قعدتا مسافة حضرتا لقيت الساعة جات ٧..
قلتا بعد دا زولي دا بجي مشيت لبست الانجري الليموني، م عارفة دخل فيني كيف وجيت سمعتا كركبة الباب وقلتا الليلة يا انا ياانت..
مشيت عملتا نفسي واقفة جمب التربيزة الفيها الارياح اصلا كنت خافضة الإضاءة جا مزمل داخل قال لي روان مالم منورة النور دا..
الساعة اليشوفني ب الانجري.. كان ويعااين ومخلوع من المنظر جيت جمبو، ورفعتا يديني في كتفو وخلاص قربتا عليهو شديد،
قاطعنا صوت الباب ملعون ابو الباب...
مزمل كورك كدا بعداك مشا فتح، انا عاينتا بالشباك لقيتهم كوتة نسوان، ها يايمة، راجل ومرتو عرسان، تجو تهاجموهم فنص الليل، هسي لو كان اجلتو الجية للصباح كان موتو؟
مشيت جري قلعتا الشي الضيق دا ولبستا لي جلباب استقبال حلوة كدا وبطرحتها وقفلتا الاوضة حقتي لكن ريحة الدلكة ظاهرة عاد، جو أربعة نسوان شكلهم جاراتي وحدة كدة قريبة لي فالعمر شكلها عروس جديدة برضو والاتنين التانيات ماشاء الله، ضيفتهم وجابو معاهم حلاوتهم ومبروك وعرفوني بنفسهم، البت الكانت قريبة لي فالعمر دي اسمها تسنيم وكانت بت وحدة في النسوان ديل مشيت عملتا ليهم ساي لبن وجبتو واتونسنا واتعرفتا عليهم وكان في وحدة ساكنة بجاي بالحيطة والتانية جاراتها،
خالتي خديجة ام تسنيم قالت لي ماشاء الله عندك فالحلة دي كم بت قدرك وقدر تسنيم كدا متزوجات، وهسي شايفاهم قالو بكرة بجوك، قلتا ليها والله ياخالتي خديجة انا بكرة فاطرة عن نسابتي لكن بعد بكرة فاضية ينورو والله قالت لي خير يابتي... خالتو خديجة ماشاء الله بتحب الونسة، تسنيم قالت ليها ياامي البت عروس م نطول عليها 😂قلتا ليهم لا عادي اقعدو ونسوا، بعد شوية خالتي أنصاف المرة المعا خالتو خديجة قالت لي جينا في وقت غلط زاتو، شكلها شمت ريحة الدلكة لانو انا مسحتا بيها البيت، خجلت ودنقرت راسي، خالتو قالت لي عادي عادي م تخلي نحنا زي امك، ع العموم نمشي ونجيك في وقت أوسع، قلتا ليها تجيكم العافية، كان تقعدو تونسوا والله، قالت لي بنجيك م خلاص بقينا جيران، وانتي زاتك تعالينا قلتا ليها خير إن شاء الله قفلت الباب، بعد شوية مزمل طالع من الحمام مخنوق عديل كدا😂😂 وانا اضحك فيهو قلتا ليها الله أراد كدا، زح من قدامي خليني امشي اشرب لي شاي لبن براي جعانة، قال لي امشي غيري قلتا ليهو سمح، دخلتا ولبستا لي بجامة وجيت قعدتا فالصالة وبشرب في شاي، قال لي يابت قلتا ليك غيري قلتا ليهو مزمل عليك الله تعال اقعد هنا واشرب ساي تعال شوفو سمح كيف، ونحصر لينا فلم وونوم بكرة راجينا مشوار ياقلبي..
نسبة لانو م عندنا شاشة جوه غرفة النوم، فرقدنا فالصالة للصباح، صحيت صليت وعملتا الشاي وغسلتا العدة الفي المطبخ..
وانا في وقفتي دي جاني ومسكني من ورا وقال لي رايك شنو م نمش.. نقعد مع بعض ونتم الشغل، قلتا ليهو مزمل انت قليل ادب دا كلام شنو البتقول فيهو دا، نمشي ناس امك ونجي عشان م يحصل زعل بيناتنا، قال لي الله لاجاب الزعل بيناتكم
