إمرأة تدخن الرجال 🚬
سكينة سليماني
الفصل الرابع: جنون بلا حد (السر المازوخي ) 🍷🗝
البارت 114
جات سرباية حطات لنيروز مشروب و حطات لعشق عصير ليمون و عطاوها الطلبية ديالهم على شنو بغاو ياكلو و مشات و بقات عشق كتشوف ف لبحر مع ابتسامة خفيفة تحت نظرات نيروز لي كيرشف من كاسو حتى ناضت من بلاصتها و هو متبع ليها لعين ، مشات قربات و شدات فلحديدات د لباطو و ريح كيضرب فشعرها، ناض تبعها ووقف حداهانيروز: فيك لبرد؟
عشق:(حركاتلو راسها ب لا)
نيروز: (شافها ساهية) فاش كتفكري ؟
عشق: حتى حاجا (هزات كتافها) عجبني لجو
نيروز: نقدرو نبقاو هنا الى بغيتي
عشق: (شاف ف عينيه) بصح؟
نيروز: (حركلها راسو ب أه)
عشق: تبدلتي
نيروز: كيفاش؟
عشق: من قبل كنتي كتعامل معايا خايب
نيروز: عمرني تعاملت معاك خايب من غير الى عصبتيني
عشق: من حسن الحظ ماغانبقاوش مزوجين ديما
نيروز: زواج مني خايب لهاد الدرجة؟
عشق: كنظن صعيب بنت بحالي ترضخ و صعيب راجل بحالك يطيح فشبكة دغيا
نيروز: شنو أديري مور طلاق؟
عشق: أنفضي شي حسابات و أنرتب حياتي من اول و جديد و نمشي لبلاصة بعيدة نكون فيها غير انا وولدي
نيروز: شنو اتخدمي؟
عشق: مكنعرفش ندير شي خدمة من غير نكون فالمخابرات ولكن منين تقصيت من خدمتي أنعيش على الاملاك لي عندي
نيروز: بقاي مع عائلتك
عشق: عائلتي هي ولدي (حطات يديها على كرشها)
نيروز: (ضار شاف ف لماكلة تحطات) نتعشاو؟
زادت و تبعها جلسات بلاصتها و حتى هو و بداو كياكلو
نيروز: اشمن شهر عندك؟
عشق: الثامن
نيروز:(طلع حاجبو) بهاد السرعة؟؟ ولكن كرشك ماكبيراش
عشق: عندي حمل غزالي مكتبانش لكرش بزاف و كتجيني ليغيكل
نيروز: اول مرة نسمع بيه
عشق: معلومة جديدة باش الى كانت مراتك بحالي تكون عندك فكرة مسبقة
نيروز: مراتي (سها ف كاسو)
عشق: شنو لي خلا نيروز فارس باقي مايتزوج حتى لدابا؟
نيروز: مالقيتش لي توافق على شروطي
عشق: شروطك بحال الاحترام و تسمع لهضرة؟
نيروز:(ابتاسم) More than you think
أنت تقرأ
امرأة تدخن الرجال 🚬مكتملة🚬
Romance💎مكتملة💎 ❌حصرية على الواتباد ❌ العنوان: امــــــــــــــرأة تدخن الرجال 🚬الجزء الثاني لقصة تيريزا الكاتبة : سكينة سليماني ☠الملقبة ب تيريزا 🥀 الجزء الاول : تيريزا عن الكاتبة : كانت تقيس حبّه لها بالسجائر التي لا ي...