أحببت عبدتي 😍 💞🔞

الحلقة 20

ميسون تبسمت تبسيمة صفرة: غداك سي أمير
امير: غدايا....هذا...غدااااا
ميسون: قلت انتم الجماعة الهاي...تحبوا الحاجات لخفيفة...وليت و قليتلك عضمة (بيضة) و قصيتلك شوي خضر....
امير هز الفرشيطة يقلب بيها في العضمة: هذي عضمة...هاي محروقة رماد....
ميسون: اه...اه...الله يهديك سي أمير... تحرقت من جيهة وحدة لخرى ما صارلها شي
امير: و انتي في شنوا كنت لاهية سيادتك
ميسون: فيك...قلتها من غير ما تخمم...قصدي قصدي...نخمم شنوا نحظرلك اخر....
امير: اففف هز عليا الهم من هوني...نطلب من برا كيف قدر عليا ربي...
ميسون: ايييه و الله مشتهية بيتزا galette و مشخشخة بالجبونات....
امير: ههه و تتشرط زادة...انتي برا كول هكي العضمة....ااا قصدي الفحمة...
ميسون: امان...
امير: فيسع من غير صوت...يلااااا
رفست الأرض بساقها و هزت البلا و مشات ترجعه للكوجينة...و هو تبسم على حركتها و كيفاه بوزت شفافها كيف الصغار...عمل كوموند و رجع لكرسيه قدام البيسين...

صوفيا: الو شنوا فما و انتي من بكري تطلب..
.....: سامحني مادام....أما انتي قتلي نخبرك بكل كبيرة و صغيرة تصير في دار سي أمير...
صوفيا: ايه ايه...صارت حاجة؟؟؟
سناء: ليوم جاب معاه مساعدته الشخصية...
صوفيا: نرجس؟؟!!!!
سناء: لا مادام الظاهر وحدة جديدة...
صوفيا: ايه و مبعد شصار....
سناء: ما نعرفش...قلي ليوم عندك راحة...انا جيست حظرتله لفطور اكهو...
صوفيا: لفطور!!!من وقتاه عندو هي الطفلة...
سناء: من الستة تع الصباح...عملوا سبور مع بعضهم و مبعد ما نعرفش شنوا صار....
صوفيا: الله لا عرفت....و الطفلة كيفاه شكلها
سناء: جاية قصيرة...شعرها اشقر و عينيها خضر....
صوفيا كلي عرفتها: و شنوا لابسة
سناء: مريول و سورفات...الظاهر انها من عيلة فقيرة
صوفيا بهمس: ميسون
سناء: قلت حاجة مادام صوفيا...
صوفيا: شيء شيء...و علقت عليها...
كبست على التلفون بين يديها: فيسع ما حلالك الجو للة ميسون...ضربت بكفها على جبهتها: نسيت ما سالتهاش...كيفاه هاذي المساعدة متاعه...من وقتاه....مممم لازم نحوس فالموضوع مليييح...

في جيهة خلاف مزالت كي فاقت من النوم.... عملت روتينها و نزلت تاكل حاجة...تلقى امها كيف العادة تتفرج في مسلسل...
سيلين: صباح الخير يا غالية
بية: قول قايلة الخير...
سيلين: اكهو امي ماك تعرف اليوم احد...يوم راحتي...
بية: و انا وقتاه نرتاح....
سيلين: بيوتة شناقصك هاك تتفرج على مسلسلك و جوك رايض...ولا......و سكتت
بية: ولا شنوا...شافت فيها تلقاها تتبسم و هازا حاجبها...فهمتها شنوا تقصد...قرصتها من زندها: يا هاملة...انا بعد المرحوم ماعاد يحلو في عيني رجال...
سيلين: اححح و الله جمرتني يامي
بية: اياه تستاهل...باش معادش تخمم في الحاجات لي اكبر منك...
سيلين بهمس: بعد الكبر هذا ماعاد فما كبر
بية مضيقة عينيها: شقلت؟؟
سيلين: شي شي امي...فما فطور...
بية: عملت مرقة هاوكا خليتلك بايك في الطنجرة...سخن و كول...
سيلين بتقزز: مرقة؟؟
بية: شبيها يا للة المرقة...مش عجبتك...ما كبرت كان بيها....
سيلين: صايي امي ما قلت شي...
مشات حضرت قهوتها...سيلين من الناس لي محششة عالقهوة و لازم تشربها اول حاجة بعد ما تفيق لو كان حتى مغرب...شويا خبز... زبدة و معجون...طرف gâteau مطيبته للة بية بيان سور...حطت كل شي في بلاتو و قعدت على طاولة الفطور...من اول رشفة نوقز تلفونها...شافت للاكرون...تلقاه رقم مش معروف تجاهلاته....عاود طلب مرة و ثنين و ثلاثة...وقتها هزت يمكن حاجة ايرجونت...
سيلين: الو...
........: شبيك بطيت بش هزيت...
سيلين: بارغون...تعرفني
.......: مش برشا....أما ان شاءالله ليامات الجاية نتعرفوا بالقدى
سيلين استغربت من كلامه شافت في الاكرون تثبت بلكش تعرف الرقم: سامحني...الظاهر غالط في الرقم....
........: لا لا مش غالط....شقولك نتقابلوا لعشية نعملوا قهوة....
سيلين عوجت فمها: قهوة!!!!.....تحكي مع صاحبك تقولي قهوة....ما ناقص كان تقلي و معاها طرح رامي..
.........: هههههههه تدلل يا للة وين تحب نمشوا...اه شقلت نتقابلوا ولا؟؟؟؟
سيلين: اما نقابلك....منين نعرفك حتى نقابلك....
.........: تعرفني...زيد ثبت في الصوت شوي...
سيلين عقدت حواجبها: ما نعرفوش
.........: تي امس بركا تقابلنا....
سيلين: امس تقابلنا؟؟؟!!!!....وه....هههههه.. ميسون ياخي شعملت لصوتك و شبيك بدلت رقمك...
..........: اما ميسون متع ********....هذا صوت طفلة...ن****** عمري الحلوف
سيلين: وه شبيك تصيح يا سيد ماو لاباس... قتلي تقابلنا امس ما جا لبالي كان ميسون و هذي لعبة من العابها...و نظف فمك يا شسمك..
.......: اسمي مالك
سيلين: مالك شكون؟؟؟....ماااالك....مازال كي رجعتلها الذاكرة
بية من الصالون: شبيك تصيح يا طفلة....و شكون هذا مالك....
سيلين بتعثر: حد...حد امي...ااااا.نتفرج في مسلسل و تفاعلت بزياده معاه...
مالك: هههههه مسلسل
سيلين: اسكت انت الكلو منك....و قلي منين جبت رقمي...
مالك: مصادر شخصية....شقلت توا نخرجوا ولا....
سيلين: ما نعرفش....
مالك: شنوا لي ما تعرفش....
سيلين: و فاش قام نتقابلوا...و زيد انت...انت
مالك: انا شنوا؟؟؟؟
سيلين: شي...علاه تحب تقابلني...
مالك: نحب نتعرف عليك...و اذا تحب نولوا أصحاب....اه شقلت...
سيلين سكتت ثواني تخمم: اوكي أتوا نبعثلك الوقت و اللوكال...
مالك: مشيت معاك...نستنا ميساجك مالا.... باااي
سيلين: باااي...
علقت عليه و رخات بدنها عالكرسي و حطت يدها على قلبها....
سيلين: اه...يا ربي محلى صوته...ايييي.... شنعمل انا توا....لازم نخبر ميسون

كانت مربعة ساقيها عالكرسي...مقابلته.... استغرب من سكوتها...و الأكثر علاه ما تخزرلوش....
امير: جيبلي كأس عصير بارد
ميسون: خليني نرتاح امان...و الله نحس في بدني الكل مكسر....
امير: اومورك...تحب تتعاقب؟؟؟
ميسون: علاه هكا ياربي اله....
امير: زيد حرف اخر...اتو تشوف شنوا يصير فيك...
مشات تجيبله....و هي تسب فيه دخلاني بكل المصطلحات...حطته على الطاولة لي بجنبه بنطرة حتى طاحوا قطرة على الطاولة....
امير: جيب امسحها
ميسون في قلبها: و الله زايد منين باش تجيني الراحة و انا التعب...نجري وراه
جابت على سعدها...شيفونة مسحت القطرات و شاورتله بيديها: هكا باهي توا...
امير: امممم....و كيف نحكي معاك اخزرلي...
ميسون: ما نجمش
امير: علاه...
ميسون: البس مريول الساعة....
امير شاف لروحه و مبعد شاف فيها و هي تخزرل للقاع و خدودها حماروا من الحشمة...
حب يزيد يحشمها و قف و قربلها اكثر...كي حست بيه يمشي ناحيتها...بدات توخر...حتى عثرت في رجل الكرسي...جات تطيح....بزربة حط يده ورا ضهرها و قربها ليه...و هي حطت يديها على صدروا...هي بقات حالة عينيها من الفجعة و هو مركز مع لونهم لخضر و خدودها لي كيف الطمطومة من الحشمة ...شوي و كانت فاقت على وضعها...دزته بعيد عليها.... نفضت يديها...و هزت صبعها في و جهه
ميسون: اخر مرة تقربلي...هاني نبهتك...
امير ببرود: و شكون قلك كنت نقربلك
ميسون: ولي كنت تعمل فيه شنوا يتسمى
امير مكمل في بروده: أنتي لي كنت عارضة طريقي...و لازم تشكرني لي ما خليتكش تطيح...
ميسون: يكثر خيرك...عوجت فمها و شافت فيه من تحت لفوق....كي وصلت لصدره العريان...دورت وجهها عليه: تي برا استر روحك...
امير: هههه علاه شفتني عريان...
ميسون: ما ناقص كان تنحي الشورت...
جا يحكي قص عليه تلفونه...ينوقز...خبره الحارس الي اللليفرار وصل....لبس مريوله و مشى للباب خذاهم من عنده...و رجع حطهم عالطاولة... اول ما شافتهم جات تجري...
ميسون هبطت تشم فيهم: اممم مبنها ريحة
قعدوا لثنين...و بداو ياكلوا...و هي غاطسة تتبنن...حتى نوقز تلفونها
ميسون: وي سيلين
سيلين: اهلا...شنوا جوك
ميسون: جوي باهي....هاني نتغدا...و انتي شعاملة
سيلين: احم...كلمتك...حاجتي بيك
ميسون: شفما ان شاءالله خير...و شافت لأمير لي يشوف فيها...
سيلين: خير...خير...كلمني مالك
ميسون: شكون مالك
سيلين: مالك صاحب أمير
ميسون: شنوا يحب
سيلين: قال اذا نجموا نتقابلوا
ميسون: و انتي شقلت
سيلين: قتلوا نبعثلك الوقت و اللوكال...أما حبيت ناخذ رايك قبل...
ميسون: لا
سيلين: شنوا لا...
ميسون: ماك قلت تحب تاخذ رأيي و انا قتلك لا
سيلين: زيد خمم شوي...
ميسون: ههههه نفدلك عليك...برا...و رد بالك عندو الريق و التبلهيط برشا...
سيلين : شكون قالك...
ميسون: تي معروف عليه...شفتوا قداه من مرة في الشركة يتغومز للبنات...حتى وحدة ما فلتت منه
سيلين: حتى انتي...
ميسون: اكيد لا يا روحي...
سيلين: ههههه اكيد نسيبي منبه عليه...مالك هذيك ميسون ليا انا وحدي...رد بالك تقربلها و الله ننسى عشرتنا و نقتلك

امير كيف الأطرش في الزفة...فهم من كلامها الي تحكي على مالك صاحبه اما شنوا السبب ما يعرفش...و زيد في لحضة يشوف وجهها تبدل و حمارت بكلها...
ميسون: هههه سيلين عزيزتي...كيما وصيتك.. و توا على خير غدوا نتفاهموا
تحكي و ترص على سنيها...علقت عليها... تتعودلها بطريحة كلاب...مش فاهمة اصلا علاه حشمت ملي قالته سيلين...
........................
ما تنسوش الفوت⭐️⭐️
بااااااي😘😘