إمرأة تدخن الرجال 🚬
سكينة سليماني
الفصل الثالث: جنازة حفل الزفاف 💀🖤
البارت 87
في المغرب ...
شمس مضوية و لجو زوين ، داك لقصر لي بطابع روماني ماتبدلش هادي 20 عام رغم انه تحرق الا ان ماليه رجعو رمموه و قادوه، مدة و هو فطوموبيل بعينيه لخوضر كيشوف فقصرهم شفايفو الرقاق جمع بيهم لكارو و شعلو كيكميه و يدو الاخرى كيدوزها على لحيتو السوداء و قارم حجبانو، حنحن بصوتو الخشن و هبط شيفور بسرعة حلو لباب و نزل رما لكارو رغم انه مانترش منو بزاف، ملابس رسمية مطراسية على بنيتو الضخمة و المفتولة ، قاد لكول على عنقو لي فيه وشم تنين و دخل ببطء لقصرهم و كلما كيقرب كيبطء الخطوات و صوت صباطو عاطية نوع من الرعب فهاد الاجواء، إستقبلاتو بابتسامة و عينيها كيبريو بلفرحة لابسة كندورة مغربية و طالقة شعرهازمرد: ولدي
نيروز:(بتخنزيرة) لالة لعيالات (عنقها)
زمرد: طولتي لغيبة هاد لمرة و جيتي على غفلة
نيروز: (شاف فيها) جلست ساعتاين فطوموبيل باش تستري فضايح بنتك وولدك
زمرد:(جمعات الابتسامة و شدات فدراعو و كتلوك فلهضرة) لااا اولدي هوما مقابلين غير قرايتهم
نيروز:(كيهضر بنفس نبرتها) امم مزيان الوليدة لقراية كتكون فلبيران؟
زمرد : (بقلة حيلة) اووك صافي مانقدرش نخبي عليك شيحاجا اصلا كولشي فراسك
نيروز: (ابتاسم) انمشي نشوف ختي صغيرة توحشتها
...خلاها و طلع لبيت ختو بلا استئذان دخل لقاها ناعسة فبلاصتها و لبيت نقية مافيها حتى فوضى، مشا حل ريدو باش ادخل نور و جلس فكرسي حاط رجل على رجل و كيشوف فلبيت ، أما هي جات تقلب و هي تحل عينيها لخوضر و ماتجي غير فعينيه كيحسابلها كتحلم و ناضت كتأكد
نيروز: (بلا مايشوف فيها) بونجوغ مادموازيل نجلاء تبغي تفطري لتحت و لا نجيبولك لفطور لبيتك
نجلاء:(لبولة على شوية طلقها و كتبتاسم بزز ) خويا هه جيتي
نيروز:(ناض و حس بيها كمشات ليزار بيديها و كيهضر ببرود) عندك خمسة دقايق باش تهبطي (قبل مايمشي عاود شاف فيها) فين هو داك لبرهوش؟
نجلاء: (كترجف) ما ماشفتوش سيمانة
نيروز: ليوم اتشوفيه (جبد تيليفونو و دار اتصال) بغيت لفلوس اتسحبو من لكونط ديال ربيع اخنوش (قطع و شاف فيها) بقات عندك ثلاثة دقايق (خرج)
أنت تقرأ
امرأة تدخن الرجال 🚬مكتملة🚬
Romance💎مكتملة💎 ❌حصرية على الواتباد ❌ العنوان: امــــــــــــــرأة تدخن الرجال 🚬الجزء الثاني لقصة تيريزا الكاتبة : سكينة سليماني ☠الملقبة ب تيريزا 🥀 الجزء الاول : تيريزا عن الكاتبة : كانت تقيس حبّه لها بالسجائر التي لا ي...