေးတာ၊ကိုယ်တာဝန်ယူရမှာပဲ
လူသိရှင်ကြားဧည့်ခံပွဲပါလုပ်ဖို့ ကိုယ်စီစဉ်ထားပြီးသား"
"ဟာ အရူးမထစမ်းပါနဲ့၊ဘာဧည့်ခံပွဲလဲ
ဘာမှမလုပ်ဘူးနော်၊ဒီတိုင်းပဲနေ"
"ဘေဘီနော် ဘာလို့မလုပ်ရမှာလဲ၊ဘေဘီက ကိုယ်နဲ့အတူ နှစ်ယောက်ဘဝတည်ဆောက်ဖို့ စိတ်ကူးမရှိဘူးလားပြော"
"ဟာ မဟုတ်ဘူးလေဗျာ၊အဲ့လောက်တွေထိလုပ်ဖို့ လိုမှမလိုတာ"
"ဘာလို့မလိုရမှာလဲ၊အနည်းဆုံးတော့ နှစ်ဖက်အသိုင်းအဝိုင်းမှာ လူသိရှင်ကြားဖြစ်ရမှာပေါ့
နှာခေါင်းရှုံ့တာ၊အတင်းတုပ်တာမျိုးတွေဖြစ်မှာကို ကြိုတွေးပြီး အာရုံမနောက်နဲ့
အတင်းအဖျင်းပြောတာက သူတို့အလုပ်
ကိုယ့်ဘဝနဲ့ကိုယ် သာယာနေဖို့က ကိုယ်တို့အလုပ်ပဲလေ မဟုတ်ဘူးလား"
YOU ARE READING
Hotel California(Complete)
RomanceAge gap story ရေးနေကျ slow romanceမျိုး မဟုတ်ဘဲ ကြမ်းတဲ့အသုံးအနှုန်းတချို့အတွက် rating16plusပေးချင်ပါတယ်
