لزاني على الأرض، ووقعتا، لقيت بطني بتألمني بطريقة خيالية، فجأة خالتي بقت تكورك وتقول دم، دا شنو يافتحي عاين اختك بتنزف، وانا ماسكة بطني وبصرخ دخلوني، والحصل انو انا اصلا كنت حامل، وفتحي ضربني لمن اجهضتا بعد م عملوا لي عملية تنضيف للرحم، جاني مزمل نفسو قايم وقال لي ادبتو ليك، يدو البمدها عليك دي كسرتها ليهو جاني باسني فراسي والدموع فعينو، م مصدق انو كان حيجينا بيبي ينور حياتنا، كنتي عارفة نفسك حامل؟
هزيت ليهو براسي بمعنى لا، عايزة انزل وقفني قال لي على وين؟؟ قلتا ليهو امي، قال لي اكيد م حتنزلي يادوب عاملة عملية م تمت ساعتين وحقت إجهاض وعايزة تنزلي، اقعدي زحيتو مني وعايزة امشي ل امي فكا فيني نزيف تاني، تاني رجعوني وادوني درب والدكتور قال لمزمل مرتك دي تاني م تتحرك من هنا لانو م معروف المرة الجاية يحصل ليها شنو
مزمل مسك يدي وقال لي امك م بحصل ليها حاجة، حتبقى كويسة
م تنسى انك اجهضتي قبل كم ساعة جاني الدكتور قال لي كل م كترتي حركتك كل م النزيف زاد
اخدي راحة لمدة أسبوع وبعداك لو عايزة اتحركي، حافظي على نفسك كويس واخوكي دا مريض نفسي ممكن تجيبوهو لي عندي صحبي شغال في طه بعشر دا بظبطو ليكم
مزمل قال ليهو مشكور الزول دا م مريض دا قليل ادب بس
الدكتور طلع خلانا بقيت مع مزمل قلتا ليهو امي للان انا م عارفاها مالا قال لي خير أسى انا اسأل الدكتور واجيك م بتأخر..
مزمل طلع مني وانا ببكي على حظي في الدنيا دي امي عيانة وخسرتا ولدي وحالتي بالبلاء جاتني تسنيم قالت لي كيف بقيتي؟ قلتا ليها ابدا م كويسة والله قالت لي احكي انا سامعاك وجمبك، قلتا ليها انا دايرة اشوف امي قالت لي بتشوفيها بقيت أدى واخد معاها في الكلام، ومزمل اتأخر شديد، انا م عارفة الحاصل شنو برا قلتا لتسنيم عليك الله شوفي لي مزمل دا اتأخر كدا مالو
طلعت هي زاتها م جاتني سريع عايزة اقوم كدا جاني مزمل وكانت ملامح وشو م طبيعية قال لي مش قلتا ليك م تنزلي، قلتا ليهو اتأخرت على، دايرة اشوف امي
قالو عندها شنو، قال لي جاها قلب، لكن كويسة
قلتا ليهو دايرة اشوفها لي شهرين م شفتها يا مزمل، قدر م حاول يمنعني م قدر فالنهاية طلعتا على جهه ناس خالتي ولقيتها بتبكي وبتوصف الليلة يالحنينه مشيتي وخليتينا......
وتسنيم متكلة على الحيطة وبتدعي،
فتحي قاعد ف الارض وماسك يدو الضربها ليهو مزمل وشكلو تعبان
مزمل لحقني برا وقال لي روان.. وقفتو ب يدي وواصلتا مشيتي لحدي م وصلتا ل خالتي قلتا لي من المشت وخلتك
قامت ومسكتني وحضنتني عليها قال لي امك ادتك عمرها وليتها ليك،
بضحك بقول لي مزمل عاين خالتي بتقول في شنو؟
مشيت على جهه فتحي وبقيت اقوم فيهو واقول ليهو اتكلم مع خالتي دي عان بتقول كلام كيف، عاين بتقول امك ماتت يافتحي
تاني مشيت على مزمل قلتا ليهو وريهم انو انت هسي قلتا لي انها كويسة
مزمل وريهم الحقيقة، ماف زول عايز يتكلم فيكم؟
انا ح ادخل ل امي واوريكم انها عايشة عايزة ادخل كدا مزمل جراني عليهو وحضني وكان ضاغط علي شديد، قدر م حاولت ازح منو م قدرت، بقيت بكورك واقول ليهو مزمل فكني، وكل مرة صوتي يعلى، مزمل فكني،
في النهاية قلتا مزز ملل فكني وللمرة التالتة يحصل لي نزيف....
من وقفتي مع مزمل تاني م عارفة حصل شنو
صحيت تاني يوم وانا حاسة نفسي اني غريبة، مسكتا مزمل وحضنتو وقدر م الدكتور كان بحاول يقرب مني عشان يديني حقنة المسكن انا كنت ببعد حاسة بيهو حيأذيني، بقيت بقول لمزمل زحو مني، مزمل بقول لي دا دكتور ياروان عايز يعالجك، قلتا ليهو مزمل، حيأذيني والله، الدكتور فالنهاية قال ليهو خير انا ح امشي اجيب ليها ممرضة، بعد مسافة جات ممرضة كدا وبرضو ابعدتها مني، بقيت بصرخ وبقول لمزمل زحهم مني...
مزمل كان بعاين لي بغرابة وم فاهم دا شنو، طلعوني من المستشفى ووصلنا البيت، م كنت بجيب ليهو خالص سيرة امي لاني اصلا خلاص نسيت الحكاية دي في راسي ماافف، مزمل قعدني جمبو وقال لي انتي حاسة بشنو، رقدتا وقلتا ليهو عايزة انوم م عايزة كلام
نمتا وصحيت على صوت تسنيم من شفتها بقيت بزحف على مزمل قلتا ليها قول ليها زحي من هنا مزمل هنا جاط فيني وقال لي روان بطلي حركاتك دي، دي تسنيم جارتك قلتا ليهو مزمل قول ليها زحي، جات قعدت جمبي وانا هنا نزلت من السرير وبقيت بقول ليها اطلعي برا عايزة تضربيني مش؟ اطلعي برا
مزمل كان متحير فيني كان بعاين لي بطريقة غريبة شديد، تسنيم طلعت وفضلنا انا ومزمل كان واقف زحيت يدينو وحضنتو، وقلتا ليهو م تخلي زول يدخل البيت دا تاني انا م عايزة غيرك...
يتبع
