خالتي وامي جو قوموني من الأرض
والجيران بطلعو بالحيطة يسألو الحاصل شنو
لأول مرة فتحي م يمد يدو علي،
خالتي بقت تقول لي الجيران ماف شي ماف شي، جانا خبر زول عيان بس
امي قومتني من الأرض، ومشيت جوه غيرت هدومي، وجيت قعدتا من امي وخالتي، وكلنا ساكتين وسارحين في محل ابعد من بعيد،
بعد شوية خالتي قالت لينا العروس شكلها حبابا، امي قالت ليها فعلا، بعد شوية بقو يتونسو عن نفسهم، قمتا اتسحبت من جمبهم، براحة ومشيت ل فتحي، قلتا ليها اديني تلفونك عايزة اتكلم مع رؤى، قال لي خير؟ قلتا ليهو مشتاقة ليها قال لي م تلحقي تشتاق ليها الا ٩ مساء، م حتكون فاضية ليك اصلا ولا ل مكالماتك، بتصل ليك ليها الصباح طيري من جمبي، مشيت طلعتا امي شافتني طالعة من باب حوش فتحي، قالت لي احي منك ياروان، مشيتي ليهو تاني بهناك لي، قلتا ليها ولاشي، دخلتا وقفلتا باب الغرفة على..
نومة وحدة للصباح، صحيت الصباح جاني فتحي قال لي هاك اتكلمي مع اختك، مسكتا منو التلفون ورجعتا غرفتي وقفلتها علي، وانا ببكي ف التلفون، وهي شغالة تقول روان بتبكي؟ لا م مصدقة؟؟
قلتا ليها فتحي عذبنا بارؤى النبي تعالي وجيبي معاك راجلك وبتك، بقينا م طايقين عشتنا، اتخيلي أمس قال ل امي م تخليني انسى انك امي، رؤى قالت لي حسبي الله ونعم الوكيل في الولد دا، بجيكم اديني اسبوع كدا ارتب اموري وقفلت مني، قشيت دموعي عشان م يحس ب اني كنت ببكي وطلعتا اديتو التلفون...
قاعدين فالفطور كدا انا وخالتي وامي، مسكني من شعري كالعادة المعتادة وجراني، قال لي يابت الناس انتي كل يوم انا لازم اضربك، قلتا ليهو انا عملتا شنو ياافتحي، قالت لي اسكتي عليك الله، امي وخالتي قامو من صينية الفطور ويسألو فيهو عملت شنو، بعد مسافة سمعهم تسجيل المكالمة، والتسجيل كان فيهو "فتحي عذبنا بارؤى النبي تعالي وجيبي معاك راجلك وبتك، بقينا م طايقين عشتنا، اتخيلي أمس قال ل امي م تخليني انسى انك امي، رؤى قالت لي حسبي الله ونعم الوكيل في الولد دا، بجيكم اديني اسبوع كدا ارتب اموري"
قال لي رؤى حتدقني ليكم مثلا، ضربني كف لمن وقعتا على الأرض، مسك التلفون واتصل تلفون شكلو مزمل لانو فتحي قال ليهو، نعقد الجمعة طوالي يامزمل، جيب وليانك وتعال
قبل علي وانا واقعة ف الارض، قال لي اختي الحتجي بعد اسبوع انتي زاتك م حتحضريها، خالتي وامي جو يتكلمو معاهو قال ليهم لو سمحتو، م عايز كلام مع زول....
الجمعة كان بعد يومين بس، لانو الليلة الأربع
دخلتا جوه وقلتا يعني بعد يومين ح ابقى في ذمة راجل م بعرفو، يخسي وبقيت اضرب في نفسي وانا واقفة فالمراية، يالله ياربي انا بقيت م قادرة اتحمل قسما م فيني طاقة..
نمتا مسافة وصحيت
طلعت من غرفتي كانت الواطة عايزة تمغرب كدا لقيت امي وخالتي مافيشين، فتشتا البيت كلو مافي، وفي صوت كواريك برا م طبيعية
عايزة اطلع الشارع اشوفهم داخلين، قلتا ليهم كنتو وين؟ خالتي قالت لي فتحي عامل مشكلة فالشارع مع راجل كبير ، قلتا ليهم كيف؟
قالو لي عضة الراجل الكبير لمن سنونو ظهرت في يد الراجل هسي مسعفنو
قلت ل امي ولدك دا بعد دا شوفي ليهو مصح عقلي لانو مستحيل يكون نصيح
امي زعلانة شديد، حتى خشمها م قادرة تفتحو
دخلت جوه الا مثبتينها تثبيت، قالت ياوجعتي فالدنيا دي، انا خلاص فترت من الحياة دي يااختي، تعبت والله م فيني طاقة اعيش..
فتحي دخل جوه لقانا قاعدين قال لينا اسمعوا هنا تاني لو اتماوت مع زول برا ماف مرا تطلع من البيت دا سامعين ولا م سامعين..
مشيت صليت المغرب وبقيت بدعي ربنا يهدي فتحي..
قمت من المصلاية، جانا تاني قال لينا بكرا حيجيبو ليكم حاجات العرس كلها كاملة مكملة..
خالتي قالت ليهو دا شنو العرس الكشا مشا دا
قال ليها انتي م دخلك انا بتكلم مع امي واختي
