إمرأة تدخن الرجال 🚬
سكينة سليماني
البارت 20:
قصي: اشمن فخ واش موتشو يكون عاق بيهم؟؟؟
نيار: يالاه نمشيو للمركز (خرج هو و قصي و تلاقاو ب محسن فلباب) محسن
محسن: السلام كاينة اماني
نيار: اتلقاها لداخل ديزولي حنا انمشيو عندنا الخدمة
محسن: مكاين مشكل خودو راحتكم
...مشا نيار و قصي و دخل محسن للداخل كيشوف ف أرجاء لقصر حتى لمح سارة جالسة و بقا كيطلعها و يهبطها و توجه لعندها بابتسامتو الخبيثة اما هي غير لمحاتو مسحات دموعها لي كانت كطيحهم على نزار و ابتاسمات ليه
سارة: اهلا محسن سمحلي مانتابهتش ليك
محسن: (سلم عليها بيدو) شفتك مهمومة مالك
سارة: والو راك عارف مشاكل ديال اولاد
محسن: امم كتهضري على عشق شنو دارت تاني
سارة: هاد المرة ماشي عشق ولكن نزار ماعرفتوش فين هو
محسن: ههه هادو هوما دراري كيتقلقو منا و كيخرجو حتى كترشق ليهم و يرجعو
شيماء:(جابت كأس ديال لما لسارة و كتشوف ف محسن) السلام
محسن: اهلا (كيحك تحت ناذرو) جيت نشوف اماني واش مكايناش
شيماء: كاينة لفوق فبيتها (عيطات للخدامة باش تعيط ليها)
أما هبة كانت فبيتها عينيها حومر و منفوخين نشفو من دموع و ناعسة على كرشها و كتخمم و مرة مرة يخرجو شهقات خفاف منها و كتخمم ف هضرة ماماها لي رافضة رفض تام فكرة انها ترتابط ب محسن هاد الاسم لي شغل ليها بالها و قلبها و حياتها رغم انها مدة قليل عرفاتو فيها الا ان المواقف المثالية لي جمعوها معاه كانت كافية تغرق فمستنقع الاعجاب بيه وتحلم تكون معاه...كتجرها شفق من يدها و كتحاول معاها تنوض و مابغاتش
شفق: وا نوضي اصاحبتي عفاك
هبة: حياتي ضاااعت ماما ماغاديش تقبل بيه
شفق: راه كبير عليك اهبة ديري عقلك
هبة: و منبعد شحال من وحدة مزوجة ب واحد كبير عليها
شفق: كتفكري فزواج كاع
هبة: وا بغيييت محسن بغيييتو
شفق: وا غير نوضي و يكون خير ….
….ف كاراج تحت الأرض فيه مخزونات النبيذ أشكال و أنواع طاغي عليه التصميم الخشبي... كيتسمع صوت الموسيقى لفوق و اصوات غريبة للرجال و نساء...كان جسور معلق من يديه و دماياتو نازلين من بنيتو و راسو و كيتنفس بالجهد، عاري من لفوق و سناسل الكهربائية ضايرين على صدرو...عينيه حومر و معصبين و كيكرز على سنانو...كان بوحدو فداك الكاراج منبعد ما سالاو واحد جوج رجال من تعذيب ديالو و ماخداو حتى معلومات طلعو للفوق باش يقولوها للموتشو و بقا هو لتحت كيتوعد لعشق بالعذاااب الى طاحت بين يديه حيت ماشي خانتو غير هو و إنما خانت بلادها و حطات يديها فيد المافيا و غلطها لا يغفر …
فوق داك الكاراج كانت الموسيقى مجهدة فالبار و ناس متواجدين بكثرة كل واحد شنو كيدير شي كيشطح و ينسي راسو فشر دنيا و يسمومها شي كيشرب باش يحيي ذكريات قلبو و شي مقنت كيمارس الغريزة بكل حرية و فوسط لبار كانت غرفة مظلمة كيلعبو فيها لقمر كيتواجدو بيها جوج أشخاص عشق و موتشو...كتشوف فالكارطا ديالها و تشوف فيه بنظرة مفترسة و ابتسامتها المغرية حاضرة ، كتسناه يكشف اوراقو قدامها ...كشف اوراقو و تبعاتو ضحكة عالية فالأرجاء منها و كشفات اوراقها أيضا و رجعات لور
عشق: اممم غلبتك
موتشو:(شعل سيجار) رزيتيني فمليار
عشق: مكيهمونيش لفلوس دابا بكثرة مكتهمني المعلومة
موتشو:(نفث الدخان) المعلومة أخطر سلاح
عشق: لا (تسندات على طبلة ديال لقمر) قدام أنوثتي انا هي أخطر سلاح
موتشو:(ابتاسم) شنو بغيتي
عشق: التايغر
موتشو: متجرأيش تنطقي اسمو مرة ثانية
عشق: كيخلعك بهاد القدر كاملو؟
موتشو: لسانك أيتقطع من بلاصتو و ماتلقايش باش تنطقي سميتو
عشق:(دوزات لسانها على شفايفها) كتهمني واحد لبرهوشة تخطفات
موتشو: للدعارة؟
عشق: تماما و نتا لي تقدر توريني بلاصتها
موتشو: نقدر نجيبهالك حتى لبين يديك ولكن شنو المقابل لي اتعطيني؟
عشق: شنو الحاجا لي ايبغيها الموتشو؟
موتشو: (غمزها) و شكون من غير ديابلا؟
عشق: متجرأش و تشهاني حيت زبك لي ايتقطع ماشي لساني
موتشو: هههههه حطيت شرط و الامر متوقف عندك
عشق:(عوجات فمها و ناضت كتحرك فالأرجاء) الضوسي ديال محسن عجبني
موتشو: واخا خديتيه فنطاق التهديد ولكن بصحتك
عشق: اممم هادي نعتابرها صدقة منك
موتشو: اعتابريها سمحتليك على شنو درتي
عشق: ديابلا مكتهددش
موتشو:(ناض عندها) مكتهددش (حط صبعو كيدوزو على عنقها) خصها نعاملوها بحال الأميرة
عشق: ديك البرهوشة بغيت نعرف فين كاينة
موتشو: قنعيني
عشق: ليلة حمراء؟
موتشو: دابا عجبتيني (ابتاسم) منين هي
عشق: أنسهلها عليك هي بنت كمال زعيمي
موتشو: رجل مافيا سابق
عشق: عندك خبر باختطاف بنتو؟
موتشو: بنتو فالحفظ و الصون لكن بقات سيمانة و تمشي مع الاطفال ل تايغر
عشق: فين ؟
موتشو: إسرائيل
عشق:(ضغطات قبضة يديها و كتكتم غضبها) سميتها فلسطين
موتشو: كيهمك البنت ولا السمية
عشق: بجوووج
موتشو: عطيتك معلومات بما فيه الكفاية
عشق: ناقصة واحد لحاجا
موتشو: لي هي ؟
عشق: جسور
موتشو: نقتلو؟
عشق: هادشي كيعتامد فين ادفنو
موتشو: فالكاراج
عشق: علاه هو كاين فالكاراج
موتشو: وي تحت البار
عشق: امممم ماتخيلش شحال فرحتي قلبي كان بحال الهم و تزاح
موتشو: و غادي ترجعي عندهم بكل حزن و حسرة و تقولي ليهم بلي حاولتي تنقذيه و ماقدرتيش
عشق: و اناخد مكاني الشرعي لي خداليا
موتشو: هضرنا بزاف و خاص ندخلو للمعقول دابا
عشق:(شافت فيه بنظرة مغرية) كاين فين نبدل حوايجي و نتقاد؟
موتشو: (ابتاسم و صفق بيديه حتى خرج أحد رجالو) خود الآنسة عشق لبيت فين ترتاح
عشق:(عضات شفايفها) نشوفك منها ساعة(خرجات مع راجل باش تمشي للبيت )
….كان صوت انثوي عالي فالقصر رفض المهزلة لي كتوقع بسبب طيش الابنة و انانية و رغبات الشايب...و شكون من غيرها أماني لي كتغوت على محسن و سمعاتلو خل وذنيه و شيماء و سارة غير مصدومين من لي كيسمعوه و كيحاولو يهدنو فيها
أماني: واش كتشوف راسك فلمراية؟ كيحسابلك راسك صغير راه انا و صغيرة عليك عسااااك هبة
محسن:(تقرص) عصبيتك مقبولة ولكن كنأكد ليك ماغاديش نآذي هبة
أماني: اوا بعد منها و حشم على عرااااضك
محسن: هي كتبغيني و ماغاديش تقبل نبعد منها
أماني: نتا سباااب نتا لي دخلتيها فهاد المشاااااكيييل
محسن: كيفاش نشرح ليك بلي باغيها و معايا اترتاح
أماني: (شادة راسها بعصبية) راااااها قد بنتك
سارة: أماني تهدني هادشي كيتحل بلعقل
أماني: لاااا يبعد ليا على بنتي
سارة: انتاصل بهارون(صونات عليه و قالتلو يجي للقصر)
هبة: و علاش كتقرري بلاصتي (هبطات هي و شفق و ضارت على مسامعها المحادثة كاملها)
محسن: مابغيتش ندير ليكم المشاكل
هبة: لاااا المشاكل كانو ماشي نتا سبابهم
أماني: سدي فمك و طلعيييي لبيتك
هبة: لاااا حياتي انا مسؤولة عليها و انا مابقيتش صغيرة تحكمي فيا
أماني: باقا صغيييرة و ماعارفاش مصلاحتك
هبة: نتي دمرتي حياتك بيدك منسمحلكش دمريلي فرحتي و حياتي
محسن: سمحولي انا غادي نساحب باش مانعقدوش الأمور
هبة:(مشات تقابلات معاه) سمحلي حيت حطيتك فهاد الموقف
محسن: ماتبكييش انلقاو حل و ماغاديش نسمح فيك
أماني: خرج برااااا مانعاااااودش نشوف كمارتك و لا نشوفك قريب من بنتي
محسن:(مشا خرج)
هبة: زدتييييي فيييه تفرقيييي من ساااااحتي عطيني التيساع
شيماء: هبة عيب عليك تقولي هاكا ماماك من ديما كتفكر فمصلاحتك
هبة: كتفكر غير فراااسها سوليها منين تفارقات مع بابا واش فكرااات فمصلاحتي ها؟
أماني: ااااه فكرت فمصلاحتك و فمصلاااااحتو
هبة: و شنوووو لي خلااااك تفااارقي معاااه اشمن قلب عندك حتى سمحتي فييه و حرمتيني منو
أماني: بغيتو كثر من حياااااتي و كنت كنحاول نحميييكم
هبة: و الطريقة الوحيدة هي طلاق؟
أماني:(عمرو عينيها بدموع) اه طلاااااق كنت انضمن حياتو بهاد الطريقة و درتهااا و كنتذبح كل نهار و انا بعيدو علييه شفتي شحال خايبة تكوني مخبراتية و كل نهار جاياك رسالة تهديد
هبة: و علاه خالي نياااار و قصي ماتفارقوووش حتى هوما على عيالاتهم
أماني: هوما كانو مجموعين فلقصر بجوج و مأمنين الحماية لراسهم اما انا كنت بوحدي مع هارووون و مابغيتش نحسسو بالخطر و نزمت عليه حيااااتو و مكانش ايقبل يعيش معايا فلقصر واخا مأمن ليه
هبة: و انا؟ مافكرتيش فيا
أماني: كنت كنحميك
هبة: نتي مكتحمينيش نتي كضريني (طاحولها دموع) فاش بعدتيني عليه ضريتيني
أماني: (دموعها شلال) مابغيتش ندخلو لحياتنا و يعرفوه مهم لينا باش مايستخدموهش ضدي
هبة: واخا تقوليلي لي قلتيلي كتبقاي انانية و كتفكري فراسك و انا ماغاديش نبقا عايشة معاك فبلاصة وحدة (بغات تمشي و شداتها أماني من يدها)
أماني: فين بااااغا تمشييي
هبة: انخرج منهنا و نعييييش بوحدي، مابقيتش حاملة نشوفك كنكرهك
أماني: هبة(تقال ليها لسانها و ذاتها و بدات كتشوف كولشي كحل فعينيها و طاحت مغشية عليها لكن ماطاحتش فالأرض...طاحت بين يدين هارون لي عينيه رجعو حومر من هضرتها و قلبو كيضرب هزها فيديه معنقها و مستاغل الإغماء نتاعها باش يشبع شوقو ليها و بصوت هامس غير بينو و بينها او واخا ماسمعاتوش نطق…)
هارون: كنبغيك..
خدامين فالمركز باش يلقاو اثر جسور و عشق لكن كل محاولاتهم فشلات مما كيزيد يعصبهم و يوثرهم...نيار و قصي شاعلين غير كيغوتو و يسبو اما صخر كان كثر منهم حيت كان عايق بعشق و ماحاولش يزيد يقنع جسور مايمشيش معاها….
صخر: انشد عشق غااااااادي نخشيلها راسها فتقبة ديال طواليط
قصي: (جالس كيحرك رجلو بتوتر و يدو تحت ذقنو) مكتخلييش دقتها
نيار:(كيطلب الله ماتكونش تهورات) مازال ماعارفينش شنو واقع معاهم
صخر: لي واقع هو بنتك بغات ضرب عصفورين ب حجر واحد
قصي: سكت آخر سكتتتت ماتزيدش لي بيا
كمال: شنو واقع بضبط
صخر: مامسااالينكش نتا دابا
كمال: الامر كيعنيني راه يمكن مشاو يلقاو بنتي
صخر: اوووف ماكاينش ليهم الأثر
نيار: تهدنو شوية غادي نلقاوهم
...دخلات للمركز بابتسامتها المعتادة بنت شابة فالعشرينات سمراء عويناتها خوضر وشعرها بني قاتم فمها منفوخ و نيفها صغيور و طايتها رقيقة...لابسة طابليتها الطبية و هازة فيديها وراق ...وقفات عليهم و مدات يدها لنيار
خلود: السلام عليكم انا خلود فهري خبيرة في تشريح الجثث و طبيبة جنائية صافطوني للمركز و من ليوم انخدم معاكم
نيار:(سلم عليها) متشرفين انا نيار سقراط جنرال سابق
خلود: (ابتسامة) عارفاكم كاملكم و فرحانة حيت انخدم مع الفرقة ديال عشق سقراط
صخر:(كيكمكم) هادشي إلى بقات حية
خلود: (شافت ف صخر و طلعاتو و هبطاتو و هو ماشايفش فيها توجهات عندو) و نتا شكون
صخر: (خنز فيها) لي ايكويك كووون ماتبعدي منو
قصي: اهيااا صخر جمع راسك
خلود:(لبداتها فقلبها و بتاسمات ) المستوى ديالي مايسمحليش نجاوبك
صخر: اوا قووولي للمستوى ديالك يق/ود عليا
نيار:(جر خلود) ماتديش عليه معصب شوية
خلود: ماديتهاش فيه
نيار: واقع لينا مشكل عشق و جسور ماعرفناش فينهم و كولشي متوتر
خلود: بالعكس خصكم تكونو مرتاحين لأن عشق سمعت عليها عمرها خسرات فشي قضية
نيار: (تنهد) عندك الحق (كيفاش يشرح ليها بلي قضيتها مع جسور )
خلود: انمشي للمختبر نتعرف على كل حاجا فين كاينة
نيار: (ابتاسم ليها) خودي راحتك ابنتي
….مشات خلود و رجع نيار كيقلب مع قصي و صخر على مكان القط و الفأر...و ف المغرب و بعيدا على صداع و المشاكيل وصل ليل لي فيه الموعد بين مانفال و نزار هاد الاخير لي شي ساعتاين كيتسناها لتحت لابس و مقاد خاصو غير هي ...تعطلات عليه و طلع عندها لبيتها بقا كيدق مكتجاوبوش...تخلع عليها و فتح الباب باش يتبلوكا بيها ناعسة بلبينوار و حنيكاتها مزنكين بدوش و ذاتها بيضة رجيلاتها صغيورين و حومر من لتحت...دخل و جلس حداها كيشوف فيها و مبتاسم...متقلقش حيت نعسات أبدا شوفتو فيها و هي ناعسة احسن من الف خرجة هو غير يبقا حداها باراكا عليه...حط يدو على وجهها كيبعد خصلات من شعرها و نزل بابهامو لشفايفها كيتحسسهم….مشا بالو بعيد معاها و دغيا نفض افكارو المنحرفة و حط يدو على كتفها كيزعزعها
نزار: مانفال...مانفال
مانفال:(حلات عويناتها ذابلين بنعاس كتشوف فيه و كتكسل) واش طاري
نزار: ههه صباح الخير واش نسيتي بلي كنا انخرجو
مانفال: ها نزار (تهزات) نسيييت سمحلي
نزار: ماشي مشكل رجعي نعسي ترتاحي حتى لغدا
مانفال: لا بغيت نخرج
نزار: لبسي حوايجك
مانفال:(نزلات راسها و شافت راسها بلبينوار و هي تغوت) ويليييي ويلي درك وجهك سير خرج عيييييب
نزار:(قفزاتو) تهدني مالك
مانفال: وااا خرج
نزار:(ناض كيضحك عليها وصل حتى لباب و ضار عندها) نتي منين كتشوفيني بلفوطة خارج من دوش ماشي عيب ولكن انا نشوفك بلبينوار عيب ههههه حمقة (خرج و خلاها مبلقة عينيها فيه و مزنكة لكن هادشي مامنعهاش ضحك على راسها)
....
كيجاتكم خلود
أنت تقرأ
امرأة تدخن الرجال 🚬مكتملة🚬
Roman d'amour💎مكتملة💎 ❌حصرية على الواتباد ❌ العنوان: امــــــــــــــرأة تدخن الرجال 🚬الجزء الثاني لقصة تيريزا الكاتبة : سكينة سليماني ☠الملقبة ب تيريزا 🥀 الجزء الاول : تيريزا عن الكاتبة : كانت تقيس حبّه لها بالسجائر التي لا ي...