Hotel California(Complete)

Part2

ပါရမီလမ်းမတစ်​လျှောက် ​ပြေးလွှားလာ​သော Lexusသည် မီးပွိုင့်အ​ရောက်တွင်​တော့ ကံဆိုးစွာပဲ မီးနီလာတာ​ကြောင့် ရပ်တန့်သွားရသည်။
​လုပ်ငန်းမိတ်​​ဆွေတစ်ဦးရဲ့ သားမင်္ဂလာ​ဆောင်အတွက် သူတို့အိမ်ရှိရာ ၈မိုင်ဖက်ကိုသွား​နေရတာပါ။ဟိုတယ်မှာ ပွဲတစ်ခုလာကျင်းပတဲ့ ပြင်သစ်သံအမတ်နဲ့ စကား​ပြော​နေရတာမို့ ထွက်လာချိန်က​နောက်ကျ၊အခုတစ်ခါ မီးပွိုင့်ကမိနဲ့ ​ဒီ​နေ့​​တော့ ​သေချာ​ပေါက်​​နောက်ကျပြီးမှ ဧည့်ခံပွဲကို​ရောက်​တော့မယ်ထင်ပါရဲ့။

မစိမ်းနိုင်​သေးတဲ့ မီးပွိုင့်ကိုလျစ်လျူရှုရင်း ​ဘေးဘီကိုအကြည့်​ရောက်​တော့ ထင်မှတ်မထားတဲ့သူကို ​မျှော်လင့်မထားသည့် မြင်ကွင်းနှင့်အတူ ​တွေ့လိုက်ရသည်။
ပလက်​ဖောင်း​​ပေါ်မှာ ပန်း​​ရောင်းတဲ့က​​လေးတစ်​ယောက်ရဲ့ လက်​မောင်းကို ​ဆေးထည့်ပြီးပတ်တီးစည်း​ပေး​နေသည့်​ကောင်​လေး
ထုံးစံအတိုင်း ဆံပင်​တွေကို မ​သေမသပ်တစ်ဝက်စည်းထားပြီး အမြဲ​အတူ​တွေ့ရတဲ့ သား​ရေဂျာကင်အနက်​ရောင်ကို ပုခုံးမှာတင်ထား​သည်။​အောက်ခံက စွပ်ကျယ်ဂျိုင်းပြတ်အနက်မို့ ​ဝင်းမွတ်​နေတဲ့ အသားအရည်ကိုမြင်​နေရ​သေးသည်။မြင်​နေရသည့် ညာဖက်လက်​မောင်းမှာလည်း ​ရောမအက္ခရာတချို့ကို တက်တူးထိုးထားတာ ​တွေ့ရ​သေးသည်။ဒီ​ကောင်​လေး တစ်ကိုယ်လုံးမှာ တက်တူးမထိုးထားတဲ့​နေရာ​ရော ရှိသေးရဲ့လားမသိ။
​ပလက်​ဖောင်းမှာ ​ပေါ့​ပေါ့ပါးပါးထိုင်ရင်း က​​လေးတစ်​ယောက်ရဲ့ လက်​မောင်းကို ​သေချာ​ဆေးထည့်​ပေး​နေတာဖြစ်ပြီး ​ဘေးနားမှာလည်း ​ကောင်​လေးလုပ်သမျှကို စိတ်ဝင်တစားကြည့်​နေကြတဲ့ က​လေး​တွေလည်းရှိ​သည်။
ထိုအချိန်မှာပဲ က​လေးတစ်​ယောက်က ဘာ​ပြောလိုက်သည်မသိ၊​ကောင်​လေးက လှစ်ခနဲပြုံးလိုက်ပြီး ညာဖက်ပါးက အပ်​ပေါက်ရာလို ပါးချိုင့်​သေး​သေး​လေးက အထင်းသား​ပေါ်လို့လာသည်။
ဒါ ပထမဆုံးအကြိမ် ဒီ​ကောင်​လေးပြုံးတာကို မြင်ဖူးခြင်းပါပဲ၊​အပြုံးကလှလွန်းလို့ ​ငေး​နေမိတာဟာ မီးပွိုင့်စိမ်းသွား​တာ​​တောင် သတိမထားမိ
​နောက်ကား​တွေရဲ့ ကျယ်​လောင်လှတဲ့ဟွန်းသံရှည်ကို ကြားလိုက်​တော့မှပဲ အသိဝင်ပြီး ကားကို ကပျာကယာ​မောင်းရ​တော့သည်။
ကားဟွန်းသံရှည်​တွေ ထွက်လာ​တော့ မျက်​မှောင်ကြုံ့ပြီး ဒီဖက်လမ်းမကို လှမ်းကြည့်လာတာကို ကားမှန်ကတဆင့် ​တွေ့ဖြစ်​အောင်​တွေ့လိုက်ရ​သေးသည်။
တစ်​လောကလုံးကို မျက်​မှောင်ပဲကြုံ့ကြည့်တတ်ပြီး က​လေး​တွေကို​​တော့ ပြုံးပြဖို့မ​​မေ့တဲ့ လူဆိုး​​ယောင်​ဆောင်တဲ့ လူ​လိမ္မာ​လေးပဲထင်ပါရဲ့။