مزمل كان متحير فيني كان بعاين لي بطريقة غريبة شديد، تسنيم طلعت وفضلنا انا ومزمل كان واقف زحيت يدينو وحضنتو، وقلتا ليهو م تخلي زول يدخل البيت دا تاني انا م عايزة غيرك،مزمل قال لي انتي حاسة ب شنو؟؟
في شنو انتي اتغيرتي شديد، الحصل عليك شنو
وانا كنت برجف وهو حاضني، نمنا للصباح، صحيت الصباح قال لي انتي كويسة؟؟
قلتا ليهو مزمل وديني ل امي انا طولت م شفتها النبي وديني، مزمل قال لي بس انتي امك ماتت ياروان افهمي خلاص
دخلت في حالة نفسية وكنت بضرب اي حاجة قدامي وبقول ليهو امي عايشة م ماتت ف النهاية وقعت وم صحيت الا انا في مستشفى، سمعت الدكتور كان بتكلم مع مزمل قال ليهو مرتك حاليا داخلة في صدمة حاليا مزمل قال ليهو هي بتخاف من الناس بقت يادكتور، الدكتور قال ليهو د التعامل الطبيعي لحياة الناس الداخلين في صدمة، بشوفو نفسهم على انو من متأذين أو ممكن بتعرضو للأذى من اي زول
بشوفو العالم على انو مكان عدائي م مفهوم، وم بقدر يتحكمو فيهو،
يعني خلاصة الموضوع ممكن لتجربة صادمة شديد انو تغير النظرة للحياة والعالم وبذلك طريقة التعامل بشكل حاد..
مزمل كان ختتي يدينو فراسو وقال لي طيب الحل شنو، كيف بنقدر نرجعها زي م كانت
الدكتور قال ليهو في أنواع علاجات كتيرة بس التأكد انو حينفع معاها هو علاج،، العلاج بالتعرض، الغرض من هذا النوع من العلاج هومواجهة الذكريات الصعبة وجهاً لوجه بدلاً من تجنبها، يعني يسمح للمرضى بمعالجتها في بيئة آمنة وبناءة
الدكتور قال ليهو تسجيلها في المستشفى لحدي م تشفى
مزمل كان بعاين وقال ليهو م ممكن اكون معاها..
الدكتور قال ليهو تجي مرة فالاسبوع بس..
مزمل كان مجبور يسجلني عشان ارجع طبيعية، جا وجابهم للدكتور
وانا كان فيني كمية خوف طبيعية من الدكتور كنت ماسكة يد مزمل وبقول لي م تخليني...
مزمل طلع وخلاني في المستشفى وببكي جاتني بت لطيفة كدا وكان تعاملها معي راقي شوية شوية كدا ارتحت ليها
بقيت بقول ليها خليك معي احسن من الدكتور..
استمرت فترة علاجي سنة كاملة م كان في زول بجي يشوفني ف المستشفى غير مزمل وخالتو خديجة وتسنيم، فتحي م حصل مره علي ساي ولازول من اهل مزمل
كان دايما الدكتور بقول لي امك اتوفت، وحتى و اني شهادة الوفاة حقتها، اتعذبتا كتير وم بمر يوم الا وانا ابكي
ف النهاية عرفت وصدقت انو امي اتوفت
بقيت ببكي لحدي م اتصلو لمزمل، جاني وكان ببكي زيي واكتر
قال لي روان امك م كتيرة على ربنا، ادعي ليها كتير
قلتا ليهو مزمل امي دي قطعة من قلبي كيف مشت وخلتني مسح على راسي وقال لي استغفري الله ياقلبي امك م كتيرة على ربنا ابدا
مشا طلع أوراق خروجي من المستشفى وطلعت وانا لسة ببكي..
مشينا وصلنا البيت بقيت بعاين فيهو مسافهه
سنة كاملة م شفتو، ياربيي
مزمل كان ماسكني وانا ماشة، حاسة في حاجة متغيرة فالبيت..
العريشة، عملها ياسلام كانت تحفة
اول من دخلنا مسكني من يدي وقال لي م مصدق انك رجعتي وب أفضل حال كمان 💜
عايزك دايما تكوني قوية وتقدري تواجهي اي حاجة
مسكتو وحضنتو شديد اصلي مشتاقة ل حضنو قال لي عندي ليك مفاجأة عاينتا ليهو مسافة 💜💜
وبعد مسافة خالتي جات طالعة من الغرفة 😭💜
ياهو بقيت حاضناها وببكي، بكينا شديد، قالت لي من يوم الليلة انا امك
جانا مزمل وقال لينا خلاص بطلو نكد تعالو نقعد قعدة ظريفة ونتونس، بالمناسبة بكرة ح اعمل كرامة وناس امي حيجو
من قال ناس امي حيجو طوالي غيرتا ملامح وشي، وهو حسا قال لي عارفهم متلومين معاك
عملت روحي لاسمعت ولاشوفت
قلتا لخالتي بناتك كيف كلهم
قالت لي كويسين والله وماشاء الله سهاد ولدت وجابت بنية وسميناها رندا
انبسطت شديد قلتا ليها خالتو عايزة اشوفها النبي🥺
قالت لي الصور في تلفون مزمل، قبلتا لمزمل وقلتا ليهو وريني الصور
فتح تلفونو وشفتها البت كانت جميلة شديد ماشاء الله تبارك الرحمن ختيت التلفون
دخلت الحمام استحميت وخالتي مشت غرفتها
وانا دخلت غرفتي لبست لي جلباب قصير كدا فوق للركبة ومن فوق سير
جيت لقيت مزمل واقف بغير في ملابسو، قلتا ليهو استحمى يعني بتغير بدون حمام مالك وكنت واقفة جمب التوليت الخاته فيهو ارياحي كلها وبشيل وبتعطر، جاني ومسكني من ورا وقال لي انا عارفك زعلانة من امي واختي، وانا زاتي خجلان والله، قبلتا عليهو وقلتا ليهو عادي، اصلا النسابة كعبين ودي حاجة معروفة
قال لي قصدك امي وأهلي كعبين، قلتا ليهو مزمل انت م شايف كعوبيتهم دي؟
سنة كاملة انا مرقدة في مستشفى ماف زول جا مرة على ساي
وغير كدا انا اجهضت ولد ولدهم، كان يجو ويشوفوني، امي ماتت لحدي هسي ماف زول رفع لي تلفون ساي...
يتبع
