إمرأة تدخن الرجال 🚬
سكينة سليماني
البارت 42 :
خرج قصي و بقا جسور كيفكر كيفاش يشري الحصة ديال نيار من بعد ما طرق المسمار ديال حصة باه بقا كيفكر و يفكر و طاحت عليه فكرة فبالو و طبعا شكوون من غيرو غادي يعاونو..
بسرعة ناض لبس لكوستيم ديالو و هز سوارت طوموبيل و تحرك بسرعة في اتجاه شركة نزار،وصل و توجه للشركة بمشيتو الواثقة و خطواتو تابتين و راسو مرفوع ديك تخنزيرة ديما كيديرها ملامحو قاسحين كما العادة، وصل للبيرو ديالو و تخطا سكرتيرة و دخل حتى تبعاتو من لور كتعيط ليهسكرتيرة: ديزولي ميسيو ميمكنش ليك دخل
نزار:(شاف ف جسور) خليه تقدري تمشي
مشات سكرتيرة و سدات لباب و توجه جسور جلس فلكرسي و كيشوف فالبيرو
جسور: ماباركتش ليك الخدمة
نزار: (ربع يديه) ماجيتيش عندي باش تباركلي
جسور: بصراحة لا ...جيت عندك على قبل واحد الغرض
نزار: شنو الغرض لي عندي و جابك
جسور:(طلع حاجبو فيه ) لقصر
نزار: مال لقصر؟
جسور: بغيت نشري الحصة ديال باباك
نزار: ماغاديش ابيعولك حيت عزيز عليه
جسور: عارف ماغاديش يبيعولي لكن نتا ايبيعولك
نزار: انا مابغيتوش
جسور: غادي تشريه من عندو و تبيعو ليا ساهلة
نزار: و علاش انا غادي ندير هادشي؟
جسور: يمكن حيت عزيزة عليك عشق
نزار: و شنو جاب عشق فهضرتنا
جسور: بغيت نشري لقصر على قبلها حيت درت معاها بلان خايب و شرطها الوحيد باش تسمحلي هو لقصر
نزار: (مضيق فيه عينيه) شنو بينك و بين عشق
جسور: شركاء فالعمل (بصوت هامس لكن مسموع) و العمل انواع
نزار: اممم لنفترض انا شريت لقصر و بعتولك و عطيتيه لعشق شنو غادي نستافد
جسور: عشق دارت شحال من حاجا زوينة على قبلك
نزار: تعلمت نستغل الفرص و نخدم عقلي بلاصة قلبي و انا نقدر نعطي لعشق لقصر فابور لكن غادي ندير معاك لمزيان و نخليك تبان جونتلمان
جسور:(تنهد) شنو المقابل؟
نزار: ماعندي مانطلب منك حاليا لكن مع ليام ايبان ليا و عقل على الوعد
جسور: اوك(ناض) اذن تافقنا
نزار: حسب لقصر ديالك من هاد نهار
جسور: سربيني خص هاد ليلة ناخد اوراق الملكية
نزار: ماتخممش كولشي ساهل
….خرج جسور من عندو و رجع للخدمة ديالو و هضر مع المحامي فليل يقاد ليه المسائل، سالا نزار خدمتو و خرج حتى هو مشا للقصر توحش مانفال و كيتسنى غير فوقاش يوصل لعندها، دخل للقصر و توجه نيشان لعندها للبيت بقا كيدق ماجاوباتوش و حل لباب مالقاهاش، عاد سمع موراه صوت انثوي
أنت تقرأ
امرأة تدخن الرجال 🚬مكتملة🚬
Romance💎مكتملة💎 ❌حصرية على الواتباد ❌ العنوان: امــــــــــــــرأة تدخن الرجال 🚬الجزء الثاني لقصة تيريزا الكاتبة : سكينة سليماني ☠الملقبة ب تيريزا 🥀 الجزء الاول : تيريزا عن الكاتبة : كانت تقيس حبّه لها بالسجائر التي لا ي...