امرأة تدخن الرجال 🚬مكتملة🚬

الجزء 174 🚬والاخير 🚬

امــــــــــرأة تدخّن الرجال 🚬
سكينة سليماني
نيروز العشق 🤎🌹 صدقة الغفران ❤🕊
البارت 174
تسالات هضرتو مع اخر نفس لفظو ...اخر حاجا كيشوفها عينيها و ابتسامة خفيفة على وجهو...نهاية مأساوية ل مافيوزي عشق مخبراتية...ذوبات ليه قلبو و عذباتو و فتالي مات بين يديها....بغات كتبكي بحرقة و هبطات ل جبهتو باستها قبلة الوداع ...حسات براسها آذاتو بزاف و كماتو بحالو و بحال لي قبلو...كانو كيختارو الموت بدل فراقها و هادشي خلى منها شيطانة مكترحمش...لكن دابا تحلات عقدتها و رجع ليها قلبها و بدات تحس ببنادم ....ناضت من حداه تالفة و هاربة من جثتو لي كتحسها اتبعها فمنامها... كتشوف ضبابة و دوخة شداتها هي و الترويعة...كولشي كيضور و هي كضور هضرة ناس لي تسببات فتعاستهم فوذنيها و ذنوبها كتشوفهم وحدة بوحدة محطوطين قدامها...كلما كتحرك و تقدم كتزيد تقرب من الحافة ديال الجبل ...الليل و البرد تحرك ...كتشوف ف سما مبتاسمة براسها بغات تشد نجومها فيديها و بدون شعور و فغفلة منها زلقات ليها رجليها و طاحت من رأس جبل ....بصيص الأمل فحياتها كيبان كل مرة كطيح فمشكلة...واش هو عبثر أقدار او بصح ربي كيبغيها و تاب عليها ...أسئلة كثيرة فراسها كتلقا جوابهم بين عينيه لي كيشوفو فيها حومر ...ابتاسمات ليه و هو شادها من يدها لحقها فالدقيقة تسعين و كينهج كون تعطل جزء من الثانية اترما من جبل و تموت ...جبدها بيديه لعندو حتى طلعات و عنقها ب شوق

نيروز: سخيتي بروحك ا عشق؟؟؟ حكمتي على راسك بالموت و حكمتي عليا بيه نسيتي بلي روحي بين يديك نسيتي نتي
الأكسجين باش كنتنفس الى غبتي انتخنق؟؟؟؟؟ (شدها من كتافها كيزعزعها)

عشق؛(ابتسامة باهتة) نيروز نتا جيتي على قبلي

نيروز: و شكون عندي من غيرك (حط راسو على راسها) عمرك تفكري فيها عمرك تسالي عمرك و تخليني كنخاف اعشق اه انا هيولا كنخاف نفيق صباح و مانلقاكش حدايا كنخاف نكون مع ناس و نتي ماشي معايا كنخاف نربي ولادنا و نتي ماحاضراااااش

عشق:(حطات يدها على قلبو كتبكي) قلبك كيضرب

نيروز:(طاحت دمعة من عينيه و قلبو كيضرب الخلعة لي حس بيها و هي بعيدة عليه طلب من ربي عمرها تعاود تجيه) كنبغيك

عشق:(حطات يديها على وجهو) اهئ اهئ عاودها

نيروز: كنبغيك لا كلمة كنبغيك قليلة فحقك انا كنعشقك كنموت على تراب رجليك انحماااااق بلا بيك اعشق ماتخلينيش بوحدي

عشق:(عنقاتو كتشم ريحتو و كتبكي) حتى انا كنبغيييك اروحي كنبغييييك انيرووز اهئ اهئ

....حس بيها ترخات و هزها بين يديه مخلوع ...كان ضاير لقا لبوليس وصلو و هزو جثة تايغر ...بقا هازها فيديه و منع اي واحد اسعفها...خاف اخليها و تمشي من بين يديه ...وصل لدار المهجورة فين وصلات سيارة الإسعاف و كداوي لعمر جرح يدو و نجلاء معاه كتبكي عليه و هو كيسكتها ...شاف لجهة اخرى لقا جسور مع فراس و نضال و غادي يرجعهم للقصر ...مشا حط عشق فالطوموبيل و رجع لعند عمر