هبطت من التاكسي تجري...دموعها على خدودها...اول ما سمعت الي بوها تعكرت حالتو و لازمته عملية ايرجونت...و هي على هالحالة....دخلت تجري للكلينيك سألت اول فرملية قابلتها على غرفة العمليات....لقات بية محضنة سامية لي تغرد بالصوت على راجلها و تدعي في ربي يرجعهولها.....و سيلين واقفة بجنبهم...كانت مستحقة حتى هي شكون يحضنها جرات لسيلين ترمات في حضها تبكي و تشهق...دقايق و سيلين تمسحلها على شعرها و تسكت فيها حتى هدات...
بعدت عليها مسحت دموعها...شافت للفاليز و شافت لسيلين...
ميسون: جبت لفلوس صايي...ما خرج حد و طمنكم على بابا
سيلين: لا....اوروزمون جبت لفلوس...ريقي شاح بش قبل يعمل العملية....
ميسون: اولويتهم فلوس صحة العبد ما عندها حتى معنى ليهم...
سيلين مدتلها اوراق: خوذ هاذم و برا للرسبسيون لي في الطابق هذا خلص و ارجع....
ميسون عملت نظرة على امها لي تكالمات تقريبا... و كملت طريقها....فيسع ما فرزت لاومور خلصت و صححت على الاوراق...و رجعت لعندهم....تلقى حتى عمها ديجا وصل....قعدت جنب امها تساند فيها عالبكى....تعدات ساعة و ساعتين و ثلاثة و مازال ماخرج...توتروا اكثر و توسوسوا لتكون صارتله حاجة وسط العملية.....سامية ساقيها معادش رافعينها مانجمتش تاقف.....و ميسون ماشي جاية تحرث في القاع...و البقية يخزرولهم اكهو مش عارفين كيفاه يسكتوهم ولا يطمنوهم... هما بيدهم مقلقين....
و اخيرا تفتح الباب و خرج الطبيب.....تنطرت قدامه ميسون تستفسر....
ميسون: قلي بابا لاباس...ما صارله شي مش هكا؟؟؟
الطبيب: الحمدلله على سلامته....العملية نجحت بامتياز....
ميسون هزت يديها لسماء تحمد في ربي: حمد و الشكر ليك يا رب....الحمد الله و الشكر لله لي رجعت الغالي....
ملي كانت حالة حزن ولات فرحة....سامية كن فرحتها بدات تزغرت و نسات انها فالكلينيك....
ميسون بفرحة تحكي مع الطبيب: وقتاه نجموا نشوفوه...
الطبيب: مزال ما فاقش مالبنج....يكون من المستحسن تخلوه مرتاح و يفيق بعقله من غير ما تعملوا جمجمة بجنبه...
ميسون: اوكي اوكي لفايدة انه لاباس...
طبيب: لاباس...بقدرت ربي جمعة اخرى يبدى ينقز كيف لحصان....
ميسون: ان شاءالله من فمك لربي...تفكرت الفلوس...اه حقا دكتور كل شي مريقل من غير ما نبقى نخلص بالتقسيط....
الطبيب عمللها اوكي بعينيهو تعدى مكمل طريقه لبيروه.....
حست بحد حضنها من وراء...تلفتت متبسمة....شكون من غيرها عشيرتها.....دارت لعندها حضنو بعضهم و نفلقوا بالبكى الزوز....وحدة لفرحتها برجعت بوها من الموت....رجعت الغالي كيما تقول هي رجعت سندها لي تتكى عليه وقت تضيق عليها الدنيا....و لخرى تبكي لفرحت اختها و وجيعتها على بوها لي هزته الموت قبل ما تملى عينها من شوفته....
قص عليهم صوت التلفون لي نوقز....مسحت ميسون عينيها من الدموع...و جبدته...تخزرلو و تخمم لشكون الرقم هذا اما شي...وقت سكت رجعته لجيبها....عاود نوقز مرة و ثنين طفاته....فددها هزت بزربة تعارك...
ميسون: ياخي ما تفهمش ماجاوبتكش معناها ما نحبك نحكي معاك....الهموم ما تفهمش وحدك الا ما يبخسك الواحد....مع جاها صوتو في التلفون تبكشت
أمير: كملت؟؟؟
ميسون تالفة: لا ...اه...ايه....تي منين جبت رقمي؟؟؟
امير: مش مهم.... الحمدلله على سلامة بوك...الحمدالله كيف نجحت لوبيراسيون
ميسون حلت عينيها صحافي تدور على روحها و تتلفت يمين و ياسر: كيفاه عرفت تراقب فيا ؟؟؟؟؟
امير: ذكية بسلامتك
ميسون: تتمقصص عليا...جاوبني
امير: مش هذا موضوعنا...عندنا كلام اخر
ميسون: في شنوا
أمير: حاجتي بيك ليوم....بعد العصر تكون عندي...
ميسون: تفدلك؟؟!!!
امير: لا
ميسون: ياخي بشر انت تفهم ولا ما تفهمش...بابا مزال كي رجع من الموت تحبني نمشي و نخليه
امير: موش وحدو عندو شكون يتلها بيه..و ماتنساش شروط العقد وقت نطلبك نلقاك
ميسون: الله يلعنك انت و العقد و الشروط....
امير : وقت نتقابلوا نتفاهموا عليها...كيف ما وصيتك بعد العصر تكون عندي...
ميسون نفخت بفدة....حطت صوبع يدها على رأسها تعملو في ماساج....
امير: اوكي...نبهتك التأخير ممنوع..باي
جا يكوبي عليها وقفته: هاي هاي ستنى وين نجيك لدار ولا لشركة
امير : للدار
كوبا عليها و خزر لمالك لي يتبسبس.....
امير: شبي سماك يدغدغو فيك...تضيحك عندك ساعة....
مالك : و الله عشنا و شفناك بش تخطب...لعقبة للعرس و الذرية الصالحة
أمير : اما صالحة تع دين امك....انا نقلك بيناتنا عقد...تكمل تمشي على روحها و انت تقلي عرس و ذرية تع بوك
مالك : ههههه...غير خليها للوقت ا صاحبي
أمير نفخ بفدة و دور عينيه فالسماء....مطفيه يقرى في أوراق لواحد من مشاريعه...
مالك:حقا....لمشروع مع خالد عملتله دراسة... صراحة خدمتهم توب...علاه ما تطلبش التمويل منه
أمير: مازال ما عتيطوش ثقتي.....
مالك : علاه شاكك في حاجة....
أمير: مش مرتاحلو...مازال ما تفاضيت بيه و نبشت وراه
مالك: ايه عندك حق تلهى فميسونة...
امير: تقلب منظرك من قدامي مش خير...كان مازال حاجتك بوجهك...
كان وقفله حبسه مالك بيديه الزوز: لا علاه تعب في روحك...هاني خلتهالك....هههه عندي سهرية مازال حاجتي بروحي.....
VOUS LISEZ
أحببت عبدتي 😍 💞🔞
Historyczneقصتنا تحكي على طفلة تقرى طب👩⚕️ عايشة مع امها 👵و بوها 🧓الي يقرر انها تخرج في موعد مدبر💕 مع واحد من أهم مالكي العقارات 🏙في تونس الي هو زادة فرض عليه بوه بش يخرج في موعد مدبر ، و بسبب مشكلة صارت معاهم في السابق حب بطلنا انو ينتقم 😈منها بأنها تكو...
