قلع القاش حقو وقال لي م عرفتا اربيك والله، ضربني لحدي م رعفتا..امي تشيل وتبكي وعلى قدر م حنستو يقيف ابا، بعد م انتهاء مني خلاص امي تشيل وترفع فيني وانا خلاص م قادرة على المشي كسر لي رجليني، امي دخلتني جوه وقفت لي الرعاف دا، امي تعاين لي مسافة وتبكي مسافة وتقول لي انا السبب ازعلي مني انا، انا الولدتو وجبتو من بطني دي، احي ياربيقمتا على حيلي وغسلتا الملابس حقتو، وشريتهم بعد نشفو جيت كويتهم، ومشيت لقيتو راقد فالديوان وختيتهم جمبو، عاين لي مسافة، قال لي دا الدولاب؟ خاتاهم فالسرير نظام شنو يعني؟هاك شوفني غسلتهم وكويتهم ليك؟ عايني انا اخوك وانتي مجبورة تغسلي وتكوي وتخدميني، وتاني لو قلتي لي م قادرة ولا م بعرف، بطلع زيتك والدقة الدقيتك ليها هسي دي، بضاعفها ليك المرة الجاية، ختيهم ف الدولاب وطيري من هنا ختي لي الغدا ختيتهم في الدولاب ومشيت جري عملت لي قيمة اصلا امي كانت عاملة الكسرة ب البامية الفرك، قطعتا السلطة وختيت ليه الاكل ووديتو ليهو، وبعد الاكل الشاي، مشيت ختيت ل امي وقالت لي تعالي اكلي معيانا باكل من الزعل اللقمة م قادرة تنزل واقفة بس في حلقي، وامي تاكل وتبكي، امي شغالة تقول لي ياريتك ياروان لو كنت بتبكي كان احسن لي واحسن ليك، بس بتكتمي الزعل وم بتبكي ودا الشي البمرضك يابتي، نحنا ربنا ابتلانا بيهو، بعد وفاة ابوك م ضقنا يوم سمح فحياتنا، فتحي بقا لينا زي الكارثة وم عارفين نتحلى منها كيف..فتحي سمع امي بتتكلم وجانا داخل انا من شفتو برجف خايفاهو يضربني تاني، لانو م بقدر يضرب امي فلو امي قالت حاجة تزعلو طوالي بضربني، جانا وقف جمبي وقال لي امي انا كارثة؟انا بأكل وبشرب فيكم ٦ سنة الليلة بقيت ليكم كارثة، من ما ابوي مات كان اطلع اخلي البيت دا بلا أم بلا اخت، امشي اعرس وابني حياتي، لكن قعدتا هنا ومتحمل مسؤلياتكم ضرب صينية الغدا وطيرها هناك، ومسكني من شعري وقال لي انا كارثة؟؟؟؟روان انا كارثة؟ هزيت راسي ب لا قال لي لو انا م كارثة، مالك م بتوقفي امي، وكمان مستمعة ليها؟ كان تقولي ليها اخوي دا شايل مسؤوليتنا وبحبنا هو م كارثة...نفضني كدا وامي قالت ليهو م عافية عنك ولا راضية عليك يافتحي تضوق الضقتو ل اختك دا في اولادك شاحدة الله الكريمفتحي طلع ورزع باب الغرفة، قمتا لميت الصينية الكشحها دي، وقلتا ل امي انتي م اكلتي، اقيفي نكب ليك اكل تاني، قالت لي كفاية شبعتا زعل ياروان اكلي انتي من الصباح م ماكلة شي، قلتا لي الحمدلله اكلتا كويس..طلعتا على المطبخ وعملتا شاي ل امي وجيت قعدتا فغرفتي رقدتا ف السرير وانا بعاين لسقف الغرفة.. وبقيت اتذكر لمن ابوي كان عايش حياتنا كانت حلوة كيف م ضقتا العذاب يوم، من ما ابوي اتوفى انا شفتا النجوم في عز الضهر اتفاجئتا في فتحي اخوي اتغير ١٨٠ درجة م عارفة الحصل عليهو شنو في حياة ابوي كان كويس معانا شديد، وأثناء م انا بفكر شالتني نومةاعرفكم..روان. جادالله، بت بسيطة شديد، عمرها ٢١سنة، ابوها اتوفى من هي ١٥ سنة، من ما ابوها اتوفى اخوها اتغير عليهم بدون سبب، امها سوسن، اخوها حماها القراية وخلاها تقعد فالبيت، على قدر م يجيها عريس يرفضو، روان بت حلوة شديد، وغير انها جميلة شكلا، روحها حلوة شديد، وسكوتةحتعرفو سبب تغير فتحي قدامقراءة ممتعة
