إمرأة تدخن الرجال 🚬
سكينة سليماني
الفصل الرابع: جنون بلا حد(السر المازوخي)🍷🗝
البارت 99
..كانو كيتساراو فلقصر و كيتعارفو مع نجلاء دغيا دخلات ليهم للخاطر بتفرويحها و نشاطها و هبالها جبدات تيليفون و ماكاينش شي بلاصة ماتصوراتش فيها و دير فسطوريات ، أما لعيالات كانو كيتعاودو و قالو كولشي لزمرد من طقطق حتى لسلام عليكم و هي تأسفات و تأثرات على لحالة لي وصلو ليها
زمرد: هادشي كاملو واقع
سارة: راضيين بقضاء الله و قدره
شيماء: كنحاولو نديرو بلي حتى حاجا ماكاينة ولكن تقسحنا بزاف
زمرد: دابا يفرجها ربي
سارة: توحشت بنتي
زمرد: عشق بطبيعتها شخصية متمردة
شيماء: ويلي ويلي عااافية حرقات لخضر و ليابس
زمرد: (رشفات من كاسها) حبيتها
....وجدات الطائرة لي أيمشيو فيها علي و نيار و ارتورو ركبو و بقا نيروز كيقاد فصدايف الكوستيم، حتى طلع راسو و بانتلو جاية فاتجاه الطائرة لابسة كسوة قصيرة كحلة حد لفخاض و من صدرها نصو معري و مع حاملة تزادو عندها المؤهلات و لكريشة خارجة ولكن ماشي بزاف و لي شافها يقول شهر ثاني و بيضة بيضة كتبري و طالقة داك الشعر على مزيناتو و مادايراش ماكياج و لابسة كونفيرس بيضة ، وقفات قبالت العسكر لي كان باين فيهم التأثر علماتهم بزاف دلحاجات لي ماغاينساوهمش
عشق: (موجهالهم لهضرة ) ماتنساوش داكشي لي علمتكم
استاغلوه و راكم اتمشيو مزيااان و اتكونو مخابراتيين فالمستقبل
عطاوها التحية و بقاو كيهتفو باسمها و قرب منها نيروز و حيد الفيست ديالو و لبسها ليها و هو كيشوف فالجنود. العسكر
عشق: (حاسة بجسمو مختارقها و الفيست حاطها على كتافها و شادها) شنو كدير
نيروز: كنسترك
عشق: حتى نتا من نوع لي عيب لبنت تلبس لقصير
نيروز:(شاف فيها و هو غادي بيها لطيارة و حركلها راسو بلا ) ممنوع عليك نتي تلبسي لقصير ماشي لبنات
عشق: بصفتك شكون كتقولي هاد لهضرة
نيروز: بصفتي إنسان
عشق: أش هاد العذر؟ (بغات تحيدها )
نيروز:(رجعهالها) راك حاملة أيضربك لبرد
طلعو للطائرة و هي مازالة حاطة لفيست عليها و فعلا غير طارت الطائرة بدات كتحس بالبرد و زادت تكمشات فيها و كتشوف فيه بنص عين و هو كيقرا كتاب و صيلونص من غير علي و نيار كيتفكرو ايام زمان و يضحكو ، كان جو مامفهومش و الشك كيدخل لديابلا منين قالو ليها خرجتي براءة و لي مافهماتوش كثر علاش نيروز و علي ايمشيو معاهم لروسيا، تساؤلات بزاف اتعرف جوابهم ف موسكو ... تحطات الطائرة ف ساحة لقصر و نزلو منها فليل لقاو ضواو باقيين شاعلين ف لقصر و تاجهو ليه ، غير حطو رجليهم شافو العائلة مجموعة على لعشا واخا فاتتهم وقت لعشا
أنت تقرأ
امرأة تدخن الرجال 🚬مكتملة🚬
Romance💎مكتملة💎 ❌حصرية على الواتباد ❌ العنوان: امــــــــــــــرأة تدخن الرجال 🚬الجزء الثاني لقصة تيريزا الكاتبة : سكينة سليماني ☠الملقبة ب تيريزا 🥀 الجزء الاول : تيريزا عن الكاتبة : كانت تقيس حبّه لها بالسجائر التي لا ي...
