جاني ومدا لي الكيس عايزة اشيلو منو مسكني من يدي وقال لي دا شنو اثر السوط دا؟؟؟؟؟
جابني عليهو وقال لي احكي لي انا سامعك، بدون م احس رفعتا التوب وقلعتا الجلباب ووريتو اي اثر ضربة ضربني ليها فتحي، كان مصدوم وبعاين بطريقة غريبة شديد قال لي الضرب دا جديد ظاهر عليهو، قلتا ليهو قبل يومين من عرسنا ودموعي كانو نازلات
حضني عليهو وانا مسكتو وبقيت ببكي، وانا فحضنو حكيت ليهو من ما ابوي اتوفى لحدي ما انا معاهو هناا..
مزمل كان زعلان شديد عايز يقوم قلتا ليهو خليك انا كدا مرتاحة، نمنا في الكنبة لحدي العصر كدا صحينا بتلفون من فتحي..
قلتا ليهو دا داير شنو؟ قال لي م بعرفو دقيقة
وفتح الاسبيكر..
فتحي قال ليهو شنو يادفعة نسيتنا بالسرعة دي، داير اقول لي تعال خلاص عشان نحدد العرس حقنا انا ومها ولاشنو، مزمل كان متضايق منو شديد وقال ليهو انا يداب لي يومين شنو ارجع دي يافتحي؟
فتحي قال ليهو والعرس..؟ مزمل قال ليهو لحدي م ارجع انا بكيفي وقفل فيهو الخط..
شافني سرحتا قال لي عايني الاندومي نمنا وخليناها😂😂💜
مشيت شلتها ونجضتها، وجبنا لينا بارد وكنا بنتونس وبناكل..
عدت الايام وعلاقتي بمزمل ماشة تقوى شديد، بقيت متعلقة بيهو م بنوم الا يكون جمبي، وهو كذلك
م كنا بنطلع كتير لانو انا برفض الطلعات، بنعمل أكلنا فالبيت، وبنقعد فالبلكونة ونتونس، كان محترم
يوم قال لي نحنا بعد دا مفروض نرجع البيت جهزي حاجاتك عشان بعد بكرة حنمش
قلتا ليهو وبكرة مالو قال لي حتمشي الكوفير وتتزبطي م صح انك عروس وتمشي لبيت نسابتك كدا 😉
فعلا صحيت الصباح ووداني مزمل الكوفير قال لي لمن تنتهي اتصلي لي
دخلتا جوه ورسمت وشلت وشي وكويت شعري ، وبقيت رهيبة
اتصلت لمزمل وجاني.. وانا طالعة من الكوفير كان بضرب في البوري زي حكاية زفة كدا😂😂💜
وانا شغالة اقول ليهو انت مجنون؟
يود بطل وهو ولاشغال بي الشغلة،، جيت ركبتا فالعربية قال لي انا محظوظ لأنك مرتي، هسي لو كنتي مرت زول تاني كنت جنيت وحات الله، دورنا العربية ووصلنا الشقة وقال لي يلا نلملم حاجاتنا دي سريع وبدري عشان انا تعباان عايز انوم قلتا ليهو مخير الله، عشان وديتني وجبتني،
قال لي والبيت دا نضفو ليك منو؟؟
عاينتا بجاي وبجاي لقيت البيت نضيف شديد،
وحتى كان في عدة فالحوض لقيتو غسلها😂💜
عاينتا ليهو وقلتا دا شنو يامزمل 😂
قال لي م اساعد مرتي يعنييييي😂😂 قلتا ليهو م قدر دا قال لي عادي، امشي رتبي الملابس وتعالى عشان ننوم
قلتا الزمن بدري انت قايل دا المساء يادوب الساعة ٣ ضهر
قال لي تعبان النضافة هدت حيلي انا عايز انوم صحيني قبل المغرب..
نام وانا اصلا كنت بنزل الهدوم من الدولاب، بعد شوية جيت قدتا فطرف السرير وبقيت بعاين ليهو مسافة
قلت فشهر بس خلااني انسى فتحي معاملة فتحي، عاملني معاملة عمري م اتوقعت زول يعاملني ليها؟ معقول هو بحبني؟ ولاشفقان على عشان حكيت ليهو بمعاملة فتحي لي،
قاطعتني قلبتو للجهه التانية، قلتا روان ياعويرة هسي يصحى يلاقاك بتعايني ليهو كدا يحلف انك وقعتي فحبو قومي يابت قومي، مشيت نزلتا الهدوم كلها من الدولاب وستفتها فالشنط..
م عندي حاجة اعملها تاني، مشيت حضرتا حبة، وجيت لقيت المغرب اذن، صحيت مزمل قلتا ليهو قوم ع الصلاة
قام صلى وجا قلتا ليهو مجوعني 😥
جعانة من الصباح
قال لي كان تتكلمي انتي عويرة ولاشنو، دقيقة اطلب ليك، وفعلا بعد نص ساعة وصلتنا البيتزا 🤤
وربنا البارد وكالعادة مشينا على البلكونة، وختينا كراسينا وبقينا نتونس، قال لي من بكرة حياتك حتختلف تماما، حتكوني في بيتك، فطور وغدا وشاي، ولمن يجوك ضيوف، يعني امك ماف
قلتا ليهو مزمل، انا بعرف اعمل اي شي، قال لي عصيدة؟ قلتا ليهو وكسرة وقراصة واي ملاح يخطر على بالك، انا بعد م ابوي اتوفى الله يرحمو ويغفر ليهو، فتحي اخوي حماني القراية، امي دخلتني المطبخ وعلمتني اي حاجة، قال لي والله ماشاء كان كدا انا عرست مرا سمحة وطباخة😉
اتونسنا كدا ودخلنا جوه ونمنا صحينا الصباح ياهو لمينا حاجاتنا واتحركنا، كنت لابسة فستان بالاصفر وجادعة الطرحة ب الاوف وايت وشايلة شنطة صغيرة وشبشب فلات
قال لي حتمشي ل امك صح؟
قلتا ليهو م نفسي الاقي فتحي.. قال لي بس نفسك تلاقي امك صح
قلتا ليهو صح قال لي خير انتي انزلي عند امك وبيتي عندها وانا صباح بجي اسوقك عشان ارحلك بيتك.. قلتا ليهو بيتي براي؟؟
قال لي اكيد دايرة مع ناس امي يعني
سكتا منو وبقيت بعاين فالطريق وخايفة امشي ناس امي الاقي فتحي
وصلنا البيت وانا قلبي فيدي، عندي شنطة صغيرة كدا فيها كم غيار لي مزمل نزلها لي من العربية وقال لي دا بتكفيك لبكرة انا بشيل ديل معاي البيت..
دقيت الباب جات فتحت لي خالتي وكانت مبسوطة شديد
بتنادي ف امي وتقول ليها القمر زارنا
أثناء م انا بدخل في الشنطة حقتي طرحتي وقعت..
جا فتحي طالع من الحمام مديت ليهو يدي عايزة اسلم عليهو
قشطني كف.......
يتبع
