أحببت عبدتي 😍 💞🔞

الحلقة 17

مالك: توا بجدك جايبها تخدم هنا و كان يشوفها بوك
أمير: عاد شبيه...خطيبتي هي مساعدتي
مالك: اميير تعرف بوك مستحيل يخليها تخدم هنا ولا مستحيل يخلي الخطبة تم
امير: احسن ملا راحة منها
مالك: شكون
امير: الخطبة
مالك: اااا مشى في بالي تحكي على ميسون... تعرف الساعة عجبتني الطفلة دافية و عاقلة و مش كيف لبنات لخرين
امير: شنوا صاحبي ضربت فيها بعشقك
مالك: اما عشقة متاعك...ما ندورش بممتلكات صاحبي....
امير: لا ممتلكات لا هم يحزنون.... بينا عقد يكمل كل حد يمشي على روحه
مالك في قلبه: اذا ما خليتكش ترجع تحب انا ما نتسماش مالك
امير: تعرف هيكي الوزغة ليلى جات عندي للدار
مالك: شنوا تحب زادة
امير: نعطيها فرصة....نجوم الليل اقربلها ال****** متع &&&
مالك: انا ما فهمتش....ياخي وقت يفرقوا في الكرامة هي وين كانت.....ما كفاهاش لفضيحة....تحمد ربي لي انت سترتها و ما خبرتش عمي....و باقي ما زالت تحب عليك...
امير : فوتنا منها....قلي شعملت مع سي خالد؟؟
مالك: سي بون اتفقنا على قطعة الأرض لي باش نبنوا عليها....و العمال متاعنا و متاعه حاضرين.... عملت طلة انا و هو على السلعة و بقدرت ربي اخر الاسبوع نباشروا العمل....
امير: بيان...و شنوا صار فالبناء لي طاح المرة لي فاتة.... نورمالمون يكون قريب تكمل إعادة تشييده...
مالك: ايه...حتى انت لا خليتلهم و لا بقيتلهم...لتوا يحكوا عليك كيفاه قريب تشد تخنقهم
امير: كان هذا لي لازم يصير...خدمتنا مش فدلكة...راهي ارواح عباد في رقبتنا...

المهم كملوا يحكوا شعلينا فيهم...خلي نمشوا عند سيلين لي كانت مزال كيف خرجت من الفاك....فادة و متقلقة بويسك ميسون مش معاها... ايا قالت نعيطلها نشوفها شعملت....
ميسون: الو
سيلين: اهلا حبي cvn
ميسون: من الcvn من غادي....بفففف و الله كرهت روحي
سيلين: شنوا ما عجبتكش الخدمة مع نسيبي
ميسون: ملا خدمة و انا من اول ما جيت و انا هز قهوة جيب قهوة...ولا هذي الورقة تبدأ بالألف و لخرى تبدأ بالجيم تقول عليا في روضة...
سيلين: ييييي هاك قلقة اكثر مني...و الله يا ميسونة العيشة بلا بيك مرة....
ميسون: حتى انتي...شكان عليه كان توا ندور انا و ياك في جردت الفاك ولا قاعدة بجنب بابا...اااه كله على خاطره و الا والله لا نزيد نقابل وجهه هاكا المنظر....
سيلين: هههه أمير بكله تقول عليه منظر مالا لخنافس لي يقروا معانا....
ميسون: من برا الله الله و من داخل يعلم الله...اييه وينك انتي شتعمل؟؟؟
سيلين: شي....ندور في الشوارع و مبعد مروحة قلت نوصل قبل لغدى...
ميسون: علاش ما تجيش عندي...ابقى معايا شوي و مبعد نمشي انا و ياك نطلوا على بابا و نتغدوا
سيلين: و الله فكرة...خلي نشوف وين تخدم... زعما يخلوني جماعة السوكيريتي
ميسون: يدخلوك يدخلوك متخافش...انتي ايجا يكفي...
سيلين: اوكي...ما نبطاش عليك...موش بعيدة عليك
ميسون: احسن

قاعد ورى بيروه....ملفها قدامه...يقرى فيه و بسمة خفيفة على شفايفه....
حسان: انت الزوجة المنتظرة لأمير...انت باش تخليه يرجع يحب من اول و جديد...
موش كيف ما ماشي في بال الناس لكل....الي حسان باش يرفض ميسون بويسك عيلتها فقيرة...يبان متكبر يحب لفلوس و الافاريات اما فالحب كل شي يطيح فالماء...سيرتو كي تبدأ حاجة متعلقة باولاده....المهم عنده الأخلاق التربية القناعة و الاحترام و الجرأة و هي نفس الصفات الي لقاها في ميسون....
دخل عليه السيكريتار (سالم)متاعه و في نفس الوقت يده ليمين...و صاحبه
حسان: سالم ادخل ادخل
سالم: نعم سي حسان....بقى يخزر لحسان لي يتبسم و هو يشوف فالدوسي....رفع راسه شوي قابلته صورة ميسون: ههههه سي حسان....لو كان تراك مادام صوفيا تقتلك و تقتلني عالدوسي لجبته...شنوا " ليت الشباب يعود"
حسان: هههههه لا شباب و لا غيره....نقدملك مرت ولدي
سالم: امير!!!!
حسان: هههه و انا عندي غيره؟
سالم: كان رافض للفكرة تماما...كيفاه قبل بيها؟؟
حسان: انا هددته بشركته و قتله يختار اي طفلة...أما هو ختارها هي من بينهم الكل... ههههه تعرف الي هو عمل اعلان تع خدمة و حظر قريب 100 لقاء اما ولا وحدة عجبته...
سالم: تقول انتي هي سبيسيال
حسان: ديما تفهمني عالرمشة...و على هذاك لازم نخليها قريبة منه بلكش يحبها....
سالم: اووو سي حسان هذي اول طفلة تكون أقل مستوى من امير و انت راضي عليها
حسان: صحيح كنت نختارله كان في لبنات الهاي....أما نسيت الغناء في الأخلاق و البساطة....انتي ما شفتهاش اون برسون... عندها طاقة إيجابية تخليك ترتاح في القعدة معاها
سالم: مالا انا نبدأ في تجهيزات العرس من توا
حسان: هههه بكري شوي....خلي يزيدوا يتعرفوا شوي حتى يبدى لحب يدخل لقلوبهم و مبعد ساهل.....
سالم : داكور...

نازل من بيروه...الطفلة لي تتعدى بجنبه يغمزلها...و هي تضيحك عاجبها الحال....حتى وصل لباب الشركة...بدى يسمع في صوت عياط....قرب اكثر يشوف شنوا لي صاير حتى يلقى الحارس يتعارك هو وطفلة....هي تقله بندخل نشوف صاحبتي و هو يقلها الا ما يبدى عندك اذن من المدير....زاد قرب عندهم و وقف ورى الحارس....
مالك: شنوا قاعد يصير هنا....
تلفتله الحارس و بعد من قدامه...
الحارس: مرحبا سي مالك
مالك: شنوا فما
الحارس: المدام تحب تدخل عند صاحبتها و انا قلتلها لازم اذن من المدير اما هي شادة...
سيلين ماخلتوش يكمل: هاي يا شسمك انا آنسة مش مادام...و عاد شبيه كان جيت نشوف فصاحبتي قتلك نشوفها مش نخطفها ولا نفجر الشركة.....
مالك ضحك: ههههه واعرة
سيلين عوجت فمها: مع الأشكال لي كيفكم
مالك: هههه بربي....ما تعرفش انا شكون
سيلين: تطلعش المدير
مالك: يمكن
سيلين: عيني في عينه و يكذب...شكون ما يعرفش أمير و المالكي و شركته
مالك: صحيح...زيد اعطي احتمال اخر
سيلين حطت يدها على فمها...ضيقت الشوفة فيه و بدات تحكي كيف البهلولة: يعني من هياتك تبان ناس كلاس و شيك....تطلعش خوه...لا لا شنخرف انا أمير ما عندوش اخ... ولد عمه؟؟؟؟...زادة...مالا ولد خالته.... لا لا هذاك اسمه رمزي...قتلي اسمك مالك....مالك مالك مالك.....اه
كي عرفت بلي دخلتها بعضها و تفكرت شكون هو عينيها وسعوا....حطت يديها على فمها بش ما تزيدش حرف اخر مبعد هبطتها و تبسمت بتبهليل....
مالك: ههههههههه الظاهر عرفتني....هاك حافظة دوسي أمير الكل
سيلين: نحب نقرأ ديما عالناس المهمة....و ختمت كلامها بتبسيمة مستفزة..
مالك عرفها تمعني عليه...عقد حواجبه و قدملها كل خطوة يعملها هو فالتجاهها ترجعها هي بالتوالي...حتى وصلت لحافة التروتوار...زلقت رجلها قريب تكبت على دماغها لو كان ما شدهاش مالك....

............................
هذا لقدرت عليه يا جماعة سامحوني ما عنديش افكار....نحسب فالكلمات ما خلطت لل 1000 كان بالريق الناشف😅😅😅😅 اذا عندكم افكار اعطوني