أحببت عبدتي 😍 💞🔞

حلقة 21

خلي نسرعوا في الأحداث شوي...و نقدموا بقصتنا لشهر.....أما خلي يحكولنا أبطالنا شنوا صار فيه
سيلين تحكي******
هذاك النهار خرجت انا و مالك...تفاهمنا نتقابلوا في رستو جنب لبحر....كيما تعرفوا انا اخترت البلاصة...و بحكم نعرف روحي فيسع ما ندخل بعضي و نخلطها قلت احسن حاجة لبحر....في حالة اني دخلت الدنيا في حيط قدام مالك تضربني نسمة هوا تفيقني.... المهم عدينا نهار مزيان عاللخر...اصطدنا حوت و شويناه مع بعضنا....لحقيقة انا ما نجمت نصطاد شي...حتى جرد السردين الصغيرة هربت مني هههه....مشينا للماناج...و غادي طلقت هبالي بالحق...ما فما حتى لعبة ما ركبتش فيها و لا ما لعبتش فيها....و مالك مسكين مسايرني....محلاه السخطة و قداش جنتلمان....اول مرة نرتاح لطفل بالطريقة هكي...اصلا قلبي اول مرة نحسوا يدق وقت يقربني طفل...ما يمشيش عقلكم لبعيد...حتى شي ما صار بينا...نقصد بقريبة اول نهار تقابلنا فيه في الشركة...وقت لقفني قبل ما نطيح...يا ربي لتوا مش منجمة ننساها... يعني ما نقولش عمري ما أعجبت بذكر....هههه اصلا انا الاولاد لي موجودين فالمسلسلات الكل يعجبوني و المشاهير و من بينهم أمير...لو كان تسمعني ميسون تقتلني... أما مالك كان حاجة مختلفة يمكن إعجاب او حب من اول نظرة ما نعرفش شنوا لازم نسميه بالضبط...المهم خلى قلبي يدق بالقوي كل ما نراه...بالطبيعة ما صارحتوش بهذا الشي لانو لازم ناخذ حذري منو على لكلام لي سمعتوا عليه...علاقتنا مازالت في طور الصداقة....في الشهر هذا قربنا من بعضنا برشا...و عرفنا برشا حاجات على بعضنا....افففف توا عندي نهارين ما شفتوش...زعمة شنوا يعمل... زعمة يخدم...لي مخاوفني انه يكون هامل في وحدة من البارات مع البنات....اوووووفففف
قصت على تفكيري لمخدة لي جات على وجهي...اكيد عرفتوا شكون لي رماها....
ميسون: يا بغلة وين سرحت عندي ساعة نكلم فيك...
انا: البغلة يراها تسكك بين عينيك...شنوا تحبب للة ميسون تفضل..
ميسون: ايجا فهمني هالورقة...ما نجمت نفهم منها شي....كله منك يا سخطة...لا تربحك يا أمير...شكان عليه كان خلاني حظرت للحصة
انا: ما تاخوش عليه يا بنتي...هذاك قلبه رهيف ما يطيقش فراقك...و بوزت شفايفي نتمقصص عليها....

ميسون تحكي ******
طفيتها...صارت عادة عندها تتمقصص عليا في جرت سي أمير الكلب...ايه خلي نحكيلكم شنوا صارلي...هذاك النهار تعدا بطلوع الروح.. الي ما يحشمش خلاني نظف الجنينة بكلها... نحيت الطفيليات و لميت لوراق اليابس لي طايح عالقاع....غرست وردات جدد...لحقيقة زادوا فيها الشطر( الجنينة)... و في لخر طلب مني نسقي الغرس الكل...انا نسقي...و هو شاد جنبي...في اسقي هاذي...في هاذي ناقصها ماء...و في هاذي علاه سقيتها بزايد... الحاصل طيرلي شوية الصبر لي كانت عندي... تلفتتله و نفختوا بالماء مع كان مازال كيف بدل دبشه...تنرفز عالاخر...في رمشت عين خطف مني تيو(خرطوم ) الماء...و رشني بيه انا نجري و هو يجري حتى تنفخت بكلي... لا و زيد الهامل جبرني نروح هكاكا مبلولة نقطر حتى وصلت لدار.....ما يحشمش طرف انسانية ما عندوش....المهم من غدوا روحنا ببابا للدار...لي مازال كي رجعت الروح فيها و مازال كي ضوات...اكيد باش يضويها.... هو بابا الغالي....هو سندي وقت تطيح بيا الدنيا هو حامي ضهري...هو نور عينيا...و أكثر حاجة فرحت بيها...انو قدرت نعطي لبابا حاجة...ماو طول عمري هو يعطيني و انا ناخذ...عمري مارح نندم اني عملت الشي هذا على خاطره....مع اني باش نندم اني خذيتهم من الشخص الغالط....راو دمرني....امير بدى كابوس حياتي...طيلة الشهر و هو مارجلي الكبدة متاعي...رجعت نقرأ بما انو نرجس مساعدته رجعت كانت في كونجي... و مع ذالك ما يخلي حتى وقت ما يتأمرش عليا حتى من الساعة لي يعطونا نرتاحوا فيها و نتغدوا لازم يمرجني عليها...خلي عاد من السوايع لي ميجيش فيهم الاستاذ يطلبني و يشرط عليا نخدم حتى كان مش ليه.... لهاكي الشمطة نرجس...اوفف محملتهاش بالكل... الشي لي محيرني منين يعرف لي انا ما نقراش...تصدقوا حتى السوايع لي كنت ننقب فيهم بطلتهم....وجه الاستاذ و لا وجه أمير و هاكي اللفعة....مررلي عيشتي...و انا نجري بين الجامعة و الشركة و دار سي أمير...حتى دارنا معادش خالطة عليها...لا نرتاح لا ليل لا نهار....ايه صحيح ما خبرتكمش...انو سي أمير مخدمني حتى في نصاص الليالي...يشرط عليا نظمله اوراق و دوسيات...و ساعات يشرط عليا نجيبهملو عقاب الليل...بيان سور كنت نهرب مالدار...مستحيل يخليني بابا ولا ماما نخرج اذا خبرتهم....هذا لي صار...اه لا مزال ما قتلكمش الي انا و ريمة قربنا من بعضنا برشا...طلعت كيوت عاللخر و طبيعتها باهية....مش كيما يبان عليها...انها مغرورة... كل يوم نتقابلوا في الجامعه...أما بوه و امو... لا قصدي مرت بوه...ماو خبرتني ريمة لحكاية من ليلة لعشى ما تقابلناش...لتوا نادمة كيفاه ضعفت الدقيقة هاكي و ما قمتش نتفت الصفرة ليلى...
سيلين: مازلت مطولة للة ميسون...ما عندناش الليل بطوله...غدوة نصبحوا نقروا
انا: سي بون كملت....