أحببت عبدتي 😍 💞🔞

الحلقة 12

يمشي قاصد كرهبتو....وهي تبع فيه...وقف على غفلة خبطت في ضهرو...تلفتلها عاقد حواجبو...
أمير: شتعمل
ميسون: ك..ك..كيفاه شنعمل....مروحة
امير: برى على روحك....علاش تبع فيا
ميسون: شنيااا...ملا مع شكون تحبني نروح...
أمير طفاها و تعدى فتح الباب..لحقتو تجري... سبقتو ركبت و حطت السنتير....تستنى فيه يديماري...تعدى الوقت يسوق....خذى فران بالقوي على صوت عياطها...
أمير: شبي سماك انتي
ميسون: شبيك انت بعد لا فرعتلي راسي ما تعرفش تسوق زي الناس
أمير: ماو سيادتك تصيح...شقام عليك
ميسون : نسيت سيلين....كنا بش نتقابلوا في الكافي....اوووف يا ربي
أمير: معناها نرجعك لغادي
ميسون: كان تعمل مزية
مسح وجهو بفدة تذكر حتى هو مالك....دور لكارهبة راجع بيها للكافي على جى شيوصلها لدارهم....
وصلها...استناها تنزل و هز تلفونو يشوف في مالك وين
أمير: ااا صاحبي وين
مالك: ******* عليا....مش مشيت تبع في خطيبتك و خليتني وحدي...هاني في الشركة نشوف في أوراق و دوسيات الخدمة.....الصبر كان متوحلوش الواحد في جد ام الخدمة للعنكوش ما عندكمش كيف
أمير: سكر ^^^^^ فمك....و انت تشكي كيف الولية
مالك: سكتنا شنوا تحب
أمير: كنت بش نسألك وين...هاني جاي للشركة...عشرة دقايق و نكون عندك
مالك: اوكي

دخلت تتلفت يمين و يسار....تلوج على سيلين.... لقاتها قاعدة وين كانت هي....سبحان الله صدفة ولا كيف ما يقولوا ما يتصاحبوا الا ما يتشابهوا...و اختاروا نفس الطابل....جبدت الكرسي بفدة و قعدت : افففف
سيلين كانت ساهية مع التلفون...تفجعت : سمله العظيم....شبيك صادمة هكا
ميسون: لو كان تعرف انا و شكون تلاقيت...مستحيل تصدق
سيلين: هههه رد بالك تقلي تلاقيت بأمير المالكي
ميسون تخزرلها متعجبة كيفاه طلعتها على اول مرة : ......
سيلين حايره علاه تخزرلها بذيك الطريقة : شبيك
ميسون: متقلييش تفاااهمت معاه عليا يا كلبة
سيلين: ش..شكون لي تفاهمت معاه
ميسون: انتي و أمير يا كلبة.....هذي اخر صحبتي ليك تتفاهم عليا مع غير
جات تنوضلها...سبقتها و وقفت....حبست بيديها : يا بنتي و الله ماتفاهمت مع حتى حد...سكتت شوي تخمم و بعدين صفقت : لحضة لحضة....قتلي انا و أمير...هههه معناها بالحق تلاقيت بيه...طلع تخمامي صحيح...يا والله حال بحقني نخدم شوافة هههههه
ميسون رتاحت و رجعت شدت بلاصتها..سيلين عملت كيفها....
سيلين: ايه مادام تلاقيتو شنوا صار؟؟؟؟
ميسون : قال شنيا يحبنا نبداو مخطوبين.....
سيلين قصت عليها : اييه و شنوا قتلو
ميسون: اكيد لا
سيلين ضربت الطاولة و وقفت تعاتب فيها : يااا و الله بهيمة...قسما بالله بهيمة....فما وحدة ترفض أمير المالكي بكلو....زايد بغلة
ميسون : سيلييين سكر فمك و اسمعني معاش تقص عليا كي نبدى نحكي..
سيلين : تفضل للة نسمع فيك....و من غير ما تقلي السبب لي في بالي و بالك
ميسون: اكيد هذاك السبب الرئيسي...و ثاني حاجة السيد يحب يشريني بالفلوس قال شنوا خطبة كذابة و نبقاو خمسة شهر اكهو
سيلين : كيفااااه؟ شبيه هذا هبل
ميسون: لا هو ديجا مهبول من لول
سيلين : و الله يعطيك الصحة كيف رفضت...هكاك نحبك احنا عمرنا ما نرخسوا روحنا على خاطر لفلوس
ميسون ضربتها ببابي مشوار: مش تو كنت تسب فيا كيف ما قبلتش
سيلين: هههه ماو تختلف المواقف مع الأسباب ههههه
ميسون خزرتلها بشطر عين : و انت وقتاه جيت
سيلين: ما عنديش برشا....كي تفكرت روحها حطت يدها على فمها
ميسون: معناها يا كلبة من قبلة كنت تكذب عليااااا
سيلين ضحكت ضحكة صفرة : هههه كان ما بطيتش انا ما تتلقاش بأمير هههه
ميسون: زايد الخير لا فيك و لا فيه...هيا قوم نمشو
سيلين : هياااا قلك فيه روب و موديلات يقتلو
ميسون: ايه باهي سايس روحك لا تموتلنا هنا....
عداو بقيت الصبحية في الموول يدوروا من بوتيك لبوتيك يثبتوا في كل قطعة....كيفاه تخيلت و تزينت و ساعات ياخذو تصار سيلفي مع بعضهم....
نخلوهم يكملوا حواستهم و نمشو لاميرنا....الي طلع لبيروه اول ماوصل....و ديراكت لحق عليه مالك بعد ما خبرتو سكريتيرتو بوصول أمير.....
مالك : شنيا حكاية الخطيبة هذي....عشنا و شفنا أمير المالكي قاهر قلوب العازبات و البايرات يجري ورى طفلة لا وناويها خطيبة ليه ههههه
أمير: تي بلع ******* فمك و اسمعني....حكالو عالي صار بال ب و ت.....بعد ما كمل
مالك : هههه لا كنت ناوي عنوان اما بعد لي سمعتو قررت نبدل....احم احم أمير المالكي قاهر قلوب البنات يتم رفضه من قبل فتات بسيطة
أمير ضربو بقلم : شفت عاملة روحها صاحبة عزة نفس و كبرياء....انا ما نتسماش أمير المالكي اذا ما خلتهاش تجي تترجاني بش نقبل
مالك عاقد حواجبو: علاش ناوي ا صاحبي....ما نتصورش كان تعمل لي في بالي
أمير فهمو زاد رمى عليه دوسي : تخمامك كان في ^^^^^^^^ عندي فكرة خلاف
مالك: و الي هي
أمير: ركز معايا.....و بدى يحكيلو على التفاصيل.....
مالك : متأكد ا صاحبي و كان تصرى حاجة خلاف
أمير: لا ما يصرى شي اعمل لي قتلك عليه....
مالك : اوكي تفاهمنا ان شاءالله يصير كيما قلت...
كمل كلامو و خرج مخلي أمير في دوامة تفكيرو....حط يديه ورى راسو و تكى على الكرسي
أمير: مممم ميسون المختاري نشوف شكون يطبق رايو انا ولا انت و الايام بيناتنا...
نهار اخر تعداو ما تبدل فيهم شي...كل حد لاهي في مشاغلو.....مع 13:00 روحت لدار كيف لعادة مع سيلين....فتحت الدار تلقاها مضلمة و ريحة طياب امها لي قبل مالية الدار ما فماش...تفجعت بدات تدور من بيت لبيت و تشعل في الاضواء و شي ما لقات حد....خرجت تدعثر لجنينة باقي شي..
طاحت في لارض تبكي قلبها واجعها مش من عوايد والديها يخرجو و ما يخبروهاش....هزت التلفون يديها يرعشو تلوج على رقم بوها....عملتلو ابال مسكر ميصونيش....دورت عند انها يصوني و ما تهزش....الشي لي زاد على ما بيها...خرجت تجري للشارع....تدور في رأسها يمين و يسار.....قصدت واحد من بيوت الجيران نزلت عليه تدق و تبكي قلبها مش مطمنها...خرجتلها الجارة وجها اصفر تفجعت من قوت الدخان و زادت تفجعت من منظر ميسون لي يبكي لحجر....
الجارة : ميسون عزيزتي شبيك...شبي حالتك هكا
ميسون و هي تبكي لكلام و حللها في حلقها : ااا..امي و ..و ..و بابا و..وين مالقيتهمش وين مشاو
دخلتها الجارة للدار عطاتها كأس ماءو غسلتها وجهها...زمان و هي تهدي فيها.....
الجارة (خلي نسموها مريم ): جربت كلمتهم
ميسون: ايه كلمتهم و عاودت حد ما جاوب...و قبي مش قايلي خير....
مريم: اشش عيش بنتي...سكتت شوي...جربتش تكلم خدمت بوك
ميسون : ايه بالحق ما خممتش فيها...
هزت التلفون كلمت الريسابسيون...(بوها يخدم في الاوتيل عساس) : الو عسلامة خويا
الريسابسيونيست: عسلامة مدموازال
ميسون: عيش خويا انا بنت محمود المختاري يخدم عندكم في الاوتيل....شفتوش ليوم
الريسابسيونيست: اااه لحقيقة مدموازال...شنوا بش نقلك اممم ااااا
ميسون: تكلم عيش خويا كان تعرف حاجة
الريسابسيونيست: لحقيقة جاتو كريز كردياك...و نقلوه للسبيطار******
ميسون طيحت التلفون من يدها و عيطت : كيفااااه لااا مستحيل...مستحيل بابا
مريم : اش صار يا بنيتي شبيه بوك شصارلو....
ميسون بابا في السبيطار لازم نمشيلو...
هزت تلفونها مالقاع و خرجت تمسح في دموعها... لحقتها تجري وراها....
مريم : استنى يا طفلة هتو نقوم كريم (ولدها) يوصلنا
وقفت تستنى فيهم...مامبا تعدات خمس دقايق...خرجت هي و ولدها ركبوا و لحقتهم هيا...عينيها مضببين من الدموع....طريق كامل هي تبكي و مريم تسكت فيها...حتى لحقو للسبيطار..ما ستناتوش يراكي الكرهبة..هبطت تدعثر.....ما صدقت وصلت للريسابسيون....سألتهم على البيت لي حاطين فيها بوها...زادو على ما بيها كي قالولها مزال في غرفة العمليات....وصلت وين دلوها خطوة تمشيها و عشرة تطيحهم....لقات امها قاعدة على كرسي يدها على خدها تبكي لا لا تشهق و تدعي في ربي يشفيه هو سندهم لي يتكو عليه وقت الشدة...ما عندهم حد بغلافو بعد ربي حتى الاقارب كان بالاسم وقت الشدة ما تلقى منهم حد... جرات عندها تخبات في حضنتها تشهق معاها...و للة سامية لقاتها سبة زادت في بكيتها و دعاويها اصلا لكلام لي تقول فيه ما تعرفو الا هي و الرب لي خلقها....
ميسون : امي شصارلو بابا علاه وصل للحالة هاذي... ياخي الصباح خليتو ما بيه شي
سامية: وهي تمسحلها في دموعها: صارت مشكلة في الخدمة و من قوة الصدمة جاتو كريز و لتوا لا خرجوه من بيت العمليات....
ميسون: قداش عندو ملي دخل
سامية : ساعة و نص
ميسون :مسحت وجهها بيديها الزوز : و شنيا المشكلة لي صارت
سامية: ما نعرفش حتى انا كي كلموني من الخدمة قالو جبناه هنا و انا جيت ديراكت...ما ستفسرتش
ميسون خذات نفس قوي هدات بيه روحها...كانت بش تخرج لجنينة اما وقفت على صوت باب بيت العمليات لي تفتح....جرات لطبيب هيا و امها...
ميسون: كيفاه حالة بابا....شنوا صارلو
سامية : تي انطق شبيك ساكت
الطبيب : كالم توا مدام المسيو حالتك مستقرة حاليا
ميسون: شتقصد بحاليا؟؟؟
الطبيب باسى : قلب لمريض تاعب برشا لازمتو عملية عليه
ميسون : ايه اعملوها العملية فاش تستناو المهم يرجع لاباس
الطبيب : ايه العملية لازم منها...أما التكاليف تنجمولها
سامية : بقداه العملية
الطبيب : طاولة اقدير ب 70 مليون
ميسون و سامية: نعممممم؟!!!!!
الطبيب : الي سمعتوه و نتصور تعرفو بلاش فلوس العملية متصيرش للأسف.....
سامية حطت يديها على رأسها و رجعت قعدت على الكرسي تخمم في هول الصدمة لي جاتها....
ميسون تصنمت في بلاصتها حتى كان يبيعو دارهم ما يلحقوش يلمو للفلوس هذي لكل.... بقات زمان و هي حابسة تخمم....حتى تعدات من قدامها فرملية حبستها من يدها....
ميسون: غرفة الدكتور وينها؟؟؟
الفرملية: اول بيت على يدك ليسار في الكولوار لي مقابلك...
ميسون: اوكي عيشك
دقتقت عالباب جاوبها بالوقت....دخلت تلقاه مطبس راسو يكتب.....
ميسون: احم دكتور
طبيب هز راسو تبسملها : اه تفضل بنتي اقعد
ميسون: عيشك....اااا...احم...حبيت نسألك...وقتاه لازمها تتعمل العملية...
طبيب: شوف بنتي هو من ناحية نجمو ناجلوها ايه نجمو اما الشي هذا مش شيكون في صالح المريض و يمكن ياسر نفقدوه...من المستحسن نعملوها في ضرف يومين ثلاثة ماكس
ميسون زغلو عينيها : اا...ايه...و الفلوس نجم ندفعهم بالتقسيط؟؟؟؟
طبيب : اسمعني مدموازال المبلغ كبير برشا لازم قسمك كبير منه ينعطى قبل العملية و الباقي تنجم تخليهم للتقسيط....
ميسون: وي فهمتك....و قداه المبلغ هذا
طبيب : 50 مليون ماتتعمل العملية الا بعد ما تدفعهم و الباقي بالضمان و تخلصهم بالتقسيط
ميسون معادش فيها دمعتها نزلت تحرق على خدها....بوها لي تعب و ضحى على خاطرها سنين في موقف كيف هذا و ما تنجمش تعاونو....
ميسون : نجم نشوفه
طبيب : توا لا مازال تحت التخدير
خرجت كي جهامة مالبيرو مخليا الطبيب يحكي وراها وحدو....مشات لأمها تهدي فيها....
ميسون: امي يزي من لبكى عيشك مش وقتو توا لازم نلمو فلوس العملية....الطبيب قال لازمها تتعمل في الثلاث ايام هاذم.....
سامية : يا بنيتي منين باش نجيبهم لفلوس هاذم لكل....حتى كان بعنا الدار مستحيل نوصلوا لحقها و زيد نبقوا ملوحين في الشارع...و بعد العملية فما دوايات اكيد
ميسون : ملا شنعملو امي نخليو بابا هكا....خلينا نلمو طرف لفلوس لي عندنا و نبيعو ذهبك و نشوف عمي و الجيران نتدينوا منهم الباقي لين يفرجها ربي و نرجعهملهم...
خلي نقدم في لحداث و نختصر لي صار....ميسون و سامية لمو لفلوس لي عندهم لكل و باعو الذهب صدقت عليهم الجيران بلي نجمو عليه و عمها عندو كرهبة قديمة باعها...لكن و بهذا لكل ما نجموش يوصلوا حتى لشطر المبلغ....من غدوة في الليل كانت تحكي مع سيلين
ميسون : ما عرفتش شنعمل...مخي بش يتحرق مالتخمام....
سيلين: ما لقيت حتى خدمة ينجمو يعطوني تسبقة بمبلغ كيف هذاك
ميسون : عيش اختي من غير ما تعب روحك معانا لي عطيتوه يكفي...حتى انا ما لقيتش
سيلين سكتت دقايق تتنهد و تتحسر على الحالة لي وصلتها صاحبتها و في لخر جاتها كيف المصباح فوق راسها...قصدي فكرة....
سيلين : اااااههههه لقيتها و الله لقيتها
ميسون: شلقيتها يا هم نقبتلي وذني
سيلين: أمير
ميسون: شبيه....شمجبدك فيه
سيلين: أمير هو الحل....مش عطاك عرض
ميسون : اما انا ما نجمش نقبل بعدما رفضت
سيلين : لا اما لا شي مش وقت كرامتك و كبريائك
ميسون سكتت زمان....مسحت الدمعة لي على خدها : ايه عندك الحق
كوبات عليه لبست بالخف....خرجت من غير ما تجاوب امها لي تنادي عليها....مشات لطريق الرئيسية تستنى في تاكسي و تبربش في التلفون تلوج على لوكال شركته.....
وقفت التاكسي و ركبت ديراكسيون للشركة.... بقات شاردة زمان قدام الباب تفكر تدخل و لا ترجع اما هي في موقف الرجوع يعني موت بوها يعني سلمت فيه بسبت الكرامة....اول خطوة عملتها وقفها القارد: ممنوع تدخل فالوقت هذا
ميسون: أمير موجود
القارد : سي أمير من الصباح ما رجعش للشركة
ميسون : وين نجم نلقاه مالا
القارد : انت علاش تسأل شحاجتك عنده
ميسون: حاجة خاصة...قلي وين نجم نلقاه اكهو
القارد خزرلها من فوق لتحت: ما نعرفش وين بالضبط اما نجم نقلك على داره
ميسون : كان تعمل فيا مزية يا خويا
القارد : *******
ميسون: عيش خويا ربي يفضلك
القارد: من غير مزية ان شاءالله ما نكونش عطيتو لشخص الغالط
ميسون تبسمتلها: بقدرت ربي لا تهنى
لقات التكسيستي مزال يستنى....ركبت و توجهت لدار أمير
كي وصلت بهتت في الفيلا لي ترى فيها قدامها....تبسمت بالاستهزاء: اكيد بش تكون دارو هكا مادام طلب مني نطلب الي نحب مالفلوس
كان مزال كيف كمل الحمام بعد ما عداه من اجتماع لاجتماع.....خرج لابس شورت اكهو و من فوق عريان....شعره يقطر بالماء (يا وخياتي راني كيف نتخيله قلبي يغم عليا )....لقى تلفونه ينوقز
أمير: وي
القارد: سي أمير فما وحدة تحب تقابلك
أمير: شكون
القارد : قالت اسمها ميسون
أمير بينه و بين روحو: كنت متأكد بش تجي اما مش بالسرعة هذي : دخلها
كوبا عليه و نزل لتحت...نوقز الباب فتحو....بقى يخزرلها لين تجيه ضربة لوجهو بساكامنها
ميسون : غطي روحك ياهم...خارجلي عريان ما تعرفش لي انا جاية عندك مش قلك القارد
أمير شدها من فكها : ربك و رب الكلام لي تخرج فيه من جلغطك....
ميسون دمعو عينيها مالوجيعة : وجعتني سيبني
رخف يدو عليها بعد شاف وجها لي حمار: شتعمل هنا
ميسون منزله رأسها مش منجمة تخزرلو و هو عريان: بش نحكو في الباب
دخل و خلاها واقفة في الباب....سكرت الباب و لحقته....قعدت مقابلته عالفوتاي
أمير: ايه علاش جايا عندي في الليل
ميسون : احم...نجيك من لخر...مزال عرضك قائم
أمير ببرود : علاه مش رفضت
ميسون: صارت حاجات خلتني نضطر نجي عندك
أمير: شنيا لحاجات هذي....و كي نحكي معاك اخزرلي
ميسون: ما نجمش
أمير: شنوا لي متنجموش
ميسون وجها زاد حمار حشمانة منه من جيهتة على خاطرو عريان و من جيهة آخرى انها جاية تطلب منه فلوس بعد ما رفضته : استر روحك يعيشك
أمير تبسم على شيرة من غير ما يحكي حتى كلمة مشى لبس و رجع قعد كيما كان
أمير: صايي تنجم تهز راسك
ميسون هزت رأسها بشوي خايفة لا يطلع يكذب عليها....رتاحت كي لقاتو مستور
أمير:ايه شنوا الحاجات لي خلوك تقبل
ميسون : حاجة خاصة
أمير: لا لازم نعرف
سرحت تخمم و بعدين نطقت: ب..با.بابا...لل..لا لازمتو عملية مريض قلب
امير: ممم اوكي
ميسون: صايي قبلت
أمير: وي اما بشروطي انا
ميسون : اعمل الي تحب لمهم نمنع بابا
أمير: غدوة يوصلك العقد
ميسون: اما عقد
أمير: بش نضمن انك بعد لا تهز فلوسك ما ترخيش بيا.....قداه طالبة فلوس
ميسون فركت يديها ببعضهم بتوتر : 78 مليون
أمير: كيفااااه.....اصلا كي طلبتك عالخطبة كنت ناوي نعطيك 21 اكهو...كل شهر 7 ملاين
ميسون : سامحني مجبورة...مازال كان غدوة لو ما يعملش بابا العملية ممكن برشا نفقدوه...امانك خلي نقسمو الفلوس على قد ما تحب...و بعد لا يكملوا الثلاث اشهرة...ندبر خدمة و نكمل نخلصك في الباقي....ااا شنوا قلت
أمير حك لحيته بصبعو: مممم عندي رأي آخر...علاش ما تخدمش عندي و وقت لي تكمل تخلصني تنجم تمشي على روحك...
ميسون: شنوا بش نخدم عندك
أمير: كل شي
ميسون: ش..شمعناها كل شي
أمير: لي نطلبو منك تعملو بفم ساكت....و وقت نطلبك تجي ميهمش الوقت و المكان
ميسون فتحت فمها باهتة فيه يحكي بجدول ولا يفدلك
امير: أغلق فمك اموت تهز....و ما نفدلكش نحكي بجدي....و هذا الموجود عندي تحب تقبل مرحبا متحبش ربي يسهلك
ميسون ناضت عاضة على يدها ما تحبش تعيط و تفسد اخر امل عندها : هه معناها بش نبدى عبدة عندك
أمير: انا ماقلتش هكا لكن افهم كيما تحب في كلتا الحلتين تتشابهو
ميسون: لاااا بالحق انت مهبولللل
امير وقف منرفز من عياطها : قتللك متصيحش في حضوري....و هذا لي عندي ما جبرتك على شي انتي حرة....أما رد بالك تنسى الي انتي مستحقلي اكثر مني
ميسون بقات ساهية في وجهو تفكر في كلام...ما وصلت غير انها هي المستفادة من هذا الكل صحيح بش تتعب برشا اما هذا الكل ما يغلاش على بوها... عالشخص لي تعب عليها سنين....فاقت من سهوتها على تصفيقتو....
أمير: كان ماعندك ما تحكي تنجم تخرج
ميسون : ا..انا موافقة
أمير تبسم بنصر : اوكي كيما تفاهمنا غدوة يوصلك العقد و الفلوس
ميسون : عندي شرط...شرط واحد
أمير حط يديه في جيابه مضيق الشوفة فيها : ايه اصلا عندك حق في واحد بركا...لازم تعرف تستغله
ميسون دورت عينيها بفدة: طول خدمتي ممنوع منحبش تقربلي...نحب ديما مسافة الأمان بيناتنا
أمير.......

*************************
خلي نقصوها هنا يزيكم مالقرايا و حتى انا معادش عندي أفكار للبارت....
المهم كل عام و انتم بالف خير و صحة....عيدكم مبارك ينعاد علينا و عليكم بالهناء و العافية ❤️😘