أحببت عبدتي 😍 💞🔞

الحلقة 2

خرج من اجتماعه متوجه لبيروه وقفته سكريترته تحكي : سي أمير.. سي حسان موجود في بيروك يستنى فيك
امير : باهي.. مش لازم تدخلي الملفات تو بعدين نشوفهم
السكرتيرة: حاضر سي أمير
دخل و سكر الباب وراه .... لقى بوه واقف قدام الشباك دار عند ولده يتبسم : مرحبا ولدي الغالي كيفاه تعدى اجتماعك.
الراجل تقولش عليه مش في الخمسينات.... وهرة و ضخامة حتى امير نسخة منه في كل شي الا لون عينيه ورثهم من أمه ... قدم عنده خطوات و حط يديه في مكاتبو : كيف العادة بابا
حسان : نعرف ولدي قدها
أمير: هه عيشك بابا... أما مقتليش سبب الزيارة المفاجئة
حسان : راني في رزقي امتى نحب نجي ههه
أمير: بالطبيعة اما مش عويدك تجي في الوقت هذا....صارت حاجة ما في باليش بيها
حسان : لا ان شاءالله ميصير كان الخير اما..
أمير: اما شنوا بابا
حسان : جيتك بخصوص موضوع مهم نحبك تسمعني بالباهي
امير: باهي...اجى نقعدو قبل
قعدو عالفوتايات مقابلين بعضهم حسان متوتر شوي و أمير لاحظ الشي هذا
امير: بابا تفضل احكي نسمع فيك
حسان : اسمع ولدي ... انا كبرت و مبقاليش برشا في هالدنيا و نحب قبل منام عيني
أمير : اللطف عليك بابا فش قام لكلام هذا توا
حسان : متقصش عليا عيش ولدي .. انت كبرت و ليت راجل مسؤول على شركات و مشاريع و النهار لكل تعديه من اجتماع لاجتماع... للزم عالاقل كيف ترجع لدار تلقى لشكون تشكي همومك و يخفف عليك تعب النهار
أمير عرف بوه وين يحب يوصل : انسى الموضوع هذا من بالك مستحيل ...الدوسي هذا سكرت عليه من هكي الليلة
حسان : عالاقل جرب على خاطري نهون عليك نموت قبل لا نرى حفيدي
حسان يعرف الي ولده منحي من مخو هذا الموضوع اما لازم عليه ..
امير : اللطف عليك بابا فاش قام لكلام هذا توا .. و كانك على شكون يشاركني همومي هاو عندي انت و ريمة و مالك
حسان : نعرف اما لوقتاه باش ندومولك احنا و ربي قرب يهز أمانته..ماتحرمنيش من حفيد عيش ولدي
أمير: بابا الي عندي قلته.. و ماعادش تجبدو الموضوع هذا
حسان كي عرف الي ولدو مش يتراجع في قراره لقاها الفكرة الوحيدة الي ممكن تخليه يراجع روحو....حط يده على قلبه و سكر النفس بش وجهو حمار....وبدى يتنفس بالقوي...و يحل في قفالي الشوميز ....هنا تفجع أمير و قدم من بوه...شدلو يدو بين يديه و يحكي : بابا بابا شبيك ...شنوا صارلك؟
و الاخر مكمل في التمثلية متاعه : م م ماء
زرب أمير عبالو كأس الماء ....عاونه بش يشرب و تكاه التالي عالفوتاي
امير: بابا تحب نجبلك طبيب
حسان : لا لا مش لازم .... هاك تشوف في حالتي ياوليدي...فرحني بحفيدي قبل منام عيني
أمير فاق يتمثيلية بوه اما محبش يبينله
امير: لا لازم يفحصك طبيب ميجيش هكا تبقى و كان تتعاودلك مرة أخرى
حسان جا بش يحكي اما كان يزيد يكبش اكثر بش يفيق بيه....هههه ما في بالوش الي هو فاق بيه صايي ههه
حسان: باهي
درجين و وصلو للكلينيك....شويا وقت و خلط عليه الطبيب قاسله الضغط و عملله تخطيط قلب...و هذا الكل على انضار امير..بعد نصف ساعة من انتظار التحاليل....شافها الطبيب و قال: سي أمير نجموا نحكوا وحدنا في بيرويا
أمير هنا خاف و توتر....بقى يتبع في الطبيب لين دخل...دخل أمير وراه وسكر الباب
الطبيب : تفضل سي أمير اقعد
قعد أمير مقابله : صافا دكتور بابا عنده حاجة مقلقته؟
الطبيب : شنوا بش نقلك سي أمير حالة سي حسان تاعبة شوي لازمته برشا راحة و مضابيكم كان تبعدوه عالستراس و الغش
أمير: معناها حالته خطيرة برشا؟! ينجم يتعالج؟
طبيب : شوف سي أمير الحالات الي كيما هكا معندهمش علاج محدد الي ساهم في العلاج هو الراحة النفسية و كيما قتلك لازم يبعد عالضغوطات النفسية
أمير: مفهوم دكتور...ينجم يخرج توا؟
الطبيب: الليلة لازم يبات عنا بش نتاكدوا من صحته و غدوه تنجموا تخرجوه
امير: اوكي....مرسي
و خرج...رجع للبيت الي فيها بوه...دقدق الباب و دخل...يلقى بوه ممدود عالفرش...تبسم و قرب منه يحكي : سامحني بابا هذا الكل جرايري
حسان: هذا مكتوب يا وليدي...شنوا قلت توا في هاكي لحكاية
أمير: مش وقتها توا المهم انك تقوم لباس
حسان : نحب نتهنى عليك هاك تشوف في حالتي
امير: اللطف عليك...باهي بش نعمل الي قتلي اما اعطيني شويا وقت نشوف طفلة باهيا و نعرس بيها
حسان فرح برشا من كلام ولده لو كان يلقى يقوم يشطح اما ميجيش توا : انا لقيتلك بنت لحلال الي تناسبك أنت قول ايه بركا
أمير: شكون هذي نعرفها ؟
حسان : لا ماتعرفهاش بنت واحد صاحبي... طفلة زين و عقل و تربية..ليوم تقابلها في مطعم *****
أمير ماعجباتوش فكرة انو بوه هو لي يختارلو اما محبش يعارضو
أمير: باهي..توا ارتاح هاني خارج نجيبلك الدواء الي وصى عليه الطبيب و نرجع
هزلو براسه ايه...اول ماخرج أمير...دخل الطبيب يضحك : اااا شنوا عملت؟
اطرشق حسان بالضحك: هههههه و الله وحدك ياصاحبي الطفل وافق طول شقتلو...وجهو اصفر بكله ههههه
حسان: حتى شي جيست تبعد عالغش و الستراس اكهو...طلع يخاف عليك برشا ههههه
( نعرف الي انتم داخلين بعضكم ايجوا نفهمكم..... الطبيب هو صاحب حسان من قبل...كيف كان يفحص فيه قرب من وذنه و حكاله لحكاية باختصار و طلب منه يقول لأمير اي حاجة بش يخليه يوافق....وهذا الي صار بالضبط)