أحببت عبدتي 😍 💞🔞

الحلقة 6

أمير يحكي:
نصف ساعة و انا نسوق....وصلت عند حومة.
الظاهر انهم ناس عياشة و على قدهم اما مش من عادت بابا يصاحب ناس كيما هكا...
غريبة و الله!! دقيقتين و وقفت عند باب الدار لي عطاتهولي...بقيت نستنى فيها تحل الباب و تنزل...أما لا ...تلفتت عندها لقيتها راقدة....اصلا ما نستغربش الشي هذا و هي طريق كامل ساكتة و زيد انا ما خزرتلهاش...
حمحمت: قوم وصلنا..
شي متحركتش..شديت خصلة من شعرها... لويتها على صبعي و جبدتها بالقوي...فاقت مفجوعة
ميسون : الهم هذا ماتعرفش تفيق كيف لعباد
أمير: الله غالب و توا اقلب منظرك من قدامي و ماعادش تحل فمك
هزت ساكها و خرجت...و طربقت الباب وراها قريب قلعته....مجنونة....
استنيتها حتى دخلت و طرت للدار... تعبت برشا اليوم خدمة و زيد كمل عليا بابا و بالمتوحشة هذي....على هذاك دخلت طول لدوش عملت حمام دافي....بعدها خرجت... تسطحت عالفرش و الأفكار تهز فيا و تجيب حتى رقدت......
اما ميسون اول ما دخلت لبيتها... نحات الطالون الي في جرته ساقيها تنفخت و حمارت...بالطبيعة يصرى فيها هكا و كيما قالت سامية كيف العزري تلبس كان بسكات.. نحات الروب...كملت لبست دبش النوم..مسحت المكياج و لمت شعرها كعكة...
ميسون : اييييه...توا وين رتحت...ملا حالة كنت فيها... انا من ربي تاعبة و زيد كمل طلع هكا الهم في وجهي...يا ربي ان شاءالله اخر نهار في حياتي نشوفه
رمات روحها عالفرش و تعدات في الطويل من كثر التعب...

جا الصباح...باين انه نهار دافي...نهار خرجة و تفرهيدة....أمير لي فاق على صوت التلفون كانت الآلارم متع الستة...دخل لدوش غسل وجهه و لبس توني سبور نوار ...كمل نزل تحت خذى دبوزة ماء و خرج يعمل في فوتينغ كيف العادة...تعدات نصف ساعة...مبعد رجع لدار حتى يحضر روحه و يمشي يطل على بوه في السبيطار...
بعد ما كمل لبس كوستيم بلو مارين و شوميز بيضا....فانس مارون....عمل رشتين بارفان و لبس منقالة Gucci في الارجون.... خرج يفتق....نزل بكل وهرة و ضخامة لتحت....لقى لفطور حاضر....أما كان مزروب شرب جيست قهوة....خرج و ركب في كرهبتو المرسيدس و ديراكسيون للسبيطار
وقت وصل....طلع في الاسانسير....نزل على الطابق الي فيه بوه....اول ما تفتح الباب
أمير: صباح الخير
صوفيا : صباح الخير
أمير: بابا لباس
صوفيا و هي تتبسم بالاستهزاء : مممم لباس....الراجل بعد لا مشى فيها الله و اعلم في جرت شكون
أمير ما حبش يكثر معاها لحديث....تجاوزها و دخل للبيت الي كان فيها بوه و بالطبيعة ريمة الي من وقت سمعت بوها مريض ما حبستش بكاء حتى قلها الي هو جيست عامل تمثيلية لأمير....وقتها ارتاحت و قررت تشارك حتى هي.... أمير تقدم منهم و الابتسامة على وجهه
أمير: صباح الخير يا جماعة....بابا شنوا تحس في روحك
حسان : صباح الخير ولدي....الحمدلله
ريمة : بنجور أمير
أمير: ياخي رقدت هنا انتي
ريمة ذبلت عينيها : ايه ما نجمتش نمشي... خفت برشا على باباتي....ما حبيتش نخليه وحده مع صوفيا تزيد تطلعله لعصب مالتخرنين تعها
حسان : رييمة
ريمة : احسبني ما قلت شي
أمير ضحك على ريمة يعرفها بنت بوها و تغير عليه حتى من مرته
دقايق و دخلت صوفيا تتمايل بروبتها النوار و الطالون الباج لي يتسمع من بعيد....مرى ياسر شيك و كلاس...تقول بنت ثلاثين سنة...شعرها اصفر حرير و عينيها زرق و بشرتها قمحية.....قربت من حسان و حطت يدها على يده
صوفيا : كنت عند الطبيب و قال تنجم تخرج توا....هيا عزيزي خلينا نخرجوا ريحت دوايات بدات تقلق فيا و زيد فما برشا جراثيم هنا
ريمة: اللطف عليك مرت بابا
أمير تبسم على جنب : تهنى صوفيا الدوايات ما يقتلوا كان الجراثيم الصغار لكبار لا
صوفيا عرفت انو كلامه مقصود جات شتحكي حتى حست بيد حسان كابسة على يدها....حسان عقد حواجبه : لولاد يزي....هيا خلوني نخرج من هنا نحس في روحي مخنوق
صوفيا شافت في أمير و ريمة : باهي.... خليني نعاونك تلبس دبشك
أمير حك لحيته : احنا نستنوا لتحت....هيا ريمة
خرجوا مع بعضهم....ركبوا في الكرهبة حتى يلحقوا لخرين....ريمة شافت الوقت شهقت
أمير: شبيك
ريمة : ااووووف نسيت الي عندي كور اليوم
أمير: علاش متقلقة هتوا نوصلك انا
ريمة : لازم نمشي لدار قبل....نعمل دوش و نبدل دبشي كيما قالت صوفيا ريحة الدوايات تقزز
أمير: ايه و ما كملت انت بين تختار في لبسة و مكياج....كان كمل الكور
ريمة ضربته لكتفه : تتمسخر عليا أمير
أمير ضحك عليها و حط يده على شعرها يفرفش فيه....كانت دقايق حتى خلطوا حسان و صوفيا....ركبوا من تالي....و انطلق أمير....طول الطريق و هما كل مرة يجبدوا موضوع يحكوا فيه بالطبيعة مع القصف لي يصرى لصوفيا من قبل الأخوة....و هي كل مرة ترد عليهم و ساعات يمنعها حسان الي حاول يلطف الجو.....
في الفاك و ين كانت ميسون تحكي لعشيرتها الي صرالها بالتدقيق
سيلين : ووووهههه....ماعادش نجم هههههه اي اجنابي
ميسون : ما فهمتش انا في عوض ما تعطيني حل قاعدة تضحك.... الصحبة تع *****
سيلين : هههههه و الله شي أقوى مني.... الصدفة هذي حتى في المسلسلات ما صارتش...
ميسون : ايه و الحل توا....
سيلين : هو في الحقيقة قرار صعب اما لازمك ترفض بما انه بوك عطاك حريت القرار ...بالرغم من انه صعيب برشا ترفض بقلاوة كيفه و مش اي شخص....أمير المالكي و ما ادراك
ميسون : مممم صحيتك....حطوك افوكا عليه
سيلين : الحق يتقال....انا كان جيت في بلاصتك....عمري لا نسلم فيه
ميسون : تحب تاخذو.....خوذ ريح السد
سيلين : انا ما نعرفش باين فيه متريال كبير و انا اختك الله غالب مزلت غير مؤهلة
ميسون ضحكت عليها و ضربتها للكتف : مجنونة