أحببت عبدتي 😍 💞🔞

الحلقة 23

يشوف فيها داخلة تردس...قالبة وجهها.... منظرها و هي في هذيك الحالة خلاه يتبسم...
وقفت تلوج عليه...تدور في رأسها...حتى شافته يلوحلها بيده...قصدت طاولته تمشي... و ترمق فيه بنظرات كان جاو رصاص...راهم قتلوه...وقفت عند راسه و نفضت الدوسي عالطاولة...
ميسون: تفضل...تحكي و ترص على سنيها
امير: و هكاكا الناس تحطه...
ميسون: ما نعرفش...
أمير: مش مشكل...نعلمك...ارجع خطوة للورا
....و قول تفضل سي أمير....ياكدلها على اخر كلمتين....
ميسون: الدوسي و وصل...نجم نمشي...توا..
امير: اعمل لي قتلك عليه الساعة...
ميسون: ما نعملش...
امير: بش تعمل...
ميسون: ما نعملش...انا حرة و زيد انت حاجتك خ في اللباقة...
امير: اخر مرة اعمل لي قتلك عليه...
ميسون: و كان ما نعملش...
امير: ممنوع تمشي للفاك...الا باذني...و انا صراحة نستحقك برشا....يحكي بتمقعير...
ميسون بوزت شفايفها بياس...هزت الدوسي.. رجعت خطوة...و مداتو قدام وجهو...
ميسون: تفضل...سي أمير...
أمير: شبيك تحكي مغششة...تبسم..و احكي بلطافة....
ميسون تبسمت بالسيف: تفضل سي أمير..هه
امير: ياسر مايعة...أما احسن من التكشبيرة...
هو نزل راسه يقرأ في الدوسي و هي هزت يدها متمنية تضربه...و عاضة لسانها....مع رفع راسه...زربت حطت يدها لي كانت ناوية تضربه بيها....ورا رأسها...و تبسمتله بتبهليل..
امير: هبلت....توزعت في الابتسامات وحدك
ميسون فددها...نطرت لكرسي و قعدت عليه.. تحرك في ساقها بتوتر...من لعصب لي ركبهولها سي وخينا....هذا الكل صار تحت عينين مالك و سيلين لي ميتين عليهم بالضحك....
مالك: الزويز هاذم نهار من النهارات نلقاهم هبطين ريش ينتفوا في بعضهم..ههههه
سيلين: صدقني...ميسون تخرجله بكلاشنكوف و ترده كيف الكسكاس...صاحبتي و نعرفها هه
مالك: اما يقولوا لي الحب يبدى بعركة صغيرة و يوفى بعشق كبير.....
سيلين: ههههه....ما نتصورش على خاطر هاذم عركهم كبير....مش متع حب...
مالك: نتخاطروا...
سيلين: على شنوا.....
مالك: كان نطلع انا صحيح و فالاخير يخرجوا يحبوا بعضهم نطلب منك لي تحب...
سيلين: مشيت معاك...و انا نفس الشي..
مالك مدلها الخنصر متاعه.. و هي عملت كيفه...لووهم في بعضهم...و كملوا حطوا الإبهام فوق بعضهم 🤙
مالك و سيلين: تفاهمنا...هههههه
مالك: هيا نمشوا...نقعدوا معاهم....
مشاو بجنب بعضهم....وصلوا عندهم...جبدلها الكرسي قعدت بجنب ميسون...و مبعد قعد هو بجنب امير....
مالك: بنجور عشيري...صافا....
أمير قحر لميسون: صافا....جوك باهي...
مالك اشارله لسيلين بعينيه: مريقل...
امير: اييه....ما عرفتناش بالانسة...
مالك: سيلين....صديقة...
امير: ايه...من وقتاه تعمل سيادتك في الصداقات...جديدة هذي....
مالك ضربه على ساقه تحت الطاولة: ههه يزي بلى فدلكة ماسطة....
أمير: صحيح..صحيح...علاقاتك الكلها جدية..
تشرفت بمعرفتك ميس سيلين
سيلين: و انا زادة....سي أمير...مش هكا
امير: و تعرفني زادة...و شاف لميسون
سيلين: ايه...ميسون ديما تحكيلي عليك...
امير: اكيد بالخير...
ميسون: و توا هذا كلام سي أمير...لي يعمل الخير...نحكوا عليه كااان بالخير..و انت ادرى
امير:....
مالك قص عليه يلطف في الجو: شنوا تحبوا تاكلوا لبنات...
ميسون: على حسابك؟؟؟؟؟
مالك: هههه...ايه
ميسون: باهي...مالا نحب....
أمير قاطعها: حليب و مورسو قاطو...
ميسون: ياخي وليت تجاوب في بقعتي؟؟؟؟
امير: تنجم تقول...و فنس فيها عينيه....متع تحكي حاجة نقتلك...
ميسون: صبرك يا ربي....
مالك: ااا...شقلت...
ميسون: هه...كيما قال سي أمير...
مالك: و انتي سيلين....
سيلين: كافي نوار....اوملات فروماج...شوي هريسة و زيتون...و كرواسون عسل...اا...زبدة و معجون
مالك: بيان...امير انت كيف العادة ماهو...
امير: نو مارسي...انا فطرت....و كي كنت نستنى شربت قهوة....
مالك نادى السرفار....خذا منه الطلبية...و بعد درج جا...و تعمرت الطاولة...
أمير مشغول يحكي مع مالك على تفاصيل الاجتماع....و سيلين تعمر في كسكروت بالاملات و الهريسة و الزيتون لميسون...مع كملت حطته في حجرها...و ميسون ساعة ساعة تسرق منه قضمة...وقت ترى أمير لاهي....ههههه ما كذبش الي قال الصديق عند الضيق.....ميسون من لعباد لي تحب تفطر حاجة مالحة و محرحرة....عكس سيلين...و كيف أمير عطاها امر ما كان عليها الا تنفذه ولا تتعاقب...و سيلين فهمت عليها و طلبت مالح لميسون و حلو ليها....
وقت كملت كسكروتها...شربت حليبها...و رخات روحها عالكرسي....
ميسون: اياه...الحمدالله
أمير باستغراب: شبيك ما كليتش لقاطو متاعك...
ميسون: سبحان الله....كأس لحليب شبعني... كانت فكرتك هايلة سي أمير...ههههه
سيلين: هههههه...ايه...خسارة...حتى انا كان لازم نطلب كيفك....
ميسون قحرتلها...باش ما تكملش تحكي و تفضحها....و رجعت شافت لأمير و تبسمت بالسيف....
سيلين كانت تاكل...في لحضة شرقت و بدات تكح....مالك مدلها كأس ما...و يضرب فيها ضربات خفاف على ضهرها....
سيلين: سي بون....سي بون مرسي...
ميسون: صافا...شبيك...مش عادتك تشرق بالماكلة....
سيلين تغمزلها باش تشوف وراها: احم..شي..
ميسون قعدت تسأل فيها بعينيها شنوا فما... حتى سمعت صوت وراها....
.......: مرحبا سي أمير...
ميسون جمدت في بلاصتها....امير و مالك وقفوا يسلموا على الراجل لي واقف ورا ميسون....و الراجل يشوف لسيلين....و مستغرب من وجودها...
امير: تفضل....لطاولة هذيك...و اشارله بيده عليها...
.......: الظاهر اني قاطعتكم....
امير: مش مشكل...ديجا كنا نستنوا فيكم....
ميسون دورت رأسها بالعرض البطيء....وقت شافته نطقت اسمه من غير ما تشعر...
ميسون: سمير....
سمير متفاجئ: ميسون...شتعمل هنا....و أشار لسيلين...معاناه مش غالط انتي سيلين....
سيلين: ههههه ايه...
امير و مالك: منين تعرفوا بعضكم...
ميسون: ولد حومة
سمير:amis
سيلين: صديق
الثلاثة جاوبوا فرد وقت...أما سمير بقى مركز مع ميسون...و يسأل في روحه....شبيها باردة معيا هكا؟؟؟؟و قالت ولد حومة...من وقتاه انا ولد حومة اكهو؟؟؟ زعمة مغششة عليا؟؟؟سي سير؟؟؟....
ميسون كتفت يديها: و انتم شنيا علاقتكم بيه...لكلام موجه لأمير و مالك...و العينين تهز و تحط في سمير و شكله...
مالك: هو لي باش نعقدوا معاه المشروع الجديد ان شاءالله...
ميسون تلفتتله: علاه
مالك: هو شيف محترف...و نحنا حبينا نحلوا رستو بمساعدته...سييييي تو..
سيلين:ههههه اضرب عندك سي سمير...باش ينزلوا اسمك في الجرايد و البرامج...باش تتشهر....
سمير: هههه نحاولوا...نوصلوا للقمة....
سيلين بتسوميم: ان شاءلله
و ميسون تبسمت بالاستهزاء.....لكن امير في هذا الكل ما حكى حتى كلمة...الشي الوحيد لي مركز معه....ميسون...تصرفاتها و نظراتها لسمير....
بدى الاجتماع....بعدما حظر محامي كل طرف
لبنات ودعوا لولاد و خرجوا..ماشيين للفاك...
في الطريق ميسون كانت تحكي فرحانة تقول عليها مش نفس الشخص لي قالب وجهه...
ميسون: رجع...و الله رجع يا سيلين...و الله فرحانة بنموت
سيلين: بعيد الشر عليك من الموت...و علاه فرحانة...الطفل قريب تنقز عليه تأكله.....
ميسون: كان لازم نعملها...لي ما يحشمش روح للبلاد و ما خبرنيش...و انا لي نستنى فيه كيف البهلولة...
سيلين: هوكا قلتها بفمك...بهلولة...
ميسون: هاهاها...غريبة حتى خالتي فاطمة تقابلنا امس عند العطار و ما قالتش لي هو روح...
سيلين: تلقاه مازال كيف وصل...ولا ما خبرش اهله برجوعه....
ميسون: الفايدة انه روح و شفته...مشتهية نعنقه...و الله توحشته....
سيلين: مالا شبيك ما سلمتش عليه...الطفل ثقبته بنظراتك....مامبا قتله الحمدلله على سلامتك....
ميسون: نحبوا يفهم لي انا مغششة عليه برشا هكاك بش يرضيني....
سيلين: ههه و الله و طلعت مكش ساهلة يا طفلة....
ميسون: هههه تربيتك عزيزتي...
سيلين: وَلَوْ...هههههههه
كملوا طريقهم للجامعة...قرأو الحصص متاعهم و كل وحدة رجعت لدارهم....نفس الشي بالنسبة لأمير و مالك و سمير...انتهى الاجتماع لي بينهم بالاتفاق من كلى الطرفين و بعدها كل حد شد راس خدمته....
لعشية خرجت لجنينة تجري....تلوج على بوها و امها....
ميسون: ماما...ماما...
سامية: نعم بنتي...
ميسون: وينكم ياخي من بكري نلوج عليكم...
محمود: قلقنا من حصرت الدار قلنا نخرجوا نقعدوا هنا نشم شوي هوا....
ميسون: اااا
سامية: ايجا خوذ طرف قطو...
ميسون: من ايدياتك لملاح ما نقولش لا....
قعدت جنب بوها حطت رأسها على صدره... و هو يلعب بشعراتها....خذات الطبق من امها تاكل و تستبن....
ميسون: وحدك يا سوسو في تطييبها...
سامية: هههه بالشفا لبنتي...
ميسون: حقا ما خبرتكمش...
محمود و سامية: ان شاءالله خير...شفما؟؟؟
ميسون: تعرفوا شكون رجع للبلاد
محمود: شكون؟؟؟؟
ميسون: لا طلعوا وحدكم....نزيد نقربلكم اكثر طفل و من الحومة زادة...
سامية: اوووه...هكاكا نباتوا لصباح نسمولك و ما نطلعوش....تي شطر ولاد الحومة يا حارقين...او يكملوا في قرايتهم البرا....
ميسون بالاندفاع: لا عاد هذا غيرهم لكل...
محمود بفرحة و في نفس الوقت شاك: ما تقلييش...ولد فاطمة...
سامية: سمير؟؟؟!!!!
ميسون: هو بالضبط....
محمود: شوف الحلوف ما جاش سلم عليا...
سامية: و انتي شكون قلك...
ميسون: ما هو طلع عندوا خدمة مع عرفي... بيتشاركوا في رستو...
سامية: شوف يا سيدك....هذاك ما تعلم فاحات الماكلة كان من عندي....كل ما نجي نطيب يلسق فيا....
محمود: مستغربها لحقيقة...حكاية الرجال و الكوزينة....
سامية: علاه تستغربها...ما كنت تصنفلي كيف كنت نتوحم بميسون....
ميسون ضحكت على قصف امها....أما سي محمود غموها بمعنى عيب قدام بنتك....
ميسون: ههههه....شنوا سي محمود...هذا لكل حب للة سامية....
محمود: هههه حب فيك....ما حبيتكش تموت بالجوع في كرشها....و هي عطيته كان للنوم.
بوووومممم....رد اعتبار لسي محمود بعد ما قصفته سامية...لكنها وجهها حمار مغششة... جات توقف شد سي محمود من يدها...
سامية: سيبني...خلي نمشي
محمود: وين ماشية....
سامية: شعندك فيا...هوكا بنتك بجنبك و اشبع بحبها...
محمود دار لميسون غمزلها تسكت من الضحك و رجع لسامية كابس على يدها لي تنفض فيها تحبه يطلقها...رفع يدها لشفايفه باسها بمعزة: انا نحب ميسون على خاطرها من لمرى لي نحبها و اخترتها شريكة لبقية حياتي...
ما كذبش لي قال لمرى كلمة تهزها و كلمة ترجعها...في لحظة تبسمت و هدات بعدما كانت تحب تملص منه....
كمل كلامه و باسها رأسها باحترام و حب و معزة للمرا لي ختارها و الحمد الله احسن لاختيار....مرا وقفت معاه وقت الشدة و الضيق....و وقت الفرح و الزهو....ضمهم لصدره في زوز يمسحلهم على ظهوراتهم...
بقوا يقصروا....حتى سمعوا الباب يدق...
ميسون: زعمة شكون جاينا توا....
محمود: برا افتح بنتي...ما تخليش الضيف يستنى....
مشات بزربة...اول ما فتحت الباب تلقاه في وجهها يتبسم....حطت يدها على جنبها و تهز في رجلها....
ميسون: شمجيبك؟؟؟
سمير: جيت نسلم على عم محمود و خالتي سامية...
ميسون جات تقله مش هنا...أما سكتت وقت سمعت امها تحكي....
سامية: ميسون شكون جا....
عملتله ادخل بيدها و سكرت الباب...هو يمشي متجه للجنينة...و هي وراه قريب تشطح بلا محارم....
على شوفته وقفوا يسلموا عليه...تحضين و بوس...قعدوه بينهم...يسالوا فيه على اخباره.
محمود: وينك...يا طفل...لا تكلم لا تسأل علينا
سامية: و كان ما قتلناش ميسون ما نسمعوش بيك روحت....
سمير: ااا...صار هي خبرتكم...و خزر لميسون.. لي قاعدة تدور في رأسها لمهم ما تشوفش فيه...
محمود: ايه...لازم تخبرنا ولا كنت ناوي تخبي علينا....
سمير: علاه نخبي عليك...هاني جيتك بساقيا.. فكك مني.....شنوا أحوالك....مزال كيف قالتلي امي لي انت تعبت برشا و عملت عملية
محمود: الحمد الله يا وليدي...تعدات سلامات
سامية: ستره ربي...سلك على شعرة...
سمير: الفايدة كيف انت مرتاح توا
محمود: و نعمة بالله
سامية: سامحنا...لهيناك بالحديث و ما سالناكش شنوا تشرب....
سمير: ما نحبش نتعبك....أما و الله مشتهي كأس شاي منعنع من ايدياتك يا غالية...
سامية: هذا لي بيك...تعبك راحة....
للة سامية دخلت للكوجينة تحظر الشاي...و سي محمود دخل وراها قال يحب يصلي... بقاو كان هما الزوز....يخزرلها كيفاه مطفيته ولا سامعة بيه....حتى لحديث ما شاركتش فيه....
سمير: ميسون؟؟؟....ما جاوبتش عاودلها.... ميسون؟؟؟؟
ميسون: اممم
سمير: صافا؟؟؟
ميسون: حاجة ما تعنيكش...
سمير: اووو...الظاهر مغششة مني
ميسون بعدم انتباه: اممممم...قصدي ما دخلكش
سمير: ههههههه...مزلت كيف عادتك ما تعرفش تكذب....
ميسون مركزة مع شفايفه و ضحكته...معجبة بيهم: احسن من اني نتلوعب عالعباد....
سمير: باهي....اخزر فيا....
ميسون: هاه
سمير: مغششة
هزتله براسها ايه...
سمير: برشا؟؟؟
بوزت شفايفها و عملتله ايه بعينيها....
سمير: شنوا لي خلى كعبورتي تتقلق مني لهدرجة...و ما تحبش تحكي معايا...
ميسون تطرشقت تحكي و تعد في صوابعها: عندك شهرين ما كلمتني ما سألت عليا... نطلبك يا نلقاه مسكر...يا يسوني و ما تهزش.. و في لخر تروح من غير ما تعلمني... ا سي بوان بدلت الغربة....
سمير: سامحني...و الله ماكان في بالي لي انتي باش تتغشش عليا كيما هكا...الشهرين لي فاتو عديتهم لكل خدمة باش نحظر لعرض سي أمير...و تلفوني فاسد كل مرة و كيف... هاني شريت تلفون جديد و كل يوم نكلمك... شقولك؟؟؟
ميسون هزت اكتافها عدم مبالاة..و عملتله لا براسها...
سمير: ههههه...عاد انا لي نعرف دواك...
قرب منه شدلها رأسها بيديه....و بأس جبينها. الشي لي خلى ميسون تتبسم لا اراديا...
سمير بعد عليها: و توا رضيت علينا يا للة
ميسون تبسمت اكثر: زيدني وحدة أخرى....
سمير ضحك عليها...عاود باسها من جبينها..و شدها يدغدغ فيها...لين بدأت تتسكك تحبه يسيبها...خرجت سامية على عياطها...و وقفت ساهية في منظرهم يفكروها بصغرهم..
..........................

32 lectures 🤷🏻‍♀️ 2 votes ?????
اقل حاجة 10 فوت باش نهبط بارت جديد