أحببت عبدتي 😍 💞🔞

الحلقة 25

تعدات ربع ساعة و هي قدام الباب كل ما يتعدى شخص تعمل روحها مزال كي خرجت ولا مزالت كي شتدخل عند أمير..... حتى ترى في سمير جا يمشي في اتجاهها تربثت و بقات تخزرلو ....حتى وصل عندها
سمير: ميسون!! شتعمل هنا
ميسون: ااا امممم شي شفتك جاي هنا و انا كنت جايا لسي أمير ماو تعرف لي هو عيطلي....قلت نستناك ندخلوا مع بعضنا
سمير: اوكي ادخل قدامي للة
ميسون : ههههههه
دقت الباب و دخلت بعد ما خذات الاوكي من عند أمير اكيد..... الي شاف حديثهم...دخلو في اثنين....
سمير: صباح النور سي أمير
أمير: صباح النور سي سمير مرحبا بيك
و قام يصافح في سمير....أما ميسون بقات واقفة و ساكتة...لين خزرلها سمير بمعنى صبح عالراجل...ضحكت ضحكة صفرة
ميسون: صباح الخير سي أمير
أمير: ماو لباس تصبح و تعاود....
ميسون : ها ها ها....عيتطلي سي أمير؟
أمير: لا...هاك داخلة وحدك مع اني نبهت عليك تبقى قدام الباب
ميسون شافت لسمير لي مش فاهم شي و رجعت تخزر لأمير و تحاول تحكي بهدوء: سي أمير عندي قرايا ورايا اذا ما تستحقنيش خليني نخرج
أمير في نفسو: تخرج كان من عقلك
أمير: حتى نكمل مع سي سمير من بعد نقلك
ميسون: اوكي
أمير تلفت لسمير : انت حاضر سي سمير
سمير: بقدرة ربي هكا نقولو
امير: لازم تكون حاضر....و الافتتاح لازم يكون في الموعد المحدد
سمير: ايه اكيد.....قائمة الأطباق اليومية و اطباق المناسبات الخاصة كلها حاضرة...فقط سي أمير نحبك تعطي رايك فيهم
أمير: اوكي ما فما حتى مشكل غدوى حضر اطباقك و انا نذوق
ميسون جات شتقعد....تعبت من الوقوف... شافت أمير خزرلها على جنب رجعت وقفت.... سمير الي شاف الجاست متاعها: ميسون شبيك مزلت واقفة
ميسون : قلت هكا نبقى احسن.....قرينا انو الوقوف برشا يساعد على تسريع الدورة الدموية
أمير: ملا قرايا تقرى فيها
ميسون في قلبها: $##@#$$$%%$$$$#$
سمير: يزي قتلو قرايا...من بعد ساقيك يتنفخو....اقعد
ميسون عينيها قلوب تطاير : اوكي.....مرسي
أمير اكتفى يخزرلهم و هو مطلع حاجبو...
أمير : في شنوا كنا نحكيو
ميسون: كنتو تحكيو الي انت شتمشي تذوق اطباق سمير
أمير طلع حاجبو: طصلح فلاش ديسك
سمير ضحك: ههههه من يوم يومها هكا....لي تسمعو تحفظو....ميسون تتفكر وقت مدير المدرسة كان يحكي في خطبة نهاية السنة الدراسية من بعد تلهى بموضوع اخر....و وقت رجع و قال ايه وين كنت و انتي عاودتلو كلامو بالحرف الواحد ههههههه
ميسون قلبها يدق: ههههههه ايه و قام يصفقلي.....شتعشقو وقت يجبدلها عالصغر متاعهم....ممكن بالنسبة لشخص آخر حاجة تافهة اما هي لا....كل ما يفكرها بذكرة يعني بالنسبة ليها انو عمرو ما نساها....
أمير: احم....من الأفضل الأحاديث هذيا تكون خارج العمل مش هكا سي سمير....و قحر لميسون
سمير: ايه اكيد
امير: نرجعو وين كنا....غدوى مع قداه يكونو حاضرين
سمير: عالاغلب لعشية
أمير و هو يشوف لميسون: وقتاه تكمل غدوى؟
ميسون: علاه؟؟؟
أمير: باش نجي نخطبك
ميسون تعرفو يتمقصص عليها....بدات تعرفو و تعرف وقتاه يتمسخر و وقتاه يكون جدي... عملت روحها متفاجئة : ييييي علاه ما قتليش ابكر من هكا عالاقل نحضر روحي بالقدى
سمير عاقد حواجبو....ما فهم حتى وزة....من وقتاه ميسون تخبي عليه حاجة...خاصة كيما هكا...نطق بصوت اشبه بالهمس: خطبة!!!!!
ميسون : هههههههه جد عليك....ما فما شي
سمير: مالا شنوا يحكي...... تي فهمني
ميسون: سي أمير يحب التمقعير برشا.... المشكلة انو ما تنجمش تميز الفدلكة متاعو من كلامو الجدي...كيما ترى وجهو ديما..... بلعت لسانها وقت دارت عندو و شافتو يتحلف فيها بعينيه...
امير: كمل كمل
ميسون: ههههههه مش لازم...تنجمو تكملو تحكو في خدمتكم....خلي نمشي نجيبلكم حاجة تشربوها
سمير ارتاح بعض الشيء بعد كلام ميسون
أمير: جاوب من بعد اخرج
ميسون: 6 سي أمير
أمير: توا تنجم تخرج
ميسون: اما ما قتليش علاه
عطاها قحرت موت الشي لي خلاها تهرب بجلدها قبل ما ترصيلها في حاجة أخرى...
بعدما خرجت شبشبت شعرها بيديها...تتأفف
ميسون: اوووف يا ربي...ياخي لازم يتفكر الخدمة كان آخر النهار....السخطة هذا....
ضربت ساقها عالقاع و مشات تحضرلهم في قهاوي.....
نمشوا توا لبلاصة أخرى...في قصر المالكي... وين كانت ريمة مزال كي فاقت...دخلت للحمام عملت روتينها و خرجت تختار في لبستها...بعد تفكير طويل و هذيا مشكلة البنات الكل...قررت تلبس سروال بادليفون اسود و معاه مريول ازرق فاتح و معاهم بسكات ابيض و كسكات بيضة....شوي اكسسوارات فضية....عملت شوي مسكارا و gلوس....هزت تلفونها و ساكامان متاعها و هبطت تدندن...دخلت الصالة تلقى صوفيا و ليلى قاعدين كل وحدة مادة ساقيها على فوتاي....صوفيا تورق في مجلة و ليلى تبربش في تلفونها...تقدمت منهم ريمة و حكات فوق من قلبها: صباح الخير
صوفيا و ليلى: صباح النور
صوفيا شافت فيها من فوق لتحت: لباس اليوم
ريمة: حمدلله...و انت
صوفيا: اقعد بنتي شبيك واقفة
ريمة دورت عينيها بملل قداه تكره كلمة بنتي من فمها: لا...شنمشي نفطر و خارجة
ليلى : وين خارجة!!؟؟؟؟
ريمة شافت فيها بشطر عين: و انت لباس ماو تسأل...ما فباليش بلي لازم نشاورك ولا راو شاورتك
ليلى: نو ما كانش قصدي هكا....حبيت نخرج معاك قلقت من قعدت الدار و زيد ما عنديش أصحاب هنا...ااا شقلت
ريمة: في شنوا
ليلى: نخرج معاك؟؟؟
ريمة : اكيد....وقت شافت فرحة ليلى كملت كلامها: اكيد لا
ليلى عضت شفتها تتغزل و شافت في امها: شفت الفرخة كيفاه تعمل
ريمة كانت ماشيا للكوجينة باش تفطر و سمعتها...دارت عندها تتبسم على جنب: الفروخ يعرفو بعضهم عزيزتي..
ليلى زادت غزلت اكثر : ياخي تسمع و ترى فيها و مزلت ساكتة
صوفيا: شنوا تحبني نعمللها بربي...نقوم نضربها توا ولا كيفاه
ليلى: واش خص
صوفيا: لا خص لا معدنوس...تحبني نصبح مطلقة
ليلى: هذا لي ما فهمتوش انا...بابا حسان كل شي يتشاور فيه معاك و الكلمة كلمتك الا مع ولادو وقت يكون الموضوع يخصهم يحبسك.. لا يأخذ ولا يعطي معاك
صوفيا: من يوم  يومو هكا...أما المرة هذيا الموضوع يخص بنتي زادا...لذالك مش باش نسكت
ليلى: الظاهر بابا حسان نسى لحكاية
صوفيا: اما حكاية
ليلى: حكاية خطبت أمير و الفقسة هذيكا...
صوفيا: لا مستحيل...حسان مدام وصل و حط شرط لولدو معناها مش بالساهل تتعدى لحكاية...
ليلى: اما لحكاية عندها برشا توا..مش قتلي عطاه اسبوع بركا وقتها...أما تعدا اكثر من شهر....
صوفيا: زايد تسمع بالمقلوب...عطاه اسبوع بركا حتى يلقى طفلة مش عالخطبة
ليلى: اااااا....جايا في مصلحتي عالاقل..كل ما اجلو لحكاية اكثر احسن....ما نتصورش نهار أمير متصدر مع طفلة بخلافي
صوفيا: ايه صحيح قاعدة توخر لحكاية...أما انت مش قاعدة تعمل في حتى شي...و نتصور أمير ما شفتوش من نهار جا تعشى مع الطفلة
ليلى: شنوا حبتني نعمل ياما...هاو حتى وجهي ما يحبش يشوفو... ولا راني مشيتلو للشركة
صوفيا: اممممم فكرة علاش لا
ليلى: على شنوا تحكي ماما
صوفيا: منو هكا شتبدى تشوف أمير ديما في الشركة
ليلى: كيفاه هذيا...ما كنتش تسمع فيا وقت قتلك ما يحبش يراني قدامو
صوفيا: شعندك فيا انت...اتو ترى
نرجعو لعند ريمة لي قاعدة فالكوجينة تفطر حتى صونا تلفونها....وقت شافت الاسم تبسمت و جاوبت
ريمة: صباح النور
......: صباح الفل للة....وينك
ريمة:في كاباري
......: هذا ما بقالك....شتعمل غدينا على الصباح
ريمة: نشطح شنوا يعمل غاديكا بخلاف الشطيح
.......: ايا تلم قتلو نشطح
ريمة : و انتي ملا أسألة غبية تسأل فيها....
بربي وين تحبني نكون على الصباح و زيد ما نقراش
.......: في داركم
ريمة: برافو هاك طلعتها للة حنين
حنين: نقص من ضمارك و خف روحك هاو قريب نوصلك نمشو نعملو دورة لبرا
ريمة: اوكي....ديجا حاضرة نكمل فطوري اكهو
حنين: نايس