عاينت لمزمل لقيت دمعتو نزلت وكان بحرك فراسو نظام كلو بسببك...
دخلو جوه وضيفتها ووريتها غرفتها، مزمل قال لي دي غرفتك انتي، قلتا ليهو معللش دي العروس الجديدة انا خلاص قدمت، كان جاي على وقال لي روان، رجعت منو خطوتين لورا وقلتا ليهو مزمل..
دخلو وعملتا ليهم الاكل، وجبتو..قفلو بابهم وانا قعدتا فالصالة برا، م عارفة القعدني ف الصالة شنو بس كأني منتظرة حاجة، صوت، كلام اي شي
بس م كان طالعة من غرفتهم ولا اي شي، اتطمنتا ورقدتا ف الكنبة وبقيت متكلة على يدي وبعاين لباب غرفتهم..
نمتا للصباح، صحيت لقيت باب الغرفة فاتح بعد شوية طلعت ضحى وهي لابسة فوق للركبة وفوق قط وكانت بتتسائب وشعرها منكوش ، قالت لي هي انتي نايمة هنا للصباح ولاشنو، سكتا وانا بعاين ليها
قالت لي عيب عليك يعني انتي هسي قاعدة تتنصتي لينا
قلتا ليها م ضحى انا عشان م يكون عندي شغلة غير الناس، فلان د مشى وين، وعلان د عمل شنو
عندي مية شغلة فراسي
...
عدت الايام ومرا شهر بالطريقة دي م بشوف مزمل الا بليل وفي الشهر د كلو م حصل دخل غرفتي، كان بتكلم معي فحدود مصاريف البيت فقط...
اما ضحى دايما كانت بتجرحني ب الكلام وبتقول لي قريب جدا ح اجيب بيبي لمزمل...
لحدي م يوم سمعتها بتتكلم ب التلفون وبتبكي، لحدي الان م دخل على ياامي، اتخيلي شهر كامل، قدر م اغريتو وعملتا ليه السبعة وزمتها م قرب علي...
انا من هنا رجعت خطوتين وقلت معقولة لحدي الان مزمل م دخل عليها.. اااججيي، وقبيل شابكاني اجيب بيبي وم بعرف
مزمل بعد م جا قالت ليهو انا ماشة ل امي ورح بيت معاي هناك، انا كنت فالمطبخ وسامعاها بتتكلم.. قال ليها م تنسى انو انا متزوج روان برضو يعني ابيت معاك هناك واخليها هنا تبيت براها ولا انتي قصدك شنو.. قالت ليهو انت حر المهم وديني ناس امي..
وداها وجا لمن جا مزمل لقاني في الحوش بفرش ف السراير .. جا وقف مسافة واتكل على الحيطة وقال لي مشتاق ليك
بدون م احس قلتا ليهو "انا شوق الدنيا علي منك"
قال لي " دا شنو العملتي دا ياقلبي؟"
قلتا ليهو " عشان سعادة البتحبهم لازم تضحي بحاجات كتيرة"
قال لي " تضحي بحبنا "؟!
سكتا ونزلتا راسي على الأرض جا قرب علي ورفع لي راسي قال لي ماف حاجة فالدنيا دي تستاهل يضحو بحبنا عشانها
باسني في راسي وقال لي حبي ليك نهائي م نقص كل يوم بزيد ، انا قبل كدا وعدتك انو م أقرب على زول غيرك ولي يوم الليلة دا انا حافظ وعدي بددون م أشعر قلتا ليها وانا في كل ثانية ودقيقة وساعة بحبك
دخلنا جوه وحصل الحصل، مشتاقة لمزمل شديد، طولت منو ومن حضنو، اخدنا الليلة في أحضان بعض
صحيت الصباح وانا م واعية على العملتو أمس، قلتا انا مفروض اكرهو فيني م اخليهو يتعلق فيني اكتر..
ياربي يارحمن
بقيت واقفة وبعاين ليهو وكيف هو نايم ومطمئن
فرشتا مصلايتي وقلت ياربي قويني، يارب انا م فيني طاقة اتحمل البحصل دا كلو، يارب مهند قلبي يميل شوية لضحى انا م عايزة اكون أنانية واحرم أسرة كاملة من إنو تشوف اولاد ولدهم الوحيد، ربنا انت عالم الجواي، ياربي ياكريم
قمتا من المصلاية جيت قعدتا جمبو، ودنقرت فيهو وبستو بوسة عميقة شديد، قاطعني صوت ضحى وهي بتكورك ل مزمل ب أعلى صوت وهي واقفة لينا فالباب.. ، كانت بتكورك بطريقة فظيعة قلتا ليها اهدي مزمل نايم.. قالت لي ماشاء الله نمتو سوا كمان قلتا ليهو وطي صوتك، ومزمل راجلي زي م هو راجلك انتي م تنسى الحاجة دي
بقت تكورك مزمل، لحدي م مزمل صحى كان لابس شورت قصير بس ونزل ليها من السريز، هي بقت تعاين ليهو ومصدومة شكلها اول مرة تشوفو ب الشكل د..
قالت ليهو مزمل، تديني حقي زي م بتديها حقها..
انا بقيت بعاين ليهو هو بقول ليهو تديها شنو
قال لي اسأليها
وضحكنا سوا😂
قالت ليهو مزمل انت لسة م معتبرني مرتك، قال ليها لأنك فعلا لسة م بقيتي مرتي، زواجنا للان ع الورق، لمن ادخل عليك بعداك بتبقي مرتي حق وحقيقة..
مشت وقفلت عليها باب الغرفة ونحنا سامعين صوت كسير، شي قزاز وشي حديد، مزمل مشا حاول يلز الباب م قدر، دق الباب شديد م بتفتح، فالنهاية قال ليها فتحتي الباب دا فتحتيهو، م فتحتيهو انتي طالق..
٥ دقايق بس فتحت الباب، طوالي مزمل جراها من شعرها واداها كفين، وانا واقفة وبتفرج، دخل جوه لقا الاوضة كلها نزلت ف الارض ارياحي وحاجاتي كلها كسرتها تاني مزمل جا ضربها وقال ليها انتي اصلا م بنفع معاك الا الضرب...
مشيت مسكتو وحجزتو، وقلتا ليهو م صح ترفع يدك على مرا، لزتني وضربتني كف وقالت لي الليل كلو تلقيكي تحرشي فيهو وهسي جاية تعملي نفسك الحنينة اوعا تقربي على ودي حاجة بيني وبين راجلي انتي م تدخلي..مع كلمة انتي م تتدخلي دي مزمل تاني ضربها كف قال ليها روان خط أحمر، تاني لو رفعتي يدك على روان قسما اكسرها ليك....
يتبع
