إمرأة تدخن الرجال 🚬
سكينة سليماني
البارت 57:
...بقاو كيهضرو و يتبادلو القبل و المغازلات شوية هزها و دخلو بجوج للدوش، وصلات طوموبيل نوع هامر وقفات قدام لقصر ، زرب شيفور حل لباب و هبط جسور بلباسو الرسمي ، داخل للقصر على غير المعتاد، خطوات بطيئة، عينين باهتين ملامح باردة ، كيصطانع القوة و القسوة رغم أن لي فداخلو قلب مجروح ، غادي داخل و عينيه مشتتين فالأرجاء، كيشوف الحركة مروجة فلقصر بين الخدم كيقادو ديكور، ماعطاش للأمر اهمية و طلع لبيتو ، فطريقو لبيت لمحاتو شيماء و عيطاتلو لكن مابغاش اوقف حتى وصل لبيتو ، حلات عليه لبابشيماء: جسووور (عنقاتو) ولدي فين غبرتي توحشتك بزاف و خفت عليك
جسور:(بادلها العناق) ماتخافيش كولشي بيخير
شيماء: واش نتا صافا؟جسور: (ابتسامة جانبية) اه كانت عندي خدمة
شيماء: نتا و عشق ؟
جسور:( سميتها ترددات فأذنو حيت شحال هادي ماسمعها) لا بوحدي
شيماء: الحمد لله (جلسات و جلساتو حداها) ماتعاودش تغبر اولدي خليتيني مشوشة عليك
جسور: مرة مرة كنبغي نبعد باش نرتاح
شيماء: ولكن نتا عندك عائلة مالازمش تسد تيليفونك
جسور: صافي الوليدة مرة اخرى انعلمك
شيماء: علاه نتا باغي تغبر تاني؟ لا لا هادشي مامتافقينش عليه خصك تستاقر و تكون عندك مرا وولاد تفكر فيهم قبل ماتمشي شوف نزار صغير عليك و تزوج
جسور:(تنهد) ديري لي عجبك شوفي شيوحدة نتزوجها
شيماء:(طرطقات عينيها فيه بصدمة ماتوقعاتش هاد الجواب) واش كتهضر بصح؟؟؟
جسور: اه (باس يدها) نتي اتعرفي حسن مني و مابقيتش انعارضك
شيماء: فرحتييييني هه هي ليوم و من دابا شوية انطلبو يد شفق ليك
باس راسها و ناض دخل للدوش بلا مايهضر ، هارب من تفكيرو و ضميرو و ذكرياتو لي كترجعو خطوات لور، حط راسو لور على لباب و غمض عينيه كينهج، ليالي و ايام كلما كيبغي ينعس و لا تغمض عينو كيتفكر منظر عشق و هي كتبادل قبلاتها مع تايغر، قلبو كيتحفر، حل عينيه بسرعة باغي ينسى كيف العادة و قرارو انه يخلي مو تختار ليه لقاه انسب حل لهاد المشاكيل كاملها، اما شيماء مشات لبيتها بسرعة غادي طير بالفرحة لقات قصي لبس حوايجي و ضار عندها
قصي: مازال ماوجدتي راه الحفلة اتبدا دابا
شيماء: الحفلة لكبيرة هي لي فقلبي دابا و سبابها جسور هههه
قصي: جسور واش جا؟
شيماء: اه جا و قالي بغا نخطبولو شفق ههه
قصي: كيفاش بغاك تخطبيلو شفق واش بهاد السرعة؟ شنو طرا كان رافض فكرة زواج
شيماء: دار عقلو و بغا يكمل دينو و حنا ماعلينا غير ندعيو معاه بالتيسير
أنت تقرأ
امرأة تدخن الرجال 🚬مكتملة🚬
عاطفية💎مكتملة💎 ❌حصرية على الواتباد ❌ العنوان: امــــــــــــــرأة تدخن الرجال 🚬الجزء الثاني لقصة تيريزا الكاتبة : سكينة سليماني ☠الملقبة ب تيريزا 🥀 الجزء الاول : تيريزا عن الكاتبة : كانت تقيس حبّه لها بالسجائر التي لا ي...