خرجت من الدوش بعد ما كملت توالاتها... شافتها مزالت راقدة كل رجل ملوحة في شيرة...وحدة عالسرير و لخرى عالارض... تبسمت بغبث عالفكرة لي جاتها...مشات لتابل دو نوي...هزت التلفون...عملت مكبر....و بصوت عالي صاحت....
سيلين: ميسونااااااا فييييق....
مسكينة من الفجعة ما عرفتش شتعمل.... تنفضت جات طايحة عالارض و شعرها لكل على وجهها.... و سيلين تفرشت بالضحك على حالتها....
سيلين: هههههههه....وه ياربي....هههههههه
اما ملامحها تبدلت وقت شافت ميسون بعدت شعرها على وجهها لي ملاته ملامح الغضب...
ميسون: ليوم نتفك و ربي كبير.....
سيلين تعمللها ستوب بيديها بعد ما شافتها قصدتها: ميسون عزيزتي ايجا نتفاهموا...
ميسون:قتلي نتفاهموا يا كلبة...في لحضة شدتها من شعرها بعدما كانت هاربة.....
سيلين: ااااا يا ميسون ارخف...شعري بتقطعه
ميسون: ياخي ناوية تطلعلي البو صفير...كل يوم مفيقتني بالخلايع...
سيلين: ارخف الزح يا ميسون...و الله اخر مرة...ما عادش نعاودها....
ميسون: وعد
سيلين: وعد....و في قلبها: وعد كل يوم نفيقك بطريقة سبيسيال...ههههه
سيبتها...و عطاتها فكة بساقها على ترمتها....
و سيلين حطت يدها على بلاصة الضربة تتوحوح....مبعد تبسمت
سيلين: صباح الخير
ميسون قحرتلها: مازال فيها خير....
سيلين حضنتها: يزي عاد ميسونتي منحبكش تقعد قلبة وجهك هكا....هيا اضحك عاد
ميسون تبسمتلها و عطاتها بوسة: صباح نوار الدفلة
سيلين عوجت فمها: بربي...ملقيت كان الدفلة...حتى قحوانة لا....
ميسون: ههههه وحدة بوحدة....رماتلها بوسة فالهواء...و دخلت للحمام...
نوقز تلفونها...استغربت شكون بش يطلبها على صباح ربي.....أما وساعت بسمتها وقت شافت الاسم لموكتوب عالايكرون...حمحمت و جاوبت بصوت تقول متع وحدة مزالت كي فاقت من نومها...
سيلين: الو
مالك ضحك وقت سمع صوتها و حشم ... في نفس الوقت...مسكين ماشي في باله فيقها من نومها:صباح النور
سيلين : صباح الفل...سافا؟؟؟
مالك: الحمدلله...انتي لاباس
سيلين: سااافا
مالك: هيا باهي...احم...تقرى ليوم؟؟؟
سيلين: ايه...علاه؟؟؟
مالك: قلت نخطم عليك...نعملوا فطور مع بعضنا...عندنا نهارين ما تقابلناش
سيلين: اما انا و ميسون تفاهمنا نمشوا للفاك مع بعضنا....
مالك: مش مشكل تمشي معانا...ياخي هي برانيا
سيلين: نسألها قبل اذا قبلت نطلبك و نتقابلوا
مالك: في كل الحالات بش نجيك...حتى كان ما فطرناش...لمهم نشوفك...
سيلين وجهها حمار : اوكي
مالك: باي...بيزو💋
علقت عليه...و تسطحت عالفرش...تتنفظ من الفرحة...خرجت ميسون تلقاها في ذيك الحالة...قربتلها
ميسون: سيلين....لاباس ماهو...ما ركبكش جن
سيلين : ركبني جن الحب...يختي....تعرف شكون كان يطلب فيا...
ميسون: مالك
سيلين: كيفاه عرفت....
ميسون: ماو سيادتك نهار الكل و انتي تحكي عليه...
سيلين: لا علينا....تعرف شقلي...
ميسون: لا الحق ما عنديش جنون يوصلوا لحديث...تي احكي فرد مرة....و انتي تعرف شكون طلبني....تعرف شقلي...تبع فيها و تعوج في كلامها...
سيلين: قلي يحب يقابلني نفطروا....و كي قتلوا نسأل ميسون قبل على خاطرنا متفاهمين مع بعضنا...قلي في كل الحلات بنجيك..المهم نشوفك...شدتلها يديها...
ميسون تتبسم: يعني هو متوحشك...
سيلين: يعني.....
ميسون: يعني بدى يحبك يا بقرة....
سيلين: ايه ممكن...يحكوا..شدين يدين بعضهم و ينقزوا...
ميسون: هيا مالا حضر روحك قبل لا يجي...
سيلين: و انتي
ميسون: شبيني انا
سيلين: ماكش بش تجي معانا...
ميسون: لا اختي شدان الشمع ما نحبوش...انا لازم نوصل دوسي لسي بطيخ...
سيلين: ههههه...سي بطيخ...جديدة هاذي...
ميسون: والله يستاهل ما اكثر....هيا البس بش ما يقعدش يستنى
VOUS LISEZ
أحببت عبدتي 😍 💞🔞
Fiksi Sejarahقصتنا تحكي على طفلة تقرى طب👩⚕️ عايشة مع امها 👵و بوها 🧓الي يقرر انها تخرج في موعد مدبر💕 مع واحد من أهم مالكي العقارات 🏙في تونس الي هو زادة فرض عليه بوه بش يخرج في موعد مدبر ، و بسبب مشكلة صارت معاهم في السابق حب بطلنا انو ينتقم 😈منها بأنها تكو...
