أحببت عبدتي 😍 💞🔞

الحلقة 11

حبت تبدل شوي لبست شورت قماش فالفيولي....شوميز فلوري فالروز بودر و الفيولي....سبادري ابيض ......ساكادو ابيض زادة....عملت شوي قلوس على شفايفها....و خلت شعرها مفتوح.....خرجت بش تقدم مطلب للحكومة لا هههه قصدي شتشاور للة سامية....تلقاها قدام التلفزة تتفرجعلى مسلسل.....
ميسون: امي هاني خارجة
سامية : وين على خير
ميسون: ماشية انا و سيلين للمول الجديد
سامية معوجة فمها : منين بش تجيبو حق الدبش... بوك عطاك
ميسون: ههه لا ماشيين نتفرجوا في الموديلات بش نخيطوهم عند وحدة من خياطات الحومة
سامية : هههه امشي امشي....
ميسون ماخلتهاش تكمل : هيا باي امي
سامية : ااارجع ترص شد بيتك
ميسون : امان امي علاه هكا
سامية : ما شاورتش بوك جايا ليا انا و بعدين توحل في راسي يبقى يعارك فيا ماك تعرفوا ما يحبش الدخول و الخروج برشا
ميسون : هيا عاد سمسوم ماني نعرفك تنجم روحك معاه
سامية: امممم زيد كلني بالهف
ميسون: شقلت توا
عملتلها براسها اوكي جرات باستها من خدها
ميسون : يا احلى سمسوم في العالم
خرجت من الدار تدعي في ربي تكون سيلين حضرت و تستنى فيها مش كيف كل مرة تبقى تستناها وحدها كيف البومة تتفرج عالماشي و الجاي...ماهي تعرفها كان بدات فيها خرجت تبقى تلبس و تزين و تنسى حتى روحها.....و كيما كل مرة وصلت ميسون للكافي و مالقاتش سيلين....اختارت طاولة على الشارع بش تنجم تشوفها كي توصل....تعدات ربع ساعة و ما جاتش قلقت حتى من القاطو لي طلبتو كمل...قالت خلي نطلبها
ميسون : اولووو وينك يا سخطة ساعة و انا نستنى
سيلين: لحضة قربت نوصل
ميسون : لا صدقتك
سيلين : دقيقتين و نكون عندك و كان ماجيتش اعرف لي انا هربت معى واحد من البوقوسات....
ميسون: ههههه و بية لشكون تخليها
سيلين: نخليها ليك ولا حتى هي مش ناقصة زين مزلت صغيرة تنجم تدبر واحد شايب تكمل معاه
ميسون: ههههههههه شتخرف يا طفلة
سيلين قاعدة تمشي و تحكي اصلا مش عارفة شنوا تحكي المهم ما تشلقش بيها ميسون الي هي مزالت ما خذاتش الكار و الله تقتلها نورمال : ههههه شي شي طلعلي السكر مالبقلاوات لي نشوف فيها
ميسون : هههه باهي ازرب روحك
كوبات عليها و قعدت تدور في رأسها تتفرج عالكافي عجبتها ياسر تحفونة و مشرها...لين تلاحظ شخص قاعدة يخزر فيها....هبطت رأسها تبربش في التلفون و باقي حاسة لي فما عين عليها دورت رأسها تلقاه نفس الشخص مركز معاها رجعت للتلفون....شوي و تحس فيه قاعد بجنبها قول لاصق فيها بعدت عليه مطافيتو...زاد قربلها...عيطت في وجهو
ميسون: لاباس ماهو
.......: ايه الحمد الله و انت صافا
ميسون : و الي يشوف وجه كيف وجهك كيفاه تحبو صافا
هز يدو بعدلها خصلت الشعر لي طاحيا على وجهها.. تنرفزت اما حبت تبقى هادية بش ما تلمش عليهم لعباد
ميسون و هي ترص على سنيها : هبط كسرتك ماعادش تحطها عليا احسنلك
.......: اووو القطوس طلع يخبش
ميسون: و يعض زادة كان ما تنزلش يدك
هبط يدو من شعرها و حطها على فخذها....تنطرت واقفة.....وقف في جرتها حاول يلسق فيها....هزت يدها لسماء و تنزل عليه بكف دورلو وجهو للجهة لخرى.....حمارو عينيه من شوفت الناس لي تخزرلهم و الكف لي كلاه منها.....دور وجهو بزربة يسب فيها و في نفس الوقت حاول يرجعلها الكف...أما يعيا وهو يقبض....شدتلو يدو و تزيد تعطيه ضربة بين ساقيه في متاعه...جابته يتسكك في الأرض....بعدت عليه بخطوات كي عاود وقف
.......: يا ******** اليوم &&&&&& جدك هنا
ميسون : لا محسوب قعدتلك ماهو هو
زربة هزت ساكها قربت منو وهو قاعد يتوحوح زادتلو ضربة في ساقو و تعدت خارجة......
اول ما حطت ساقها البرا شدتها جرية من غير ما تتلفت وراها....حبست كيف عرفت روحها بعدت عليه و معادش ينجم يلحقها....تخبت ورى حيط تنهج....شادا ركايبها
ميسون: اه ياربي قريب متت مالخلعة.....الهم الساقط الله لا تباركله اما بردت فيه قلبي اياه....أما برجولية و بيناتنا ميسونة نشهدلك عالقوة لي عندك ههههه مافيباليش بروحي عندي القوة هاذي لكل.... اه نشالله ما فسدتلوش مستقبلو و يبقى باير في جرتي ههههههه ميساليش خلي يتربى بش معادش يدور ببنات الناس....
حطت يدها على قلبها تهدي فيه....تلفتت وراء لحيط حبت تتأكد اذا لحقها ولا....و هنا كانت الصدمة ياجماعة....تلقاه متكي عالحيط من الجهة لخرى مكتف يديه لصدرو عاقد حواجبو يخزرلها
......: ممممم قوية لحق نستعرف بيك
ميسون مصدومة متوقعتش تشوفو : اش اش اشتعمل هنا
.......: انا لي لازم يسأل؟؟؟
ميسون جيست حالا فمها تخزرلو و ترمش بزربة فعينيها : ........
........: نعرف لي انا وهرة و زين اما مش باهيلك تبقى هكا ينجم يدخلك الذبان
ميسون فاقت على وضعها حطت يدها في حزامها : ياخي تبع فيا
.......: مش نتبع فيك اما عندي بيك مصلحة
ميسون: ههههههههه اوووو أمير المالكي و ما ادراك عندو مصلحة بيا
أمير: مممم تنجم تقول اما بش تكون مرضية للطرفين
ميسون : اولا خلينا نصفوا حساباتنا لقديمة
أمير: اما حسابات
ميسون: قبل غلطت في حقي ولازم تطلب السماح
أمير: هههههه انا شنطلب منك السماح ؟؟؟
ميسون : نورمالمون لي غلط يطلب السماح
أمير: غير تعيا و انت تقبض....و توا امشي قدامي عندنا هدرة أخرى
ميسون: ما نمشيش
أمير: في كل الحالات بش تمشي يا بالقوة يا بسياسة و ما نتصورش كان بش تحب القوة....هز حاجب و هبط لآخر....مش هكا
ميسون زفرت بفدة : قول هنا علاش نمشو لبلاصة أخرى
أمير: ماتجهلنيش تحرك قدامي
ميسون : اوووف ياربي
أمير: سكر فمك و قدامي يلا
ميسون : اسمع ياسيد معادش تعلي صوتك عليا...و مانيش جاية معاك
أمير: نبهتك اما الظاهر ما تفهمش بالحسنى....
كبساها على مرفقها يكركر فيها قدامو
ميسون: تي سيب يا هم
أمير: امشي و ضم فمك
ميسون تحاول تفك في يدها : سيب نعرف نمشي وحدي...وجعتني
رخف يدو عليها حطها في جيبوا يتمشى وراها.......
هي تمشي و تتنفض و هو وراها يراقب في تحركاتها....
**أمير يحكي :
تعدات ساعة تقريبا و انا غاطس في الخدمة..... ارتحت وقت كملتها....توحشت المسخوط هذاك عندي شهور ما شفتوش....مالك اقل حاجة نجم نقولها عليه هي اخ بالنسبة ليا....عديت معاه صغري لكل و مزال مكملين.....
دخلت للبلاصة لي تفقنا نبقاو فيها...بلاصت العادة و العوايد كيما تقول جداي ههههه الكافي الي شهدت على فصايلنا و عمايلنا لكل.....لقيتو قاعد يبزنس في البنات كيف العادة....
أمير: متنجمش ترحك عينيك كيف الخلق.....
مالك : اهلا بسيدنا الشيخ
أمير: زيد *****عليا
مالك : ههههه ايجى نسلم عليك يا ^^^^^ توحشتك
سلمنا بالتعنيق و كيف لعادة يحب يمسطهالي بالبوس يعرفني نكرهو....
مالك راخي روحو على الكرسي: ايه سي أمير شنوا حوالك
أمير: اووووف ما تفكرنيش
مالك : شنوا شامم ريحت حسان في الحكاية
أمير: اااا وي شكون من غيرو يفسدلي في جوي بحجة يحب مستقبل باهي.....مافهمتش مستقبلي ولا مستقبلو
مالك حاط صبعو على فمو: استنى ستنى خليني نفكر.....اه ايه ماتكون كان هاذي
وقف استوى مريوله نفخ صدره....حط يديه في جيوبه.....حمحم هههه يقلد في بابا : عيش ولدي انا نحب نتهنى عليك مع بنت لحلال لي تناسبك....انا كبرت و نحب نشوف صغارك قبل ما ربي يهز أمانتو ......هههههه مش هذا الموضوع
أمير و الله تقول عايش معانا تي من وقتاه يتجبد من عندنا هو : اي اكزكتمون
مالك : ايه و شنوا عملت
حكيتلو لي صار الكل....و مستحيل نكمل نحكي من غير ما يقص عليا بتعليقاته التافهة......
أمير: هاو شصار
مالك : يا صديقي اش هذا فيلم بعنوان صدفة جميلة و أخرى قبيحة
أمير: شكون لقبيحة؟؟
مالك: هذيك فدوى ولا شنوا اسمها و الهاملة تع ليلى
أمير: مممم و الجميلة
مالك جى يحكي وقفتو بيدي على شوفتها....هي الفرخة شتعمل هنا و شكون لي لاصق فيها...نراقب فيهم و بالأخص هي كيفاه تحكي و ترص على سنيها كي لمسلها شعرها.....كبست عالكاس لي فيدي وقت شفت يده على فخذها و رخفتها كيف عطاتو كف دورتلو بيه خليقتو......بقيت نراقب فيهم لين شفتها خرجت...وقفت نزرب لاحقها....وقفني صوت مالك ينادي : أمير وين ماشي
أمير: لخطيبتي
مالك: شنياااا
طفيتو و خرجت نجري لاحقها....لحقيقة انا نمشي و هي تجري مامبا تلفتت....شفتها دارت لزنقة...اكيد شتتخبى....كيف وصلت حبيت نشدها طول اما وقفني كلامها....ههههه هبلت تحكي وحدها و تشكر في روحها.....اول ما دارت عندي شديت ضحكتي بسيف على منظرها....وجهها صفار...ماتوعقتش تراني هنا....هاربة من شخص لقات واحد آخر.....تعرفوا بقيت لحديث....
انا قررت تكون هي المرى لي نقدمها لبابا على اساس خطيبتي....توقعتوا نساير بابا...جيست وقيت نلهيه بالخطيبة المزعومة حتى نلقى صفقة جديدة ولا حاجة أخرى نجبرو بيها يخلي شركتنا الطول حتى نزيد نكبر شركتي.....

************

أمير: تمشي و تردس برجليك ما تعبتش
ميسون: شدخلك نمشي بساقيك
أمير: زايد لحديث معاك
ميسون دارت عندو حاطة يدها في حزامها : بلكش ميتة على الحديث معاك مش انت جايبني تكركر فيا.....
أمير: هاك تمشي وحدك شكون كركرك
ميسون: اووف
أمير وهو يفتح في باب الكرهبة : ينفخ عليك حنش...اركب ماعنديش نهار و طولو ليك
ميسون : صبرك يا ربي.....خلينا ندخلوا للكافي و نحكوا علاش نمشوا من هنا
أمير: راجعتلو بساقيك تحبو يدقدقك بطريحة
ميسون بالستغراب : على شكون تحكي؟!
أمير: على الطفل لي فسدتلو مستقبلو و خليتو باير..و كملها بغمزة
ميسون : اااااا مش مشكل هاك معايا
أمير: و انا شدخلني
ميسون : ووه ماكش بش تدافع عليا
أمير: ما قلك حد ادخل في مشاكل
ميسون : زايد طرف جنتلمانية ما تكسبهاش
أمير: الله غالب و توا تحرك اركب ماعادش وقت...
ميسون ركبت و لحقها هو...طريق كاملة ساكتين هي دايرة للبلار تسب فيه بين شفايفها وهو يخزر لطريق و ساعة ساعة يجاوب على ميساجات في تلفونو.....
وصلو للكورنيش وين تلاقاو آخر مرة ( وقت قاللها انتي كذابة....تفكرتوا...) فما كيف السور قصير قعدوا عليه.....
ميسون: تفضل على شنوا تحب تحكي
أمير: عالخطبة
ميسون: اما خطبة !؟؟!
أمير: خطبتها انتي و انا
ميسون : هههه وقتاه تخطبنا
أمير: من غدوة
ميسون: تتمقصص عليا
أمير: لا...عندي ليك عرض
ميسون: اما عرض!!!
أمير: تكون خطيبتي لمدة ثلاث شهر ....
ميسون : نعم نعم بابا.....علاه
أمير: سكر جلغتك قتلك الف مرة متصيحش في حضوري....و ما تقصش عليا كيف نبدى نحكي
ميسون : حتى انت اعرف شتحكي شمعناها خطيبتك ثلاثة أشهر اكهو
أمير هاز حاجب و مهبط لاخر : تحب أكثر
ميسون : لا محسوب ميتة عليك ما نقبلش نكون خطيبتك حتى نهار
أمير: بالحق
ميسون : ملا نكذب عليك
أمير: و كيف نقول الي تنجم تربح فلوس تخليك تبدل حياتك شنوا تقول
ميسون فاتحة فامها و عيونها قرب يخرجو : ....
أمير تبسم على شيرة : هه السكوت علامة الرضا و الفلوس تبدى القرارات الكل مش هكا
ميسون فاقت من حالتها و شعلت : اما فلوس و اما سكوت تحكي عليهم ماشي في بالك الناس لعبة بين يديك تشري فيا بالفلوس ماشي في بالك ****** نتغر بيهم لا يا سيد عمرها ما كانت الفلوس كل شي و لا باش تكون
أمير: اما هذا حقك على التمثلية لي باش نعملوها
ميسون : علاش نعملو فيها من الأصل
أمير: حكاية ما تخصكش..قول يا تقبل يا ما تقيلش
ميسون : لااااا ما نقبلش و عمري ما نقبل
أمير وقف و يديه في مكاتبه : اممم اخر قرار
ميسون: وقفت مقبلتو : لا محسوب شتبدلهولي انت قراري
امير: اوكي