امرأة تدخن الرجال 🚬مكتملة🚬

الجزء 22 🚬

إمرأة تدخن الرجال 🚬
سكينة سليماني
البارت 22:
كانو فطوموبيل متوجهين للمطعم يتعشاو و عينيه طول طريق عليها كانت متزينة بثوب غوز بارد طويل و مستور و شعرها مطلوق او وجهها خالي من الماكياج فقط ابتسامتها مضوية...عينه مرة على طريق مرة عليها حتى وصلو و حل ليها لباب و هبطات و دخلو...بقات كتشوف ف الهندسة ديال المطعم لي كان حدا لبحر...خداهم السرباي لبلاصتهم و طلب نزار شنو بغاو و بقا كيشوف فيها
نزار: عجباتك لبلاصة
مانفال:(بابتسامة خجولة)  زوينة
نزار: فرحت حيت عجباتك
مانفال:(شافت فيه و قلبها ضرب ) شكرا
نزار: كتقولي هاد شكرا بزاف
مانفال: (رجعات هبطات عينيها) انا محظوظة على طفيلات
نزار: نتي زوينة على طفيلات هههه
مانفال: حتى نتا
نزار:(بدل سيفتو) علاه انا كنبانلك بنت
مانفال: لااا (توترات) زعما ...نتا زوين
نزار:(ابتاسم) حيت كنشبه للواليد
مانفال: اه تبارك الله
نزار: و بغيت حتى انا ولدي يشبه ليا
مانفال؛ ان شاء الله
نزار: اوا خاصني نتزوج
مانفال: الله اسهل عليك
نزار:(طلع حاجبو فيها) بغيت نتزوجها صحراوية
مانفال: بصح؟
نزار: اه
مانفال: كاينين طفيلات مشاء الله عليهم عندنا
نزار: لا (هز يدها باسها ليها) بغيتك نتي
مانفال:(هربات يدها و رجعات حمرا مزنكة و هبطات راسها) انا؟
نزار: اه نتي
مانفال: (كتشوف شمال و يمين شداتها لقوة مالقات ماتقول )
نزار:(بقا ساهي فيها فاش كتحشم كتزيد تعجبو دقائق صمت كسرهم ) انمشي لطواليط و نجي
مانفال: انبقا وحدي؟
نزار: مانتعطلش (مشا و خلاها جالسة تماك كتشوف ف ناس و ترجع تشوف فلبحر...جا السرباي حط ليهم الماكلة و مشا و هي باقيا كتسنا نزار حتى سمعات لبنات لي حداها كيهضرو)
البنت: ناري ياختي شوفي شعرها كيف داير كيخلع
البنت 2: كون غير صبغاتو
البنت3: شرفات قبل من لوقت
البنت: اعلم الله شكون ايقبل بيها
البنت 2: مكاينش شي راجل ايقبل بيها حيت ايحس بلي مزوج بجداتو
تعلات صوت ضحكاتهم فالمقابل صوت شهقات مانفال و دموعها لي سالو على خدها حسات بالحكرة...بلا وعي ناضت من لكرسي خرجات من المطعم كتبكي و تجري مخلية كمية التنمر لي من موراها لا توصف...عطات رجليها للريح و غادية نحو المجهول...
كان حداها طول فترة إغماءها مابغاش ابعد عليها يكفي أنه كان بعيد سنوات و شهور و ايام لكن الحب ديالو ليها عمرو نقص ...كيتأمل فيها و رغم أنهم كبرو الا انه باقي كيشوفها صبية فريعان شبابها،  اااه شحال توحش يضمها و يروي شوقو...شاف جيهت لباب منين تحل و بدل نظراتو لقسوة
هبة:(بارتباك) كيبقات
هارون: و كيف كتبانلك؟
هبة: انا مقصدتش كنت معصبة و بقيت كنقول شي حاجات ماخاصش نقولهم
هارون: هادا هو الجزاء ديالها؟ رباتك و كبراتك فتالي كتغوتي عليها
هبة: علاااش مكتفهمونيش
هارون: كيحسابلك راسك كبرتي ولكن نتي بااااقا برهووووشة
هبة: برهوشة حيت ختاريت شريك حياتي و بغيت نستاقر معاه؟
هارون: واحد قدي(ضحكة استهزاء)  لا تبارك الله عليك
هبة: ماعندكش لحق تلومني
هارون: انا راه باك
هبة: ماكنتيش كدير واجباتك كأب
هارون: حاولت
هبة: و للأسف هادي نتيجة طلاقكم
هارون: (تنهد) خرجي خلي ماماك ترتاح فاش تفيق و نهضرو
هبة: تسالات لهضرة صاافي (خرجات هبة و خلات باها مع مها ...مشات لبيتها جمعات لافاليز ديالها خدات الأشياء الأساسية و خرجات من دار بلا مايشوفها حتى واحد و مشات لفيلا محسن )
أما فالصالة كانت سارة و شيماء و شفق جالسين على اعصابهم
و شيماء غير كتحكرك من بلاصة لبلاصة
شيماء: قصي مكيجاوبنيش فتيليفون انا خايفة على جسور
سارة: و عشق حتى هي تشوشت عليها
شيماء: انا انمشي للمركز 
سارة: فين اتمشي فهاد ليل جلسي تبتي دابا يجيو
شيماء: لا قلبي مامرتاحش خص نمشي
سارة: واخا كيما بغيتي خودي معاك شفق
شفق: اه انمشي معاك اخالتي نشوف عشق و جسور حتى انا خفت عليهم
شيماء: يالاه زيدي
….خرجو من دار و ركبو وصلهم شيفور للمركز دخلو و سولو على قصي مالقاوهش و حتى واحد من العائلة مكاين...و فديك لقنت كان جالس شهاب و كمال غير لمح شفق ناض من بلاصتو و توجه عندهم
شهاب: تحبو نعاونكم فكاش حاجة
شيماء: واش ماشفتيش قصي او ولدي جسور
كمال: هوما كاينين فلكلينيك
شيماء: لكلينييييك؟ شنو واقع؟
شهاب: حكاو معانا و قالو لينا خداو عشق لكلينيك
كمال: الى بغيتي نقدرو نوصلوكم
شفق:(طاحولها دموع) شنو وقع لعشق شنوو
شهاب:(شاف فيها و رجع هبط عينيه) ماعرفناش
كمال: يالاه نوصلوكم
شهاب:(شدو من يديه)  وصاونا مانتحركوش من لمركز
كمال: بغيت نشوف عشق
شيماء: عفاك اولدي وصلنا عندهم
شفق: اه عفاك
شهاب: (تنهد) رواحو نديكم
….توجهو بسرعة لكلينيك لي كانو فيه لوخرين بحال جالسين على جمر كيتسناو طبيب شنو يقولهم و جسور بحال الجماد لكن فداخل ديالو بركان هايج،  دخلات شيماء و شفق و دراري لعندهم
شيماء: قصي
قصي: (بتعجب) شيماء!
شيماء:(عنقاتو) نتوما بيخير تشوشت عليكم
شفق:(عنقات باها) بابا فينها عشق
نيار: ماتخافيش هي مزيان شنو كديرو هنا (شاف ف شهاب و كمال) وصيتكم تبقاو فالمركز حتى نجيو
شيماء: حنا لي رغبناهم يوصلونا حيت خفنا عليكم
شفق: انقولها لماما خصها تعرف شنو وقع لعشق
شيماء: شنو وقع ليها بعدا؟
نيار: ماتقوليهاش لماماك ماتخلعيهاش
شيماء (لمحات جسور و جلسات حداه) ولدي نتا بيخير
قصي: ماغاديش يجاوبك منين دخلنا و هو ساكت مابغا يقول والو
شماء: جسور (شداتو فيدو) مالك
جسور:(بصوت مخيف و عينيه فنقطة وحدة) كان بغا يغتاصبها ...كان فوقها كيبوسها و هي مكتحركش ، ماقدراتش تتحرك ماقدراتش تبعدو عليها
نيار: هو ماااادار ليها والو نتا وصلتي عندها فالوقت و ماقاسهاش ياك؟ مادار ليها والو بطبيعة الحال مادار ليها والو
قصي:(شد فنيار) نياااار تهدن
نيار: بنتي اقصي (عينيه غرغرو بدموع) كانت غادي تغتاصب
قصي:(عنقو) رولاكس ايخرج طبيب و يقولنا بلي ماقاسهاش
جسور: انا وصلت (مسح راسو بيديه) وصلت عندها و قتلتو ولكن كانت خايفة و كترجف
شفق: (غوتات عليه) سكت  (كتحرك راسها بلا و دموعها سايلين) عشق مكتخافش و مكترغب حتى شيواحد و مكترجفش و هي ماتغتاصباتش
شيماء:(مشات عندها جلساتها) بطبيعة الحال ماغادي تكون وقعاتلها حتى حاجا هي كيعيطولها ديابلا مستحيل شيواحد يهرسها
شفق: اه قوليها لجسور هو مكيعرفهاااش
جسور:(ناض كيتمشا فبلاصتو كيمشي و يجي) تعطل هاد زمر
كمال:(توجه عند نيار) الى وقعات شيحاجا لعشق فأنا كنتحمل مسؤوليتها
نيار: هادي خدمتنا
كمال: لا بسبابي بديتو هاد العملية و انا ماغاديش نقدر نسمح لراسي الى وقعات ليها شيحاجا
نيار: ماشي وقتها هاد لهضرة
كمال: غادي نتحمل المسؤولية و انتزوج بعشق
شهاب:(غمض عينيه و رجع حلهم كيسمع هبال صاحبو) كمال سكت
جسور:(ضار عندو و عينيه حومر كيتحرك جيهتو) وااااو عشق كتسنااااك بفارغ الصبر باش تزوجها و تسترها (شدو من لكول) سد فمك قبل مااااانسدووولك بطريقتو
كمال: (نفضو عليه) كنهضر مع باها ماشي معاك
قصي: هنيييونا ماشي وقت هاد لهضرة
نيار: منبعد و نهضرو بغيت غير نعرف بلي بنتي بيخير
...خرج طبيب عندهم و تجمعو عليه
جسور: دكتور هي بيخير
دكتور: هي مزيان فقط تحقنات بمادة مخدرة شلات الحركة ديالها
نيار: (كيبلع ريقو) واش..وقعات ليها شيحاجا كنقصد واش …
جسور: واش تعرضات لإغتصاب؟
دكتور: اغتصاب؟ نو حالتها مزيانة
..تنفسو كلهم بارتياح و عاد رجع ليهم لون فوجههم
قصي: فوقاش نشوفوها
دكتور: خليوها يكمل ليها سيروم و تفيق و تشوفوها و ايضا راه تقدر تخرج
نيار: شكرا دكتور
….رجع صخر لموقع الجريمة منبعد ما صافطو قصي...دخل و بقا مراقب خلود كدير ابحاثها على الجثة ديال الموتشو و طلبات منهم ياخدوه للتشريح...جمعات الماطريال ديالها و توجهات عند صخر
خلود: مات نتيجة ضرب قوي فالعضو الذكري
صخر: جسور لي قتلو
خلود: سو ماشي مهم
صخر: الى ساليتي نقدرو نخرجو بغيت نمشي عندهم لكلينيك
خلود: اوك نمشيو
صخر:(وقفها) كنعتاذر على لهضرة لي قلت كنت معصب
خلود: ماديتهاش فيك اصلا
صخر: (طلع حاجبو فيها ) شكرا
….خرجو بجوج و غاديين فطوموبيل بصمت ، فجأة جات فبالو هبة ماعرفش علاش كيفكر فيها هاد الايام بزاف حتى من احلامو ماخلاتوش يتهنا بيهم،  نفض افكارو و ركز مع طريق سول خلود فين بغات تمشي، نعتاتلو ووصلها...و رجع مشا لكلينيك...أما هبة لي كان كيفكر فيها طول طريق وصلات لفيلا ديالهم و هبطات ...صونات فلباب حلات ليها الخدامة و دخلات كتسنا فمحسن حتى هبط عندها بحوايج نعاس
محسن: هبة
هبة:(عنقاتو كتبكي) كلهم رافضين علاقتنا إهئ اهئ
محسن: ششش انلقاو شي حل
هبة: خرجت من دار و ماعرفتش فين نمشي
محسن: مزيان منين جيتي عندي (كيدوز يدو على شعرها) جيتي للبلاصة المناسبة
هبة: خليني نبقا هاد ليلة هنا و منبعد انشوف فين نجلس
محسن: هاد لهضرة ماعجباتنيش و داري مارتاحيتيش ليها
هبة: لا ماشي هكك مابغيتش نتقل عليك
محسن: اتجلسي معايا مرحبا بيك
هبة: شكرا بزاف
محسن: ششتت مانعاودش نسمعها منك(عيط للخدامة) خوديها لبيت ضياف و شوفيها واش تحتاج شيحاجا
لخدامة: امرك اسيدي
هبة: تصبح على خير
محسن: رتاحي دابا و غدا نهضرو
هبة: اه اوك
محسن:(تبع ليها لعين ) انا لي كنشكرك اهبة سهلتي عليا طريق افتراسك هههه
….غادية نحو المجهول و مع ليل و ظلام و طريق خاوية ماعرفاتش فين ترجع ولا فين تمشي...فجهة اخرى كان هو قالب دنيا عليها داك لمطعم نوض فيه حالة و رجالو آمرهم يلقاوها يا تحت الارض يا فوق سما...تعصب لدرجة كبيرة و خوفو اكبر من عصبيتو،  خايف يتعدا عليها شيواحد او ضربها طوموبيل او اي حاجا طاحتلو فبالو،  خاف من فكرة انها تكون هربات...ركب طوموبيلتو كيقلب عليها فطريق بحال لحمق و كيسول رجالو واش لقاوها ولالا لكن لا أمل،  تبدل الجو فجأة و بدات كطيح شتا فزكاتها ، و دخلات لواحد جردة تخبعات تحت شجرة كتبكي و تنوح ..شافتها مرا كبيرة فالسن لكن من شكلها باينة باطرونة هازة مظلة معاها طلعاتها و هبطاتها و قربات منها
صفية: بنتي اش كديري هنا
مانفال:(تكمشات) والو
صفية: ماتخافيش مني انا خالتك صفية حسبيني بحال ماماك اجي معايا للدار ماتبقايش هنا
مانفال: إهئ اهئ خفت
صفية: ايييه ابنتي هاد طريق دزنا منها كاملين غير اجي معايا ماتخافيش انعاونك
....