إمرأة تدخن الرجال 🚬
سكينة سليماني
الفصل الرابع: جنون بلا حد (السر المازوخي )🗝🍷
البارت 122
فاقت كتكسل فبلاصتها و راشقة ليها كتشوف ف سقف بيتها بقات يوماين للعرس و كل نهار كيدوز كتسنى فيه يوم تعرف الحقيقة و تاخد انتقامها، ناضت من فراشها و يالاه رمات خطوة فالارض و هو يشعل معاها الضو تحتها حتى غوتات و رجعات جلسات بلاصتها كتسنى الالم يمشي ، كتحس بقلبها كيضرب بزاف و التنفس صعاب عليها، هزات يدها لعند قلبها لي كيخبط و غمضات عينيهاعشق: اووف اش هاد لوجع (عاضة شفايفها بألم حتى حسات براسها مزيان و ناضت لدوش ديالها عمرات البينوار بالماء سخون و دارت فيه ليبرودوي و تخشات كتسخن عضامها و مسلقية فراحتها، ناضت من بعد و غسلات شعرها و شللات خرجات ملوية عليها فوطة و مشات لبسات حوايجها و هبطات لتحت كتفطر بكل هدوء لاحظات المكان هادئ على غير عادتو غير هي و كبار العائلة لي كيفطرو) فين هي نجلاء؟
سارة: خرجات هي و لبنات مشاو للصالون
عشق: علاش خرجات بلا ماتقولهالي راها ف أمانتي
نيار: خلاص حتى نتي خليها تفوج
عشق: ايه بصح خليها تفوج نيروز كان قاطعها فيها
سارة: واش راجلك ماغايجيش للعرس
عشق: ماعرفتش
سارة: كيفاش ماعرفتيش راه راجلك
عشق: يجي مايجيش ماشي شغلي اصلا شحال هادي ماهضرت معاه
سارة: لعجب
عشق: (ناضت) ماغانبقاش نتسوق ليه حياتي فيها بزاف مايدار اووف محتاجة حتى انا نوجد راسي للعرس
….كان داخل مع لباب هاز لفاليز ديالو صغيرة و كيطرطق المسكة و لابس الالوان الفاقعة و نظاظر على عينيه و حيدهم جا مع ديك الكلمة ديال نوجد راسي للعرس
بسباس: بسيبييييسة جاااا يا بعد قلبيييي غادي نوجدك لدرجة كل لي فالعرس ايشهد بجمالك
عشق:(ضارت عندو ب ابتسامة) بسيبيستي
بسباس:(كيجري لعندها بمياعة) عشقي اوووه توحشتك (عنقها و كيمسح دموعو)
عشق: وااش نتا فينما شفتك كتبكي تجمع
بسباس: توحشت مصاايبنا و توحشت نقااادلك وجهك توحشت كولشي
سارة: فريييد مرحباا بييك
بسباس: مااااسميتيييش فريد اسمي بسبااااس
عشق: بسباس ولا عباس زيد قدامي(جراتو من لكول و هو تابعها)
أنت تقرأ
امرأة تدخن الرجال 🚬مكتملة🚬
Romance💎مكتملة💎 ❌حصرية على الواتباد ❌ العنوان: امــــــــــــــرأة تدخن الرجال 🚬الجزء الثاني لقصة تيريزا الكاتبة : سكينة سليماني ☠الملقبة ب تيريزا 🥀 الجزء الاول : تيريزا عن الكاتبة : كانت تقيس حبّه لها بالسجائر التي لا ي...