آخر حاجة وداني على جهه ملابس النوم وانا مصدومة وبعاين ليهو قلتا ليهو مزمل نحنا جايين هنا لي.
قاطعو سيد المحل وقال لي العروس بتجي هنا ليه؟
هنا مزمل عاين لي ورفع حاجبو ،
وانا قاعدة وهو بجيب لي شوفي دا حلو، وانا خجلانة وبتلفت ماف زول يشوفنا لانو حاسة كدا عيب، وسيد المحل يعجبو يرفع في الانجريهات فوق ويقول لي دا مقاسك، وبعد شوية بدأ يسأل ويشيل في الكلام قال لينا العرس متين، مزمل قال لي عرسنا 😂
سيد المحل بعاين لينا ب استغراب قال لينا يادوب دايرين تشترو الشيلة والله انتو عجيبين
مزمل قال ليهو م علينا، كدي وريني داك..
مسكتو من يدو وبصوت واطيي مزمل انت بتعمل فشنو يود الناس، خارجنا عليك الله من هنا
زحاني منو ولا اشتغل بكلامي، ويشيل وينزل في الحاجات، خما ليهو كوتة لانجري وطلعنا على العربية لقينا الساعة جات ٨
قال لي رايك شنو من هنا نمشي محلل هادي كدا ونتونس براحتنا..
وانا ساكتة وزعلانة من حركاتو دي، قال لي روان..
قبلتا عليهو وانا زعلانة ووشي منفوخ، قال لي وحلاتتي احلى من يكون زعلانن 💜💜😔
قلتا ليهو مزمل، قال لي روحح مزمل قلتا ليهو رجعني البيت..
فعلا دور العربية ومشينا البيت، مشيت دخلتا استحميت ولبستا جلبابة وبفوقها التوب..
جاني ومسكني من نصي وجراني عليهو وقال لي شنو الحلاوة دي كلها؟
بعدين دا شنو التوب الفي نص بيتك دا؟
قلتا ليهو متعودة اصلا البس توب فالبيت، ملامح وشو اتغيرت، وجابني قعدني فالسرير، قال لي كيف يعني تلبسي توب فالبيت؟
جاب يدو ختاها فخدي وقال لي البعرفو انو البنات فبيتهم بقعدو على راحتهم، في شنو انتي، التوب لزومو شنو فالبيت..
قلتا ليهو مزمل عادي يامزمل البس توب بعدين زح يدك دي مني وم تفكر انك تلمسني، إياك انا بحذرك واسكت مني
نفضتا يدي منو وهو كان مستغرب فهيجتي دي وقال لي حصل خير. جعانة؟؟
قلتا ليهو مزمل انت م بتفهم اسكت مني..
شلتا لي مخدة وفرشتا لي فرشة فالأرض ونمتا فالصالة برا..
جاني مزمل قال لي انتي مالك بتعامليني كدا؟
العرس دا مش كان برضاك ولا لا
قال لي قومي ننوم فالسرير وم ح المسك تاني م ترقدي فالأرض.. ولاقلتا ليهو بتقول فشنو
ولا كضب جاني وشالني ورماني فالسرير قال لي المرة الجاية لمن اتكلم معاك اسمعي الكلام، حمرتا ليهو مسافة وشالتني نومة صحيت الصباح ولقيت مزمل لسة نايم مشيت، طلعتا ع الحمام اتسوكت وصليت، وعملتا الشاي
جيت قعدتا فالصالة وبتذكر في اي حاجة كانت بتحصل لي من وفاة ابوي،لحدي م اتزوجت
انا حقيقي مرتاحة كل الراحة الفي الدنيا دي، صح عديت نص يوم مع مزمل بس الراحة الفي قلبي كأني قعدت معاو سنة..
صح هو صاحب فتحي بس م زيو، بعاملني كويس شديد..
بعد مسافة قلتا يا روان اصحي اصلا هي البدايات سمحة كدا بس بعداك بتشوفي نور
في قعدتي دي جا مزمل لقاني قاعدة وسرحانة قال لي هوي ها.. سرحانة وين ولا بتفكري فشنو، قلتا ليهو بفكر ف الكافر الما عندو شغلة بالصلاة دا
قال لي منو دا، انا دا 😥😂
قلتا ليهو نايم ل ٨ قال لي هوى ياها اصحي انا طلعت صليت فالجامع وجيت وانتي الفي سابع نومة يختي
سكتا ونزلت راسي.. جاني قال لي الليلة نطلع نفطر برا؟
قلتا ليهو م دايرة
قال لي طيب نطلب دليفري؟
قلتا ليهو برضو م عايزة
قال لي عايزة شنو؟ قلتا ليهو اندومي النبي🥺
محرومة منها ٦ سنة جيبا ليي
مزمل قال لي كيف ٦ سنة م فاهم؟؟
قلتا ليهو م اكلتها ٦ سنة عاديي
مزمل جا وقعد جمبي وقال لي كيف يعني ٦ سنة م اكلتيها.. عاين لي فعيوني، بعد مسافة دموعي جو نازلات، قال لي روانن؟؟ فشنو يروان؟ مالك بتبكيي؟؟
خلاص م ح اكتر أسئلة وح انزل اجيبها ليك
..
نزل وانا فالمسافة دي كملت بكيتي جا لقاني فالحمام بغسل فوشي، قال لي انتي كويسة؟
هزيت ليهو راسي بمعنى نعم
جاني ومدا لي الكيس عايزة اشيلو منو مسكني من يدي وقال لي دا شنو إثر السوط دا؟؟؟؟؟
يتبع
