أحببت عبدتي 😍 💞🔞

الحلقة 3

بعد ماكملت من الفاك رجعت لدار...اول مادخلت لدار عرضتها ريحة طياب امها
ميسون : مممم مبنها الريحة ياماما
للة سامية: هيا اغسل يديك و ايجى هنا نستنو فيك في الجنينة انا و بوك
ميسون : باهي ماما
كملت غسلت وجها بش تصحصح...غسلت يديها....و خرجت لجنينة....جردة صغيرة وراء الدار بحكم هما يعيشو في حومة صغيرة و ماديا ناس عياشة على قدها.... باست بوها من جبينه و قعدت جنبو
ميسون : شنوا أحوالك بابا؟ ماشية معاك الخدمة الجديدة؟
سي محمود : الحمد الله بنتي نحمدوا ربي و نشكروه...شنوا عاملة في قرايتك
ميسون : الحمدلله
حطت امها لغدى و قعدت جنب راجلها و كل مرة تنخصو من تحت الطاولة ولا تعمله فازا بعينيها و تشير لميسون....وهذا الكل ميسون فايقة بيه...كيف عرفتهم داخلين بعضهم و يحبوا يحكوا معاها اختصرت عليهم
ميسون: بابا تحب تقول حاجة
سب محمود دخل بعضه معرفش شنوا بش يقول...شدتها للة سامية من يده تطمن فيه و قالت : ميسون عزيزتي...احنا كبرنا و متعرفش ربي امتى يهز أمانته...
ميسون : اللطف يامي الله لا يقدر
للة سامية : هذا مكتوب ربي....و احنا يا بنيتي منجموا نامنوك لحد هاك تشوف فيا لا اخت لا خو و حتى بوك زادة مينجمش يامنك عند عمك و ولده الساقط هذاكا....و انت ما شاءالله كبرت وليت تعرف.. مرى ببز و معناها و الف راجل يتمناك...و أصحاب الخير برشا... و فما واحد صاحب بوك يحبك تكون كنته.
ميسون من لول بقات ساكتة اما ملي بدات تحكي عالعرس تنرفزت دزت كرسيها التالي و بدات تصيح : شنوا امي قلقتوا مني؟ لهالدرجة ماعادش عينكم بيا؟ تعطوا فيا لطفل ما يعرفش حتى انا شكون لهالدرجة رخيصة عندكم
و يجيها كف من بوها دورلها وجهها : من وقتاه تحكي معايا بالطريقة هذي... انا خذيت قراري و بش تتلاقوا الليلة في مطعم **** و حتى كلمة ماعاد نحب تسمعها
خرج بوها و هي طاحت في الأرض تبكي.... تهدي فيها امها اما باقي زايدة في البكى....متصورتش يجي نهار و بوها يضربها بكف و على خاطر شكون....على خاطر طفل لا تعرفه لا يعرفها....قد ماعملت امها ما نجمتش تهديها....دخلت ميسون لبيتها و ترمات على فرشها تبكي لين عينيها تنفخت....لعشية رجع بوها لدار سأل للة سامية عليها قتله الي هي من بكري في بيتها و ماحبستش بكى....وجعه قلبه عليها و غاضته روحه كيفاه يهز عليها يده اول مرة يعمله اما حتى هي اول مرة تحكي معاه بالطريقة هذيكا
طلع لبيتها ساق لقدام و عشرة التالي...فتح باب البيت....دخل قعد على طرف الفرش...حط يده على يدها و بدى يحكي: سامحني بنتي ما كانش قصدي نهز يدي عليك
ميسون باقي تشهق اكو.... زاد كبس على يدها
سي محمود : تعرف الي انا منجم نجبرك على حتى حاجة متحبهاش راك ممو عيني...أما خفت نموت و تبقى وحدك
ميسون هزت رأسها و حكات بصوت متقطع : اللطف ع عليك بابا
وعنقته...و سي محمود حط يده وراها يمسح على شعرها
سي محمود : منجبرك على شي بنتي..برى قابله ماخذت خاطر بعد ما عطيت كلمتي للراجل عيب... و احكي معاه ممكن يعجبك و تتفاهموا...و الله نعرفه طفل عاقل و رزين
خممت ميسون شوي...بعد لقات عيب تحط بوها في الخشمة قدام الراجل...بعدت عليه شوي
ميسون : موافقة بابا...سامحني عالكلام الي قلته...مشى في بالي الي انتم ماعادش تحبوني
محمود : يا بهلولة و هو فما واحد مينجمش يحبك
ميسون : هههه
محمود : هههه هيا امسح عينيك...و حضر روحك ميجيش يبقى يستنى فيك
ميسون: باهي بابا
محمود: رد بالك تعمل حاجة تحشمني بيها..راهو ولد عشيري...ماني نعرفك كي تتغشش ماعاد تشوف شي
ميسون: ههه تهنى بابا
اول ماخرج بوها هزت تلفونها و كلمت صاحبتها سيلين حكاتلها لحكاية لكل
سيلين : يااا جو...زعمة كيفاش شكله؟
ميسون: ما نعرفش كي نوصل هتوا نكلمك ابال فيديو تشوفو
سيلين : ههه باقي في مساطتك
ميسون: ههههه هاو انت تحب تعرف شعندي نعملك
سيلين: ميسون
ميسون: مممم
سيلين: يطلعش كبير في لعمر
ميسون: هههه فاش تحكي ياخي....
جات بش تكمل تحكي اما لقاتها ممكن لحكاية
ميسون: سيلين زعمممة
سيلين : ما نعرفش... رد بالك....المهم البس يالقدى من غير هاكا السروال و المريول
ميسون : اااوووففف شنوا بش نعمل كان يطلع كبير
سيلين: مش قلت بوك قال كان ماعجبكش تنجم تبطل
ميسون: ايي صحيح.... باهي توا لازم نحظر روحي ماعادش وقت
سيلين: ممم باهي ما تنساش تحكيلي على كل شي اول بأول
ميسون: هيا طير توا.... باااييي