إمرأة تدخن الرجال 🚬
سكينة سليماني
البارت 16:
...رجع عندها نزار و جلس حداها ...جبد كارو و شعلو كيكمي
عشق: كيحسابني مشيتي
نزار: حطيت الطابلو فكوفر طوموبيل و رجعت
عشق: نتفرجو لشي فيلم
نزار: جيت نهضر معاك ماشي باش نتفرجو لشي فيلم
عشق:(مشات زادت كأس ليها) فاش نهضرو
نزار: شنو بينك و بين جسور
عشق:(ضارت عندو كترشف من كاسها) شنو لي خلاك تقول بلي بيناتنا شيحاجا
نزار: نتي ماشي من نوع لي كتعاودي شنو فقلبك و لكن انا كاين كنسمع ليك
عشق: فالوقت لي كنت بغيت نعاود ماكان حتى كيسمع ليا و فاش تعلمت نخبع كولشي فقلبي جيتي كتقولي نعاودلك
نزار: حيت انا ماعارفش مالك
عشق: كنتي صغير
نزار: ماتعاملينيش على اساس انني باقي صغير
عشق: شوف بيني و بين جسور الحقد و الكره
نزار: غادي ندمو على شنو دار فيك
عشق: لا ماتدخلش نتا عندك مستقبل كبير كيتسناك
نزار: غدا ايرجع بابا و ماما
عشق: و الكادو لي ايعطيوك هو توقع العقد باش تاخد الشركات
نزار: ماحاملش راسي
عشق: (عنقاتو) كولشي ايكون مزيان
نزار: بالنسبة ل لمافيا ديال تايغر بغيت نعاونكم
عشق: لا
نزار: و علاش لا
عشق: ماغاديش ندخلك فالمشاكيل
نزار: غادي نعاونكم من بعيد حتى واحد مايعرف
عشق: الى درتي خطأ صغير غادي يوصلو ليك و انا ميمكنش نعرض حياتك للخطر
نزار: كتشكي فخدمتي ههه
عشق: عارفاك كتختارق اي نظام تحط قدامك و هادشي مافخبارش نيار
نزار: و هادا السر ديالنا صغير (غمزها)
عشق: الى حتاجيت مساعدتك غادي نجي عندك
نزار: هههه مرحبا يالاه انمشي
عشق: تصبح على خير
نزار: اجي غدا بكري راك عارفة
عشق: وي غدا ايجيو واليدينا و اتبدا الحرب تاني
نزار: ماعندهم مايصورو منك
عشق: ههه تلاح البرهوش
سدات الباب موراه و مشات نعسات باش تشرق شمس الصباح و يبداو احداث مختالفة...فاقت دخلات دوشات و خرجات لبسات سروال دجين و ديباردور بيض و طلقات شعرها ...توجهات لطوموبيلتها و ماوقفات حتى للقصر...غير دخلات كولشي شاف فيها و ملامح باها و مها مكيبشروش بلخير
عشق: بدينا مرة أخرى
سارة: (ناضت عندها معصبة صرفقاتها) رجعيهالي رجعييييها
عشق:(كتشوف فيها بدون حركة) هجمتي بلا ماتسمعي مني
سارة:(زادت ليها تصرفيقة) قد مك و هزيتي عليها يديك
عشق: و هي شنو دارت؟ سبات راجلك
سارة: بااااراكا من لكدوووب
عشق: أنا مكنكدبش و كانت معانا أماني
نيار: (شاف ف أماني) هضري شنو كاين
أماني:(شافت ف شيماء لي كترجاها بعينيها و اكراها منها هضرات) هوما تناقشو و عشق عايرات جسور و شيماء ماصبراتش و صرفقاتها و عشق رجعاتلها تصرفيقة
عشق: غيييير هادشي؟
أماني: غير هادشي
عشق: كتكدبي هي قالت على نيار زا_ل
سارة: لهاد الدرجة وصلتي فالحقارة؟
جسور: الوليدة ماعايراتش عمي نيار هي كتعتابرو خوها
عشق: أنا مكنكدبش أماني هي لي كتكدب (شافت ف مها) جسور ضربني صحتي كاملها زرقة واش مكتشوفيش وجهي كيف زرق
سارة: (طلعاتها و هبطاتها) مابانلي فيك والو و منين ماقتلكش عندك زهر
نزار: واااااش كتهضري منيتك اماما راه كون تشوفي الحالة لي رجعها فيها
سارة: مابقييييتش انتعاطف معاها كثر من لقيااااس حيت ضسرات و نتا انزار كون كنتي بلاصت جسور ادير بحالو
قصي: صافي سدو علينا هاد الموضوع انا تسنيتك انيار تجي و مابغيتش نتصرف من راسي
جسور: و عشق تمادات و خصها تعتاذر للوليدة
عشق: ماغاديش نعتاذر على شيحاجا انا بوحدي لي مذنبة فييييها
نيار: بارااااكا (قرب من عشق كيشوف فيها بغضب )
عشق: (كتأكد عليه بعينيها) انا مكنكدبش…
نيار: (ابتاسملها) عارفك مكتكدبيش
سارة: شنووو؟
نيار: عشق مكتكدبش كنعرفها من عينيها فاش كتكدب
جسور: بغيتي تقول بلي الوليدة عايراتك؟
نيار: ماقلتش هادشي يمكن وقع سوء تفاهم و شيماء عايراتني بلا ماتقصد
قصي: نياااار لي كتهضر عليها مرااااتي
نيار: و هادي لي مضورينها بيناتكم رآها بنتي و انا تايق فيها
قصي: بنتك مامربياش مدات يديها على مرا قد مها و زايداها بلكدوب
نيار: مابغيتش نوصلو لهاد الهضرة اقصي خليني كنحتارمك
قصي: لاااا فاش كيتعلق الامر ب مراتي منعقل على حتى واحد فيكم
نيار: و شكون شاااادك دير لي عجبك
أماني: اويلي مالكم كتدابزو على شيحاجا ماعندها حتى معنى
عشق: لا عندهاااا و كدوبك عندو معنى
جسور: نتي لي كداااابة و باااغااا تخاصمي الصحاب
عشق: مك لي كدابة
جسور:(قرب عندها بسرعة و كون ماشي نزار كان غادي يضربها) ماتجبدي مي على لساااانك الموسخة
سارة: نيار تهدن نتا عارف عشق كيف دايرة واش غادي تكدبنا كاملين على قبلها
نيار: عشق كنعرفها فاش كتكدب ماتجيش من جيييهت صاحبتك
قصي: على الاقل هي عارفة صاحبتها على حق ماشي بحالك
أماني:(جرات شيماء و مشاو للبيت) شفتييييييي فييين وصلوووونا كدوبك
شيماء:(كترجف) ماعرفتش واش غادي نوصلو لهادشي
أماني: فكري معايا فشي حل ماخاصش يتخاصمو
…..
قصي: جسور سير جمع حوايجك و قول ل ماماك تجمع حوايجها غادي نخويو هاد القصر
سارة: قصي عفاك غير بشوية عليك هاد الدار ديالك حتى نتا نسيتي بلي شريتي نص فيها
قصي: مابقيتش بغيت نجلس فيها خليتها ليكم
جسور مشا لعند مو و لقا معاها أماني و حبس كيسمع ليهم
شيماء: مابغيتش شي مشكلة توقع بسبابي
أماني: المشكلة راه وقعااااات و دخلتيني فهاد اللعبة لي اتجيبنا المشاكيل
شيماء: شنووو نديرو
اماني: انمشي نقوليهم الحق ماغاديش نخلي صحاب يدابزو
شيماء:(شداتها) لا أماني ماتقولي والو الى عرف جسور و قصي ايكرهوني
أماني: على قبل جسور كدبت باش مايكرهكش ولدك ولكن الامور تعقدااات
شيماء: هاديك غير عشق ماشي شيوحدة تستاهل تنقذيها و حتى هي عايراتلي ولدي
أماني: كدبت و انا كنشوف ف عينيها حرام عليك
شيماء: عفاك ماتقولي وااالو
جسور:(رجع جوج خطوات لور مغمض عينيه بعصبية و حسرة ماحملش يتحط فهاد لبلان و يعرف بلي مو كدبات و خلات باه و نيار يتخاصمو و الاسوء من هادشي انه ظلم عشق...ضرب الضورة باغي يصلح الغلط لي دارت مو ووقف كيشوف نيار و قصي كيدابزو) الوليد ….
قصي: جمعتو حوايجكم صافي ؟
عشق:(كتشوف فالأرض بكره و ماحاملاش راسها نطقات بالغوات) كنت كنكدب شيماااااء ماعااايراااااتش بابا انا كدبت حيت مالقيت حتى حل اخر نفك راااسي سمحو ليا جبدت صداع بيناتكم (قالت هضرتها و خرجات من لقصر هربات)
جسور:(متبع ليها لعين بصدمة و تكبو عليه الأسئلة أبرزهم علاش رجعات راسها غالطة ...تحرك موراها كيجري و كيعيطلها) عشق...
….دغيا دخلات لطوموبيل و كسيرات خلات جسور موراها ماقدرش يلحقها و رجع دخل للدار
جسور: الوليد بغيت نهضر معاك
قصي: ماشي وقت لهضرة دابا خص نمشيو
نيار: قصي ماديرش عقلك فعقل دراري صغار و نتا عارف عشق
قصي: تيقتيها و كذبتينا كاملين هاهي حطاتك بوجهك
جسور: الولييييد بغييييت نهضر معاك (جرو لبرا)
قصي: شنوو
جسور:(كيحك راسو) عشق مكانتش كتكدب
قصي: واااش بعقلك عاد دابا قالت قدامنا بلي كدبات
جسور: سمعت الوليدة و عمتي أماني كيهضرو و تصدمت
قصي: شيماء و أماني كدبو ؟
جسور: مابغيتك تقول لواليدة والو تصرف عادي هي كانت خايفة نعرفو و نلوموها
قصي: هااااادشي لي دارت شيمااااء خايب كانت كتشوفنا انا و نيار كندابزو و سكتات و فالمقابل عشق رجعات عليها كولشي
جسور: دخل تصالح مع عمي نيار و خلي الموضوع بيناتنا
قصي: و عشق؟
جسور: انمشي عندها نفهم علاش دارت هاكا و نطلب سماحة
قصي: (حط يدو على كتفو) سير
….مشا جسور و توجه قصي عند نيار ب نظرات الذنب و الخجل منو
سارة: (قربات من قصي) عفاكم ماتمشيوش
قصي: ماغاديش نمشيو
نيار:(قرب منو عنقو و همسلو فوذنو) الخطأ كيوقع نسا الموضوع
قصي:(بادلو العناق) سمحلي
نيار: نتا خويا ماتنساش هادشي
أماني:(خرجات هي و شيماء عندهم) نيار قصي
سارة: اوووف ماغاديش تمشيو (قربات عند شيماء) عشق عتارفات بلي كدبات
شيماء: عتارفات؟
أماني: كيفاش
نيار: سدو علينا هاد الموضوع
شفق:(كانت كتبكي منين بدا النقاش و غير تحل الموضوع رجعات كضحك و مشات عند شيماء) كنت خايفة تمشيو
شيماء: (حطات يدها على رأس شفق) حنا عائلة و انبقاو مجموعين
نزار: و عشق؟ ماشي وحدة من العائلة
نيار: نزار سكت
نزار:(غوت) نتااااا عاااارفها مكتكدبش
نيار: بدل ساعة بأخرى (خنزر فيه و غوت) خرج
نزار:(شاف فيهم واحد واحد و خرج معصب )
قصي:(كيخنزر ف شيماء و أشارلها ب راسو تبعو للبيت ...دخلو و ضار عندها معصب) علاش كدبتي ماااااشي هادي شيماء لي كنعرف
شيماء:(كترجف) مفهمتش علاياش كتهضر
قصي: نتي عارفة علاش كنهضر جسور سمعكم نتي و أماني و عرفتي شنو قاليا؟
شيماء: سمعنا؟ جسور سمعنا؟
قصي: قاليا ماتقولهاش للوليدة ولكن انا مكنسكتش على الغلط
شيماء:(طاحولها دموع من عينيها) انا مقصدتش
قصي: كنتي كتشوفيني انا و نيار كنتخاصمو و مادرتي والو
شيماء: ديك الهضرة على نيار خرجات مني فلحظة غضب إهئ اهئ والله ماقصدت و خفت ينوضو المشاكيل و تقلق مني نتا و جسور
قصي: نيار راه خويا ماغادي نقبل تقولي فحقو حتى كلمة د لعيب واخا تكوني معصبة و التصرف ديالك ليوم بين بلي عشق قيمتها كبيرة عليك و بزاف
شيماء: اصلا كووولشي بسبااابها (مسحات دموعها) شفتك كدافع عليها و هي ضرباتني و طيحاتني من دروج
قصي:(قرب منها معصب) او ولدك شنو دار؟ شدها و ضربها و ماخلا فيها غير لي نسا او واخا هكك نيار ماغوتش عليه
شيماء: اه كنعتارف بلي غلطت ولكن والله حتى كنت خايفة نخسر جسور
قصي: (شدها من كتافها) شيماء نتي عمرك ظلمتي شيواحد بقاي كيما عرفتك و ماغاديش نقولك شنو ديري حيت راك عارفة
….خرج قصي و بقات شيماء فلبيت كتبكي….و فجأة أخرى كانت عشق يالاه وصلات للبرطمة ديالها دخلات و لقات ارتورو كيتسناها و معاه مانفال مكتفا و سادين ليها و كتبكي
عشق: ( قربات منها كتشوف فيها ) تقدر دخلها للقصر؟
أرتورو:(شاف فيها) معصبة؟
عشق: (غمضات عينيها و حلاتهم) مافيا لي يهضر (سمعات صونيت ف الباب و شافت عند ارتورو) دخلها لبيت نعاس سربي (تأكدات بلي دخلو و حلات الباب بقات مبلوكيا كتشوف فيه )
جسور:(قرب منها و السؤال باين فعينيه) علاش (كيتحرك لعندها و هي كترجع لور حتى سمعاتو سد الباب عاد فاقت من شرودها )
عشق: عادي ماشي اول مرة
جسور:(شدها من يدها) بغيت جواب
عشق: طلق من يدي
جسور: مانطلقك حتى تقوليلي علاش
عشق:(كتشوف فالبيت لي فيها ارتورو و مانفال و كترجع تشوف فيه) سير بحالك
جسور: ماغاديش نمشي حتى ناخد جوابي
عشق: شتي انا عيييت منكم كلكم كظلموووني و كترجعوني انا الخايبة مابقيتش بغيت نشوف حتى شيواحد فيكم خليت ليكم القصر عيشو مرتاحين
جسور: أنا عرفت الحقيقة و عرفت بلي نتي مكنتيش كتكدبي
عشق: و منبعد؟ متبدل والو
جسور: عرفت بلي عندك قلب زوين
عشق: لا نتا غالط
جسور:(قرب منها ) قوليلي اذن علاش هزيتي التهمة و ماتكدبيش عليا
عشق:(كتشوف ف عينيه) حيت مابغيتكش تخرج من دار بغيتك تبقا ساكن معايا تحت سقف واحد
جسور:(كيشوف ف عينيها و ضرباتو اللقوة من كلامها كيقول مع راسو وااايلي واش عشق القاسحة كتقول هاد الهضرة مينكرش تزعزعات فيه شيحاجا لداخل قلبو كيضرب..من بعد دقيقة صمت عاود نطق) شنو انا بالنسبة ليك
عشق:(ابتاسمات) التحدي لي خاص نربحو
جسور: ماعرفتش انا اشمن نوع ديال التحدي بالنسبة ليك لكن بديتي كتربحي فعلا
ضحكات و هبطات راسها ... رجعات شعر مور وذنها
جسور:(هزلها راسها عندو بجوج صبعان و باقي كيشوف فيها بعينين مضيقين) تمشي معايا؟
عشق: فين ؟
جسور: لواحد لبلاصة عتابريها اعتذار مني
عشق: ميمكنش عندنا مهمة خصنا نبداوها
جسور: ماغاديش نتعطلو كنطلب منك نهار واحد
عشق: اوك ولكن حتى يفوت عيد ميلاد نزار
جسور: فوقاش عيد ميلادو
عشق: غدا
جسور: اتكون شي حفلة؟
عشق: لا بغاها تكون غير بيناتنا
جسور: مزيان و اتجي هاد ليل لقصر
عشق: مكنظنش بلي فكرة زوينة نجي خلي حتى يتهدنو الأوضاع
جسور: لا غادي تجي
عشق: مكنواعدكش
جسور: (باسها ف حنكها بالزربة ) متأكد اتجي و انتسناك (مشا خرج و خلاها واقفة بلاصتها حتى سمعات صوتو)
أرتورو: اممم الحب بدا كيدخل لقلبك ولا كيبان ليا
عشق:(ابتاسمات) كيبان ليا الخطة بدأت كتنجح ههه (ضارت عندو ) وحدة بحالي كظن بلي أطيح فالحب شي نهار؟
أرتورو: ماشي نتي و لكن هو
عشق: طال زمان و لا قصار كان ايطيح فشباكي
أرتورو: شنو فاتني؟
عشق: فاتك بزاف ديال التشويق
أرتورو: منين جيت و مالقيتوش ميت اذن مافوت والو
عشق: قريب يموت و فهاد المهمة لي أنديرو انا و ياه (جمعات القبضة ديال يدها) حلفت انقتلو و الديابلا كتوفي بوعدها
أرتورو: منين انرجع عندك اتعاوديلي كولشي
عشق:(شافت ف مانفال) هادا اجمل كاضو لنزار (أشارت ليه براسها) ديها للقصر و عنداك اشوفك شيواحد حطها فبيتي و تأكد من انها مربوطة مزيان باش ماتهربش
أرتورو: كيما بغيتي ..
أنت تقرأ
امرأة تدخن الرجال 🚬مكتملة🚬
Romance💎مكتملة💎 ❌حصرية على الواتباد ❌ العنوان: امــــــــــــــرأة تدخن الرجال 🚬الجزء الثاني لقصة تيريزا الكاتبة : سكينة سليماني ☠الملقبة ب تيريزا 🥀 الجزء الاول : تيريزا عن الكاتبة : كانت تقيس حبّه لها بالسجائر التي لا ي...
