إمرأة تدخن الرجال 🚬
سكينة سليماني
البارت 7:
….كانو كيستاعدو إلبسو لخواتم لبعضياتهم تصفيقات تعالات فالحفلة و صوت الضحكات بيناتهم و ابتاسامات المجاملة كثرات كولشي حاضر و كيتسناو ...شفق كان مغلوب على أمرك و كتحس بداك الخاتم مشنقة ليها ...أما سمير كان فرحان بخطوبتو من شفق فطبعا أيتناسب مع نيار مما كيعني أيعيش فأمان ...من جهة أخرى و بعد تفكير طويل و عميق فتح عينيه متذكر فين شافو
جسور: تفكرت فين شفتو
صخر: فين؟
جسور: تعقل على مداهمة المخدرات لي كانت فالعراق
صخر: اه
جسور: هاداك سيد كان واحد من رجال العصابة و هرب
صخر: واااات؟ كتهضر بصح
جسور: عندي ذاكرة قوية ميمكنش ليا نغلط
صخر: و كيفاش عمي نيار غفل على هادشي
جسور: ماعارفش كيفاش ولكن هاد الخطوبة خصها تحبس
صخر:(شدو) شنووو ادير
جسور: أنمشي نجرجر داك المجرم من تماك ماغاديش نخليه اتخطب بشفق
….يالاه كان غادي يمشي و تطفا ضو فلقصر كاملو و بدا الخوف كيتسلل فقلوب المدعوين و التساؤلات بداو كيقواو...تشعل ضو خفيف فوسط الصالة كان أرتورو كيدفع واحد الصندوق حتى الوسط و رجع ختافا فظلام و عاد تشعل ضو فلقصر كاملو و هاد المرة كانت عشق جالسة فوق الصندوق كتلعب بظفارها
نيار: عشق شنو هادشي دابا؟
عشق : الكادو الاخير لي انعطيه ليهم (نزلات من فوق الصندوق) هاد لخطوبة ماغاديش توقع
سارة:(كتخنز فيها و ضحك لناس) احم عشق بليييز
عشق: (كتشوف ف سمير) قلت ليك الى وقعات هاد الخطوبة راني ق/*بة
قصي : (كيشوف ف فالناس) دابا عاد غادي نتشوهو بالمعقول
نيار معصب و بغا يجي لجيهتها و هي تجبد لفردي لي كان محزوم فالفخد ديالها و طلقات رصاصة حداه فالارض
عشق: مكملتش هضرتي بقا بلاصتك
نيار: ماغاديش نسامحلك على هاد المنكر لي كديري فيه
عشق: علاه انا بديت شيحاجا بعدا؟ (رجعات شافت ف سمير) سمير عاود ليهم شكون نتا
سمير:(كيرجف) أنا ماعارفش علاش كتهضرهادي
عشق: اوك اوك انحتارم امنيتك الاخيرة ماغاديش نقولهم شكون نتا ولكن بغيت نسولك (ربعات يديها) فينهم وليديك
سمير: احم اه هوما ماجاوش كانت عندهم شي خدمة
عشق: هههه (هبطات راسها كضحك و مشات حلات داك الصندوق) وي الخدمة مكتسالاش و مشيت جبتهم انا بغيت نديرلهالك مفاجأة (جبدات يد باه لاحتها قدامو) هادي يد باباك و هادي رجل ماماك و هادو ريوسهوم (بقات كتلوح قدامو الاطراف ديال وليديه و كولشي مصدوم كيغوت كاين لي خرج من لقصر بكثر الرعب و كاين لي سخف من بشاعة المنظر)
نيار:(كيشوف الجثث لي مقطعين و مشاتلو الهضرة ماقدرش انطق بكلمة فقط خبع وجه سارة و شفق فصدرو باش مايشوفوش المنظر حيت تخلعو و بداو كيغوتو) وقفييييي
هبة:(شداتها الرجفة و كانت على شوية طيح كون ماشدهاش صخر)
صخر: بشوية عليك
جسور:(وقف قبالت عشق) شوفي فيا ا عشق شنووو كديييري
عشق:(شافت فيه شوفة ديال الموت) كنرتاكب جريمة مشروعة
سمير طاح على جثث وليديه لمقطعة كيبكي و يرجف و كيشوف ف عشق
عشق:(هزات لفردي عندو و بدات كطلق النار عليه بين عينيها صورتو نهار قاليها مانتزوجش بوحدة عرفات رجال قبلي بقات فيها ديك شمتا كطلع و كتهبط ماوقفاتش حتى تخوا الفردي و هو طاح ميت و غارق فدمو عاد رجعات لوعيها و شافت ف أرتورو بمعنى يقول للناس يخرجو) تسالات لحفلة شكرا للحضور ديالكم
شفق منين شافت سمير طاح ميت سخفات بين يدين باها بهاد التصرف لي دارت عشق خلاها تنتاقل لمرحلة أخرى من حياتها لي أتعيش فيها جميع الفصول هي و ناس لي قراب ليها ...تمشات لجيهت سمير و تحنات لعندو بنظرات شفقة و بصوت كتسمعو غير هي
عشق: كنت ديما كنحاول نخبي الجانب الخايب فيا و انا معاك ولكن نتا لي جبدتي الشيطانة لي فيا (ناضت كتشوف ف عائلتها واحد بواحد و الذعر خارج من نظراتهم وصلات لجيهة محسن و ابتاسماتلو بشر و دارتو بصبعانها رقم 2 يعني نتا الضحية القادمة و هو بدورو ابتاسم ليها و تحرك مشا بحالو)
صخر: (عطا ل هبة تشرب) نتي بيخير دابا
هبة: لا لا انا ماشي بيخير
صخر: ماتخافيش هادشي كيوقع
هبة: منيتك؟
صخر: كنحاول نخفف الخوف لي فيك
هبة:(دارت شهيق و زفير) أنك تعيش مع الشيطانة فنفس دار هادشي كافي يخليك تعيش فخوف كبير
جسور:(ماعرف مايدير كيشوف ف باه لي ضام شيماء عندو و كيشوف ف شفق لي سخفات و نيار شادها و سارة كتبكي حداها و أماني لي شادة نزار مايمشيش عند عشق هاد الاخير لي شاف فيها و فعينيها بضبط القوة لي فيهم كانت كبيرة لدرجة سلباتلو تركيزو منظرها لي مافيه لا شفقة و لا رحمة و متبتة كأنها مادارت والو خلاه يعاود النظر فيها كانت كتبان ليه قمة فالأنوثة نهار تلاقاها أول مرة ولكن دابا كتبان ليه قنبلة موقوتة غادي تنفاجر فأي لحظة و إلى ماتدخلش و دار شيحاجا فأكيد أتفتح بيديها بيبان جهنم عليهم...زاد قرب منها شوية و هضر معاها بلعقل ) مكانش عليك تقتليه واخا كان مجرم ولكن لا
عشق: كنتي عارفو مجرم؟
جسور: كنت أنوقف هاد الخطوبة
عشق:(خنزرات فيه) ماشي شغلك حبذا لو تديها سوق راسك
جسور:(شدها من يدها زير عليها) ماتخيليش شحال معصب دابا دوي باحترام حيت مكتعرفينيش شنو نقدر ندير و انا معصب (طلق من يدها و بعد منها قبل مايدير فيها شي مصيبة)
عشق:(غوتات بأعلى صوتها) أرتورو جمع عليا هاد زبل منهنا بغيت الدنيا ترجع نقية
نيار: نزااار هز ختك لبيتها و بقا معااااها
نزار:(هز شفق و شاف ف هبة ) زيدي حتى نتي
هبة: اه اه (عطاتو كأس د الما لصخر و طلعات مع نزار للبيت)
عشق:(عيطات ل نزار) نزار منين تفيق شفق قولها ليا
نيار:(ناض لعندها) علاه؟ باش تقتليها كيما قتلتي سمير؟ شكوووون نتي أشمن نوع ديال بنادم وليتي؟؟؟؟ لا أنا بنتي ماشي هاكا
عشق:(ابتاسمات بتعب) أنا أسوء و نتا عارف هادشي
نيار: غلطت انا معاك فشيحاجا؟؟؟ (شادها من يديها كيزعزها) دوي صرفت فيك شي عيب
عشق: (بعدات منو) درتيها بلا ماتحس
صخر: مابغيتش نتدخل فهاد المحادثة لي مابين الاب و بنتو ولكن عمي نيار كنظن عشق كانت كتحمي ختها حيت سمير كان مجرم
نيار: مجرم؟ حتى كون كان مجرم ماديرش لينا هاد شوها هنا
عشق: أولا أنا مكنتش كنحمي شفق حيت مكتهمنيش ثانيا كنت بغيت نهرس الكبرياء ديالك أنيار سقراط (ضارت بلاصتها) شوف فيا شوف هاد لبنت لي بسباب اهمالك صنعتيها من ديما كانت غير شفق لي معمرة عينك (قربات منو) و عشق ؟ اشمن مكانة عندها فقلبك؟
نيار: غيرتك كتعميك
عشق: عمااااتني شحال هادا و من هاد اللحظة ماغاديش نبقا نشوف قدامي ماغاديش نشد لفرانات غادي تشوف شنو لحاجا لي كنعرف نديرها و كنتقنها (تخطاتو )
نيار: ماغاديش ندوزهالك بهاد البساطة
عشق: شنو اتشدني فالحبس؟ ماعندكش شي دليل ماجاتش الصحافة و ناس لي معروضين ماغاديش يتجرأو يهضرو هههه و حتى من الجثة ايكون ارثورو لاحها لشي غابة
نيار: امكن كان ايكون الحبس ارحم بكثير من داكشي لي كنفكر ندير
عشق: أنا مستعدة (كملات طريقها للفوق مخلية النظرات عليها و لحظة استيعاب للأحداث...دخلات لبيت شفق لقات نزار و هبة) خرجو بغيت نهضر معاها
نزار: هي عيانة خليها ترتاح
عشق: حتى انا عيانة و باغيا نرتاح و إلى ماهضرتش معاها ماغاديش نرتاح
هبة:(شدات فنزار) زيد نخرجو
نزار: فيين انخرجو
هبة: خليييها معاااها زييد (جراتو و خرجو)
نزار: ماغاديش نخليهم بجوج انبقا هنا الى سمعت شيحاجا نتدخل
هبة: شوف نقولك عشق مريضة نفسيا اتقتلنا كاملين واحد نهار ولكن مابغيتوش اكون هو هاد نهار اوا زيييد عفااااك (جراتو و هبطو لتحت لقاو العائلة جالسة فصالة كيحاولو يفهمو شنو واقع مشات هبة كتزرب عند جسور) جسور
جسور: شنو كاين
هبة: عفاك سير لبيت شفق حيت خلينا معاها عشق و خفت توقع شيحاجا
جسور: ششش تهدني انا انشوف شنو كاين
هبة: شكرا
….كانت جالسة حداها فالبيت كتشوف فيها ناعسة و كتأمل فتفاصيل وجهها بكره
عشق: كرهت ملامح وجهي غير حيت عندك بحالهم (هزات كأس د الما خواتو عليها و ناضت شفق و هي مفزوعة كتكح ) صباح الخير ولا نقول مساء الخير حيت موحال تشرق عليك الشمس
شفق:(شداتها الرجفة و بكات كدخل و تخرج فلهضرة) مادرت والو اهئ اهئ مادرت حتى حاجا والله
عشق: نتي اصلا مكديري والو نتي بريئة و انا لي خايبة و كندير كولشي (هزاتها من شعرها و جرجاتها لسقاتها مع الحيط) كتلعبيها تحت الدف ديما قوليلي شنو درتي باش غريتيه شنو شاف فيك و عجبو؟
شفق: اهئ اهئ عفاك وجعتيني طلقي من شعري اهئ
عشق:(جمعاتها معاها بتصرفيقة) علااااااش اي حاجا كتعجبني كتاخديها
شفق: (شادة فضربتها) مادرت والو اعشق اقسم بالله اهئ اهئ
عشق: (قجاتها) منين كنا صغار و نتي كتحاولي تحيديلي لحاجات لي كنبغيهم بديتي ب واليدينا و دابا الراجل لي بغيت (طلقات منها طاحت فالارض كتشهق و تبكي)
شفق: ماكنتش عارفة إهى اهئ
عشق: نتيييييي ماااااكتعرفي واااالو كتعرفي غير تسرقي نتي سرااااقة و كنكرهك اشفق كنكرهك او واحد نهار غاااادي نقتلك كيما قتلتو هو (تحنات عندها) واخا كنت كنبغيه قتلتو حيت بغاك
شفق: (شدات فيها كترجاها) بابا لي طلب مني نتزوج بيه ماقدرتش نرفضلو والله ماعرفتك كتبغيه اهئ اهئ كنحلف ليك حتى أنا ماكنتش باغاه
عشق: سكتيييي عييت مانسمع مبرراتك لي ماعندهم فايدة شتي اش غادي نبقا ندير منهنا لقدام (جراتلها شعرها طلعاتلها راسها لفوق و قربات لوذنها) اي حاجا اتبدا تعجبك انحيدهالك حتى انا و انذوقك من نفس لكااااااس
شفق: عشق اهئ اهئ ماتخليش الحقد يعميك انا ختك كنبغيك واخا ديري لي درتي
عشق: و انا كنكرهك واخا ديري ليييييي درتي (عاودات سرفقااااتها و تحل الباب)
مع حل الباب طاحت قدامو كتبكي نيفها سايل بالدم و شعرها مشعكك صوت انينها و شهقاتها كيحزو في النفس تحنى عندها كيشوفها كتجمع لكسوة لي تقطعات على لحمها ماعجبوش المنظر و فار دمو عروقو ولاو بارزين و عينيه نقطة ديال الدم بالاعصاب نوضها معاه و هي تخشات فيه كتبكي و كترجف خايفة حط يدو على راسها مغمض عينيه كيهدنها و بعدها عليه شوية و رجع كيشوف فالشيطانة واقفة مربعة يديها و كتحمل نفس الغضب و كثر
جسور: علااااش ضربتيها
عشق: بيني و بينها ماتدخلش
جسور:(قرب منها كيطرطق عضام عنقو) علااااش ضربتيها
عشق: بغيت شنو مشالك نتا
جسور: (زفر بغضب و طلع يدو حتى لفوق و جمعها معاها بتصرفيقة حتى ضارت و كون ماكالاهاش لحيط كانت اطيح فالارض) حتى انا بغيت
شفق:(كترجف أو واخا حالتها أسوء بكثير من عشق إلا انها ماقدراتش تستحملو يضربها) إهئ إهئ ماضربهاش
جسور: (سكتها بتخنزيرة و رجع كيشوف ف عشق لي منين ضربها عطات وجهها للحيط ماضارتش ) آخر مرة تحطي عليها يديك كتسمعي
عشق: هههههههههه (ضحكات بهستيرية ديك الضحكة لي موراها بزاف ديال المصائب و ضارت عندو مسحات بصبعها الدم لي خرج من شنايفها و قربات ليه حتى تقابلات معاه) حليتي على راسك بيبان جهنم و ذنبك أنك واحد من هاد العائلة لي مكنحمل فيها حتى واحد (حطات يديها على حلقها) مكتسرطش ليا و زدتي قو#دتي معايا السوايع (شافت فاليد لي ضربها بيها و شداتها بيديها غارسة فيها ضفارها و كتلويها) اليد لي كتمد عليا كنهرسها
جسور: (بالرغم من انه حاس بظفارها مختارقين يدو خلاها تفرغ غضبها لي أصلا مكيبانش عليها هز يدو لوخرا شدها من شعرها قربها ليه حتى تلاسق نيفو مع نيفها) ميمكنش ليا نقول ناقصاك التربية حيت خوتك مربيين حسن منك و ماعرفتش علاش حاسبة فراسك شيحاجا كبيرة و نتي ماعندك حتى حاجا زايدة و لكن لي نقدر نأكد ليك من ليوووم أنعاود لمك تراااابي بغيتي ضد انا مولاه و نشوفو شكون ايهبط الراس و يحنيه لسيدو
عشق:(كتشوف فالثغر ديالو باغراء) فاش تكون كتربيني عنداك تنسى راسك و نصدق أنا لي كنربيك ….
حابس كيشوف فعينيها و هي كتشوف ففمو بدا كيحس بلي كتبعد منو شوية بشوية و قلبات الضورة خرجات من البيت اما هو مشا عند شفق كيهدنها
جسور: شش ماوقع والو (عنقها)
شفق: اهئ اهئ كنت كنقولها مادرت والو
جسور:(جلسها فوق النموسية) عارف نتي مادرتي والو
شفق: ولكن هي ماعارفاش اهئ اهئ و ديما كظلمني
جسور: ماتديهاش فيها كنواعدك عمرها ماغادي تقيسك (شد وجهها فيديه) تيقي بيا مانخليهاش تقيسك حيت نتي قلبك كبير و ظريفة ماتستاهليش شنو كدير فيك
شفق:(حطات راسها على صدرو كتنخصص) علاش مكتحملنيش ديما كنسول راسي هاد السؤال اهئ اهئ
جسور: واش ديما كديرليك هاكا؟
شفق: اهئ اهئ و كثر ولكن انا كنبغيها و هي عزيزة عليا انبقا ندير اي حاجا كتبغيها باش تحن فيا
جسور: موحال تحن (تنهد) واخا قتلات ليك خطيبك نتي باقا كتخلقي ليها الاسباب
شفق: كون خيراتني بينها و بينو كنت انختارها اهئ اهئ انا مكنتش باغاه
جسور: و علاش قبلتي بيه؟
شفق: ماقدرتش نقول لا لبابا
جسور:(مسحلها دموعها) نساي عليك هادشي بدلي حوايجك و نعسي ترتاحي ماتفكري فوالو بغيتك تعرفي بلي ماغادي نخلي حتى حاجا تقرب ليك
شفق:(كتحركلو راسها ب أه ) شكرا
جسور: العفو (ناض خرج من بيتها)
….هبط لتحت لقا عشق كتناقش مع باها
نيار: كون قلتيلي بلي هو مجرم كنا غادي نخرجوه من تماك بلا هاد لفضيحة
عشق: كانت هاديك مسألة شخصية بيني و بينو
سارة: و وليديه اعشق؟ وليديه شنو ذنبهم
عشق: ذنبهم ولدو ز#! امل
نيار: و انا ولدت سلكوطة
عشق: ههه مع الأسف
نيار: (رجع يديه مور ظهرو ) غادي نتاقلو لهاد لقصر
عشق:(طلعات حاجبها فيه) بغيتي تقولي بلي اترجعو تسكنو فهاد لقصر لي مكيعجبنيش
نيار: اه انسكنو هنا
عشق: كتجري عليا؟
نيار: فهميها كيما بغيتي ولكن منين سولتيني انا انقولك مابقيتش باغي نشوف وجهك و كون قدرت حتى من الخدمة مانشوفكش فيها
سارة: نيااااار ماشي لديك الدرجة تاني
عشق:(تفيكساو عينيها على عينين نيار احساس غريب جاها حزن و غضب تخلط عليها الامر) ماغاديش تعاود تشوفني
نيار: (بعد من طريقها) خرجي
عشق:(شافت قدامها و زادت فخطواتها و هي تشدها شي يد و ضارت) طلقي مني
سارة: لا منطلقش مانخليكش تمشي عفاك جلسي نهضرو
عشق: ماعندنا فاش نهضرو طلقي
نزار: لا عندنا الى مشيتي نتي انا انمشي معاك
نيار: نزار سكت ماتدخلش
نزار: لا غادي نتدخل الى مشات عشق من هاد دار حتى انا انمشي (زاد حدا عشق شدلها من يدها) يالاه نمشيو
سارة: نياااار عفاااك تراجع فهضرتك
نيار: كلمة وحدة قلتها
سارة: الى مشاو ولادي غادي نمشي معاهم
نيار: (تنهد) نسيتي واحد البنت لفوق كتسناك طلعي عندها تشوفيها
سارة: شفق ديما كنتي معاها و حتى دابا كون معاها أنا هاد المرة انمشي مع نزار و عشق
نيار:(ضار باش مايبينش الخوف ديالو) ديري لي عجبك اتيريزا
عشق: فيييين باغيين تمشيو معايا فين جلسو تبتو انا كنهرب منكم و نتوما لاسقين فيا
سارة: لا انمشيييو (جراتها من يدها) يالاه زيدي
….خرجو بثلاثة بيهم من لقصر ركبو مع عشق فطوموبيل و توجهو للشقة
قصي: منيتك انيار خليتيهم امشيو
نيار: شنو ندير بغاو يمشيو
أماني: لا نتا لي جبرتيهم يمشيو علاش جريتي عليها
نيار: خصها تراجع نفسها
قصي: ماشي بهاد الطريقة عارفينها بلي غلطات ولكن نتا مول لعقل تقرب منها
أماني: عشق متمردة بطبيعتها كلما اتشوفك شاد ضد معاها غادي تزيد تعقد الامور
نيار: شنو ندير عندكم شي حل
جسور:الحل عندي
...
أنت تقرأ
امرأة تدخن الرجال 🚬مكتملة🚬
Storie d'amore💎مكتملة💎 ❌حصرية على الواتباد ❌ العنوان: امــــــــــــــرأة تدخن الرجال 🚬الجزء الثاني لقصة تيريزا الكاتبة : سكينة سليماني ☠الملقبة ب تيريزا 🥀 الجزء الاول : تيريزا عن الكاتبة : كانت تقيس حبّه لها بالسجائر التي لا ي...
