إمرأة تدخن الرجال 🚬
سكينة سليماني
البارت 18:
صبح صباح جديد فالخدمة جالسين فالمركز كل م عشق و جسور و كمال كيدرسو الخطة لي دايرين و كيحاولو مايفلتو حتى خيط ممكن يوصلهم للتايغر
عشق: اول حاجا خصنا نديرو هي نوصلو للموتشو
جسور: فين انلقاوه منبعد ما هرب منا؟
عشق: هو الوحيد لي ايوصلنا ل هيام
كمال: واخا يكون تحت الارض نجبدو
عشق: ماشي تحت الأرض أيكون غير فوقها (شعلات كارو كتنفث الدخان) سمعت بلي كاينة عملية ديال تهريب الكوكايين من فالحدود التركية
جسور: امتى؟
عشق: من بعد يوماين
كمال: منين جبتي هاد لخبار
عشق: ماشي غير نتوما لي عندكم جواسيس فالمخابرات حتى حنا عندنا جواسيس فالمافيا
كمال:(ابتاسم) مابقيتش فالمافيا
عشق: اممم
جسور: فين هو صاحبك
كمال: مكيعجبوش يحضر لبحال هادشي
جسور: شنو السبب
كمال: وقعلو بحالي خطفولو ولدو و قتلوه و مراتو نتاحرات
عشق: غادي نلقاو هيام ماتخافش
كمال: (مسح وجهو بتعب) خايف عليها بزاف عمرها فارقاتني انا لي ربيتها منين تولدات (زير القبضة ديال يدو) الى آذاو شعرة منها انقتلهم ماغاديش نرحمهم
عشق: و ماماها فينها؟
كمال: منين ولداتها سمحات فيها
عشق: ماتستاهلكمش
كمال: كنت بغيت غير بنتي و هي ماكانتش كتجمعني بيها شي علاقة
جسور: كانت عاهرة من لخر
كمال: سي
عشق: نرجعو للخطة منهنا يوماين انشدو موتشو ف الحدود التركية
جسور:(كيصوني على صخر) صخر مكيجاوبش
عشق: منين تلاقا بيه و شرحلو الخطة (ناضت )
كمال: عشق (تبعها وقفها) بغيت نشكرك مرة أخرى
عشق: هادا واجب
كمال: بغيت نعرضك ليوم لعشا الى بغيتي
جسور:(جا حداهم) ماتخلطوش الخدمة مع اللعب
عشق: (ابتاسمات ل كمال) فاش نلقاو هيام انخرجو بثلاثة
جسور:(جبد فيها عينيه) اييه
كمال: انعتابرو وعد
عشق: و الديابلا مكتخالفش وعودها (ضارت و خرجات من تماك مشات للبيرو ديالها حتى كتسمع لباب تزدح و ضارت)
جسور: شفتك غير كتشتتي فالوعود
عشق: و نتا مالك؟
جسور: ماماليش (ربع يدو ) مانسيتيش شيحاجا
عشق: مانسيتش بلي اتديني لشي بلاصة
جسور: جمعتي حوايجك
عشق: راه غير نهار واحد
جسور: انمشيو لليخت ديالي
عشق: اممم هادي تستاهل نمشي نجمع حوايج لبحر
…..كانت كتستاعد تفيق ، شمس ضاربة فوجها فاقت راسها كيضرها و مخربقة سيفتها لقات راسها باقا بحوايجها ديال لبارح و هو قدامها كيشوف فيها ماكرهش يقجها
هبة: فييين انا و شنووو كندير هنا (ناضت )
صخر: تحركي نوصلك لداركم
هبة: ماااغادي نتحرك حتى تقولي شنو كندييير هناااا
صخر:(ضار عندها شدلها الفك ديالها و غوت فوجهها و عينيه لخوضر رجعو حومر ) مااااااانسمعش صووووتك
هبة: (دفعاتو عليها ) مااااتحطش يدك علياااا
صخر: اه كان خاصني نخليه هو لي يحط يديه عليك
هبة: علايااااش كتهضر
صخر: عمرني شفت شيوحدة مكلخة قدك لبارح ماشيا معاه تتعشاي
هبة: ماشي سوقك حياتي هادي ولا بقا فيك لحال حيت خرجت مع باك
صخر: نتي غير برهوشة و ساهل يتضحك عليك
هبة : اوا منين اناااا برهوووشة لاش لاسق فيا
صخر: بقيتي فيا مابغيتش يوقع ليك كيما وقع لخواتاتك
هبة: النصائح ديالك خليهم ليك (ربعات يديها) شنو كنتوقع من واحد كيضحك على لبنات
صخر: (تنهد) كون غير خليتو يكويك لبارح
هبة: باااغدون؟ اش هاد المصطلحات ديال زنقة احتارم راسك
صخر: نتيييي (وجه ليها صبعو) نتي حتارمي راسك و بعدي على راجل قد باك قبل مايصدق معدي عليك و لايحك
هبة: نتا لي كتعداااا على لبنات ماشي
صخر: شوفي ماعرفتش شنو قالك الوليد عليا ولكن لي عارفو كون ماوصلتش عندك لبارح فالوقت كان غادي يتعدا عليك
هبة: مافهمتش من صبااااح و نتا كتقول يتعدا عليا واش جاتك لغيرة
صخر: مااااال مك مكلخة (رفع صوتو) لبارح حطلك منوم فداكشي لي اتشربي باش يغتاصبك و صباح منين تفيقي يقولك دازت ليلة زوينة و يرميك و نتي ماتقدري تقولي والو حيت ايكون صورك عريانة و ايهددك الى هضرتي
هبة: (انتابها القلق) نتا كتكدب
صخر:(جهلاتو) كوووون كنت كنكدب ماكنتيش اتفقدي الوعي بلا سبب
هبة: منين نتاااا عارف هادشي كاملو علاش ماوقفتيش باك عند حدو
صخر: كنحاول نبعد على طريقو قد ماقديت
هبة:(شافت ف ساعتها) جوووج هاااادي
صخر:(رما عليها الفيست ديالو) زيدي نوصلك
….خرجات هي و ياه و ركبات بلا متهضر و مازال كتفكر ف هادشي لي وقع ليها ماحسات براسها حتى وصلات للقصر...و دخلو بجوج حتى كيتصدمو ب محسن جالس حدا اماني غير شافو هبة ناضو بجوج عندها
أماني: شنوووو كيحسااابلك راسك فين ديتي بنتي (كتفقد بنتها ) نتي بيخير
صخر: (كيشوف ف باه ) و مازال عندك لوجه لي تجي بيه
محسن: هبة صافا؟
هبة:(كتشوف فيه بصدمة) انا بيخير
محسن: عاودت ليها لماماك بلي لبارح خديتك تعشاي معايا باش نشكرك و جا صخر خداك
صخر: بغيتي تقول نقذتها؟
أماني: فييين كنتووو
هبة: ماما منبعد و نعااااودلك
أماني: (كتخنزر ف صخر) مازال انتفاهمو على هادشي
صخر: فوقما بغيتي ( خرج)
أماني: تخلعت علييك هادي آخر مرة تعاودي تخرجي بلا خبااااري
محسن: (ناض ) كنت خايف نكون تسببت بشي مشكل
أماني: ميسيو محسن شكرأ بزاف
محسن: هادا واجب
هبة:(ناضت ) نقدر نهضر معاك
محسن:وي
هبة:(خرجات للجردة و تبعها و أماني ماعطاتش للأمر اهمية و مشات) بصح داكشي لي قال صخر؟
محسن: قال ليك كندير منوم للبنات و كنتعدا عليهم و كنهددهم بتصاورهم
هبة: اه
محسن: و تيقتيه؟
هبة: بغيت نعرف الحقيقة
محسن: فنظرك واحد عرف بلي انتلاقاو نتعشاو واش مايكونش هو لي دار المنوم و ختالق القصة؟
هبة: هو لي دارو؟
محسن: هبة قلتلك بلي علاقتي مع ولدي ماشي مزيانة يعني ايدير اي حاجا باش يرجعني خايب
هبة: بالطبع اووف شحال حمقة و تيقتو
محسن: اه تيقتيه و كذبتيني
هبة: لا انا مقصدتش نكذبك
محسن: ولكن درتيها و آذيتيني و هنتيني فرجولتي و عمري و مكانتي
هبة: محسن سمحلي بزاااف
محسن: ماتوهمينيش بأحاسيس ماكاينينش عرفتي حتى بديت كنحس بلي قلبي كيضرب من جديد منين ماتت مراتي و نتي تفيقيني من هاد الحلم
هبة: شنو ندير باش تسمحلي انا مقصدتش
محسن:(كيمثل عليها تعابير الحزن) لبارح قلبت دنيا كاملها عليك كنت خايف نخسرك
هبة : و هاني قداامك
محسن: عمرني تخيلت فحياتي انرجع نقول هاد الهضرة و يمكن خصنا نحبسو هنا أنا ماشي قدك و فارق العمر لي بيناتنا غادي يجيب لينا المشاكيل
هبة: لااا انا مرتاحة معاك و مكيهمنيش شيواحد اخر
محسن: هاد الاحساس لي كنحسو من جيهتك و زيد عليها انا كبير عليك أيجيبلك المشاكيل
هبة: الى كنت معاااك أنحلوهم بجوج
محسن: اذن بغيتك تحددي شنو نوع علاقتنا حيت منقدرش نكمل بحال هاكا
هبة: شنو ندير؟
محسن: بيني ليا بلي باغاني كيف ما انا باغيك (ابتاسم ليها) تهلاي فراسك (خرج و خلاها واقفة تماك قلبها كينغزها ماعجبهاش لحال منين تقلق منها و كرهات صخر من اعماق قلبها منين دارليها المشاكيل ...تمشات لبيتها كتجر رجليها و تلاقات مع أماني )
هبة: ماما عفاك بلاتي و نهضرو
أماني: كيفاش بلاتي راه خصك تفهميني
هبة: عيانة و مافيا لي يهضر منبعد (دخلات لبيتها و سدات عليها لباب)
….فالبيت المجاور ليها لي فيه نزار كان فايق واقف متكي على الحيط كيشوف ف مانفال و كيتسناها تفيق بفارغ صبر...و بعد طول انتظار تكرمات عليه صاحبة الحسن و الجمال و ناضت كتفوه و تحك فعينيها بحال شي بريهيشة...بقات دقيقة كتشوف فيه و كيشوف فيها عاد استوعبات فين كاينة و بغات تغوت و هو يزرب عليها سدليها فمها بيديه
نزار: ششش اتشوهينا (حتى تأكد بلي ماغاديش تغوت و حيد يدو)
مانفال : طلك منيييي مااااانعرفكش (بداو عويناتها الكريستاليين كيعمرو بدموع)
نزار: ماااتبكيش هاني طلقت منك (كحز لور ) و هاني بعدت منك
مانفال : أنتم أشكوون؟ (ناضت)
نزار: (ناض) مفهمتكش شنو كتقولي هضري بوضوح باش نفهمك
مانفال:(حمرات فيه عينيها) لا
نزار: جلسي ترتاحي
مانفال: لخطيفة حرام أشنو بغيتو مني
نزار: (ناض ورا ليها الطابلو فاش مرسومة) نتي هادي؟
مانفال:(بقات كتشوف ف طابلو و رجعات بيها ذاكرتها لور نهار جاو سياح للصحرا و تلاقات برسام لي طلب منها يرسمها او وافقات) ماني كاع عارفة منو هو (ضارت عندو) الرسام مانعرفو
نزار: (حال فمو فيها مافهم حتى لعبة ) مافهمتش
مانفال: (جلسات فوق النموسية كتبكي) إهئ اهئ بغيت نكيس حق الوالد و الوالدة إهئ اهئ بغيت امييي
نزار:(حط اللوحة و جلس على ركابيه بقات فيه) ماتبكيش انا ماغاديش نضرك و لا نآذيك
مانفال: خودني عند أمي إهئ اهئ
نزار: (عطاها كلينيكس) وا غير ماتبكيش و نهضرو منبعد على واليديك
مانفال:(كتمسح دموعها) اللهجة الصحراوية صعبة خاصة الحسانية
نزار: نتي صحراوية اذن
مانفال: أعرف أتكلم بالمغربية باش تفهمني
نزار: (ابتاسم و كيشوف فيها شحال زوينة و عويناتها كريستاليين زورق و فمها غوز منفخ و كتحمق بزين بيضة شمعة و لي مزينها هو شعرها ) هاكا حسن
مانفال:(كتشوف فيه) نتا أحسن من دوك
نزار: شنو؟
مانفال: رجال لي جابوني كانو قباح
نزار: شنو داااروووليك؟ قوليلي انعاقبهم
مانفال: لا حشومة الله اسامح
نزار: و انا؟ كيجيتك
مانفال: نتا أحسن
نزار: منين شفتك فالرسمة عجبتيني بزاف و ختي كتجيبلي اي حاجا عجباتني و قلبات عليك و جابتك ليا
مانفال: أنا بغيت أمي أنا عمري فحياتي بعدت منهم (طاحولها دموع) خودني عندهم
نزار: بقاي معايا حتى انا ظريف و دغيا تولفيني و عائلتي ايعجبوك
مانفال:(كتحرك راسها بلا ) بغيت نروح
نزار: (كيتبرهش بحالها و كيدير نفس حركاتها) ولكن انا عجبتيني و عجبني شعرك و عينيك و نتي كلك عجبتيني
مانفال:(علقات ف عقلها ديك عجبني شعرك) عجبك شعري؟
نزار: اه زوين بزاف
مانفال: لا مازينش (ناضت) كاع طفيلات راسهم كحل و انا بوحدي راسي بيض
نزار: داكشي علاش عجبتيني حيت مختالفة
مانفال: أتاخدني عند أمي؟
نزار:(كيبغي ينسيها و كترجعلو لنفس الموضوع) شنو سميتك
مانفال: مانفال
نزار: و انا نزار (مدلها يدو)
مانفال:(خلاتو معلق) حشومة نسلمو على رجال
نزار:(جمع يدو) و لكن انا ماشي بحال رجال
مانفال:او بحالاش؟
نزار: لي بغيت نقولو هو انا غادي نتهلى فيك و ايعجبك لحال
مانفال: (هزات كتافها و دلات شنافتها) بغيت نروح عند أمي
نزار:(على شوية يضرب راسو مع الحيط) ليوم عيد ميلادي و كاينة حفلة صغيرة تهبطي معايا ليها؟
مانفال:(حمارو حنيكاتها) لا حشمت
نزار: مناش حشمتي؟
مانفال: واليديك
نزار: وليديا ظريفين اتهبطي و تعرفيهم
مانفال: الى نزلت معاك أتاخدني عند أمي
نزار: (تنهد) نديك عند أمك
مانفال: (ابتاسمات و بانو الغمازات ديالها) متافقين
نزار:(تبلوكا فيها داك شوية ديال لعقل لي عندو اطيروليه…حمقاتو ابتسامتها و الغمازات لي عندها) فيك جوع؟
مانفال: (حركاتلو راسها ب أه)
نزار:(مشا لفيكس و قال للخدامة طلعلو لغدا لبيتو...لحظات و جات عندو دقات و هو حبسها فالباب و دخل داكشي باش ماتشوفش مانفال و مشا حطولها قدامها) كولي
مانفال: شكرا (مدات يديها كتاكل بثقالة و هو جالس قبالتها حاضيها و كيشبع شوفتو فيها)
نزار: الى بغيتي الحمام هاهواك (اشارلها بيدو) و الى بغيتي تفرجي فشيحاجا نشعلك تلفازة
مانفال: شكرا
نزار: العفو (حط يديه تحت خدو و بقا كيتفرج فيها)
….فالشقة كانت جالسة مع ارتورو كتعاودلو شنو وقع فغيابو
عشق: مانسيتهالوش و مازال اندمو
ارتورو: خص عقابو يكون كبييير
عشق: موتو اتكون على يدي
ارتورو: موجدة ليه شيحاجا؟
عشق: منهنا يوماين فاش نلقيو القبض على موتشو فالحدود التركية غادي نتهنا من جسور
ارتورو: اديريلو فخ ؟
عشق: سي و انرجع نقول ليهم مات فالعملية
ارتورو: و هاكا ماغادي يشك فيك حتى واحد
عشق: تماما
ارتورو: بشنو تآمريني؟
عشق: حتى حاجا رتاح شوية (مشات لبيتها و كتهضر معاه بجهد) انجمع شوية من حوايجي
ارتورو: فين بغيتي تمشي
عشق: مع جسور لليخت
ارتورو: الراجل لي بغيتي تقتليه أتمشي معاه تفوجي
عشق: تيق بيا بغيتو يشوف وجهي و يحفظو قبل مايموت
ارتورو: ولا كيبقا فيا ههه
عشق: (جمعات صاك صغيور و خرجات عندو) متشوقة نشوف ردة فعل كل من كاين فالقصر فاش يعرفو بلي جسور مات ههه
ارتورو: اتكون صدمة ليهم
عشق: و فرحة كبيرة ليا
ارتورو: اتمشي للقصر
عشق: وي ليوم عيد ميلاد نزار
ارتورو: يالاه نوصلك
عشق: اووك
….خرجو من الشقة و توجهو للقصر لي كان فيه جسور ف بيتو كيجمع حتى هو صاكو و كيفكر فديابلا...سمع دقان فالباب
جسور: دخل
شيماء:(دخلات مبتاسمة) ولدي
جسور: وي الوليدة
شيماء:(عنقاتو) لباس عليك
جسور: الحمد لله و نتي كيبقيتي
شيماء: مزيان غير رجلي لي كضرني شوية
جسور: نمشيو للطبيب؟
شيماء: لا اولدي انا بيخير
جسور: اوا الحمد لله
شيماء: شفتك كتجمع صاك فين غادي
جسور: بغيت نمشي لليخت غدا
شيماء: اووه عندك يخت معامن اتمشي
جسور:(بارتباك) بوحدي
شيماء: و علاش اتمشي بوحدك
جسور: عندي خدمة صغيوة و بغيت نشوفو شحال هادي ماطليت عليه
شيماء: شنو بانلك تاخد شفق معاك
جسور: و شنو ادير شفق معااايا
شيماء: خرجها معاك تفوج شوية و رجعو
جسور: لا ماصالحش
شيماء: عفااااك اجسور
جسور: الوليدة والله ماصالح
شيماء: اصلاح خودها و رجعو عفاك على قبلي
جسور:(بقلة حيلة) واخا كيما بغيتي
شيماء: الله ارضي عليك هاني انمشي نقولهالها هه (خرجات من عندو و هو جلس كيضور فعينيه شنو ايقول لعشق دابا حصلة و اشمن حصلة ...دخلات شيماء عند شفق لبيتها بسرعة و مالاحظاتش بلي دازت من حدا عشق بلا ماتنتابه هاد الاخيرة لي قربات لبيت شفق كتسنط، دخلات شيماء عند شفق لقاتها كتمشط شعرها)
شيماء: بنتي شفق
شفق: اهلا خالتي
شيماء: نوضي جمعي حوايجك اتمشي مع جسور غدا لليخت
شفق: كيفاااش؟ امتى؟
شيماء: غدا عرفتو بلي غادي يمشي و قلتلو يديك معاه
شفق:(بخجل) انا؟
شيماء: اه نتي احم شفق قوليلي كيف كيجيك ولدي
شفق: كيف كيجيني زعما كيفاش؟
شيماء: واش كيعجبك؟
شفق: (حمارت) اويلي
شيماء: غير منين تزنكتي اذن كيعجبك ههه بصراحة مانلقاش ماحسن منك لولدي و ماكرهتكش ليه
شفق: (ابتاسمات) جسور تمناه الف وحدة
شيماء: واهو يتمناك غير نتي هه والله ابنتي جسور ايكون غير ليك
شفق: غدا انمشي معاه؟
شيماء: وي اتمشي معاه باش تقربو من بعضياتكم و تفاهمو و ان شاء الله غير ترجعو نسمع بلي ناويين تتزوجو هه
شفق: هه ان شاء الله اخالتي
شيماء: خليتلك الراحة دابا و هاني علمتك هه
عشق:(ضارت على وذنيها الهضرة كاملها و فعوض ماتعصب فرحات و بدات كضحك هادي هي الفرصة ديالها...زربات و بعدات على لباب قبل ما تشوفها شيماء ...شوية تزدحات مع نزار) بشوية عليك
نزار: ديزولي الزيونات (مشا كيجري دخل عند شفق)
...
أنت تقرأ
امرأة تدخن الرجال 🚬مكتملة🚬
Romansa💎مكتملة💎 ❌حصرية على الواتباد ❌ العنوان: امــــــــــــــرأة تدخن الرجال 🚬الجزء الثاني لقصة تيريزا الكاتبة : سكينة سليماني ☠الملقبة ب تيريزا 🥀 الجزء الاول : تيريزا عن الكاتبة : كانت تقيس حبّه لها بالسجائر التي لا ي...
