إمرأة تدخن الرجال 🚬
سكينة سليماني
البارت 48:
صبح صباح جديد، فاق مالقاهاش حداه ناض دخل لطواليط و خرج بدل حوايجو و بقا كيضور فلفيلا و كيعيط ليها و مالقاهاش من بعد خرج و مشا للمركز اما هي كانت سبقاتو ناوية على خزيت و مايهنا ليها لبال حتى تسل الشعرة من لعجينة، مشات ديريكت للبيرو ديال لميس حلات لباب و دخلات و هاد الاخيرة ناضت من الكرسيلميس: صباح الخير
عشق:(كطلعها و تهبطها) شكون نتي ؟
لميس: انا لميس عميلة سرية جيت من المغرب و ماعنديش عائلتي
عشق: (ابتاسمات) السجل ديالك كيقول بلي عندك اسرة متكونة من اب و أم و نتي
لميس:(كتبلع ريقها) وي وي هادوك غير مربييني
عشق: اوك (قربات عندها) ديابلا كتحصل الكداب من عينيه و انا مكنبغيش لي يكدب عليا
لميس: انا ماااكنكدبش
عشق: كتكدبي و غايتك حاجا اخرى لكن تفكري (قجاتها و لسقاتها مع الحيط) واحد نهار غادي تغلطي و غادي تلقايني انا قدامك و مانحتاجش نقوليك شنو كيتسناك
لميس:(كتفركل و كتخنق) طلق..طلقي..ع..فاك
عشق: (قبل ماطلقها همسات ليها فوذنها) و هاداك لي صافطك نهايتو اتكون على يدي (طلقاتها و طاحت فالارض كتكح و هي تحنى عندها) و حاجا أخرى نشوفك كضوري على حاجتي انعريك و نفرج فيك عباد الله كتفهمي؟ (لميس كترجف و كتحرك ليها راسها ب آه) غود
خرجات من لبيرو ديالها و لميس بسرعة هزات تيليفونها كتصوني على تايغر لي غير شاف نمرتها جاوب
تايغر: شنو كاين؟
لميس: هادي راه مريييضة غادي تقتلني
تايغر: عرفات شيحاجا؟
لميس: لا ولكن راه شاكا فيااا
تايغر: ركزي على خدمتك و على جسور مانبغي حتى غلط (قطع)
….منبعد ماخرجات من عند لميس لي هدداتها مشات للبيرو ديالها و خدات قرعة من صاكها ديال الاسيد، خرجات و توجهات ل بيرو ديال جسور لي كان عاد كيف وصل
جسور: مشيت للبيرو ديالك مالقيتكش
عشق: كنت عندك لميس
جسور: علاه؟
عشق:(ابتسامة شيطانية) كنتعرف عليها
جسور: شنو ديك القرعة فيدك
عشق: هادا الاسيد
جسور: شنو بغيتيه
عشق:(حلات لقرعة و خواتها ليه على يدو) ها علاش بغيتها
جسور:(ناض من الكرسي و شاد فيدو لي بدات كتآكل و كتكيح و داير تعابير الم) وااااش مريييضة فعقلك
أنت تقرأ
امرأة تدخن الرجال 🚬مكتملة🚬
Romance💎مكتملة💎 ❌حصرية على الواتباد ❌ العنوان: امــــــــــــــرأة تدخن الرجال 🚬الجزء الثاني لقصة تيريزا الكاتبة : سكينة سليماني ☠الملقبة ب تيريزا 🥀 الجزء الاول : تيريزا عن الكاتبة : كانت تقيس حبّه لها بالسجائر التي لا ي...