وقفتا عاينت ليهو مسافة وجري مشيت على الغرفة التانية وقفلتها علي بكيت قدرتي وقلتا مزمل اتغير م كان كدا ياربي كلام ضحى صاح وانو نحنا حنفترق وانو م بحبني وبحبها هي..
مرت ساعتين وانا جوه الغرفة
بعد ساعتين ونص بالضبط مزمل دق لي بابا الغرفة وقال اطلعي ياعمري انا عارف روحي هجت فيك بس والله مضغوط، عندي مشكلة مع واحد في قروش ابا يديني ليها والله ياقلبي انا تعبان شديد ومضايق من الدنيا دي عليك الله افتحي الباب محتاج حضنك..
فتحت الباب واترميت في حضنو وبكيت قدرتي قلتا ليهو انا بحبك يامزمل، قال لي وانا اكتر اكتر اكتر منك ياقلبي م تبكي خلاص لانو شايفة دموعي قربو، يرضيكي ابكي؟ 😂
هزيت ليهو راسي ب لاا، باسني في راسي وقال لي المزعلك شنو كان..
قلتا ليهو مشتاقة ليك بس، قال لي د شوق جديد ولا شنو😂😂 تشتاق وتزعل يعني
قلتا ليهو غليظ قال لي طيب رايك شنو الليلة نطلع نتعشا برا؟
قلتا ليهو م عندي مشكلة.. باسني فراسي تاني وقال لي الزعل م بشبهك ياقمري💜
قعدنا نتونس كدا واخدنا نومة النهار، انا صراحة م اتغديت عشان بطني تكون فاضية لبعدين واكل الآخضر واليابس💜😭😂
ختيت ل مزمل الاكل اتغدا وقال لي انتي عارفة الزول الأنا متشكل معاهو دا طارق ود عمي
داير منو قروش عربية بوكو كدة بعتها ليهو ب الاقصاد، اداني قصد واحد، وعمل رايح
الكلام دا ليو ٩ شهور هو بجرجر فيني، انا داير القروش دي عشان داير ابني اوضة وقدامها برندا بهناك في الحوش الواسع داك، قلتا ليهو مزمل بس البيت د مليان يعني، قال لي ياقلبي البيت دا لحدي م اولاد أولادنا يجو
داير اكبرو وابني ليكم سمح عشان لو لاقدر الله وحصلت لي حاجة فالدنيا دي انتو تكونو معززين ومكرمين وعايشين افضل عيشة، قلتا ليهو مزمل تفها من خشمك، ربنا يجعل يومي قبل يومك، عاين لي وقال لي تعيشي لمن تفتري ياحبيبتي ياروان
شلت منو الصينية وجبت ليهو الشاي، قال لي بعد المغرب البسي عشان حنحوم 😂😭💜
قلتا ليهو توب؟ 😂
قال لي بشرطو ليك، اصلك بتتعولقي بيهو وم بتعرفي تلبسيهو، البسي ليك فستان واسع كدا وظابط 😂💜
قلتا ليهو حاضر وضحكت ومشيت دخلتا استحميت وجيت طالعة بقلنة سودا فوق للركبة ورافعة شعري فوق وقفت فالمراية وبظبط في وشي، مكياج وحركات
جاني مزمل وحضني من ورا، وقال لي رايك شنو نجلي حنك الطلعة دي 😭 اصلي مشتاق ليك، قلتا ليهو مزمل بطل هظار
قال لي جدجد انتي م مشتاقة؟ قلتا ليهو بقيت تافه خلاص، قال لي مرتي وبقول العايزو😏😉
قلتا ليهو طير البس وبطل تفاهه 😩
قال لي عايز ولد منك ويشبهك كداا رايك شنو نجيبو قريب
قلتا ليهو حاضر يامزمل، ممكن هسي تمشي تلبس حبيبي ولا لا؟
قال لي انتي لو قلتي خير نجيبو هسي، قبلتا عليهو وصريت ليهو وشي، قال لي ماشي ماشي م تكشري لي وشك الشين دا انا بخاف، قلتا ليهو م خفت من خلقتك تخاف من خلقتي 😂😏
قال لي مالي انا سماحة الدنيا على..
وقفتا ولبستا لي فستان نمري كدا وطرحة بالبيجي وشنطة صغيرة قدر اليد باللون الأحمر الرايق شوية د...
والشبط فلات زاحف بنفس لون الشنطة، لميت شعري لورا وكوزت الطرحة
اما مزمل لبس الجلابية الكويتية البتكون خناقة دي " جابها ليهو صحبو هدية"
قلتا ليهو م بتباريني بجلابية، مسكني من نصي وجراني عليهو، قال لي انتي حلوة شديد!!
عيونك الواسعة، وانفك العمود💜💜💜💜💜💜💜
شفايفك السمحة، تفاصيلك كلها سمحة، انا محظوظ فالدنيا دي بيك، وم حتصدقي انا مبسوط بيك قدر شنو
سرحتا بعيد، وقلتا ضحى عايزة تفرق بينا بس لانو مزمل ظاهر حبو لي فعيونو ديل انا شايفة هو بحبني قدر شنو..
قاطع تفكيري ببووسة عميقة كدا🙈😭 وقال لي عندي وقت لسة فكري نأجل الطلعة دي
قلتا ليهو مزمل اطلع قدامي😂💜
ركبنا العربية وكالعادة شغل اغنية 💜💜
بتقول..
" بريداا براها ترتاح روحي كل م اطراها
ست البيت"
وكان بدندن مع الأغنية وبلكزني وبعمل لي حركات بيدينو وكان بضحك.
"الراجل الفرفوش رزق" 😂💜
وصلنا المطعم ونزلنا وكان ماسكني من يدي ومبسوط بي شديد كانو عايز يقول للناس القاعدين ديل كلهم عاينو يخوانا دي مرتي روانن، مبسوط شديد
ياقلبي يامزمل، يخليك لي يارب
قعدنا في الصفرة وكان بعاين لي خاتي يدينو تحت حنكو ومايل راسو وبعاين لي بس انا من الخجل ما عرفت امشي وين
....
- خير الأمور عيونو ..
او كما قال ود الامين " اجمل عيون عندك يا اجمل الحلوين " ..❤️
يتبعع
